1 ಪೇತ್ರ 3:13 - ಕೊಡವ ಬೈಬಲ್

¹³ ನಿಂಗ ನಲ್ಲದ್ ಮಾಡಂಡೂಂದ್ ಅರ್ಪಿಚಿಟ್ಟಯಿಂಗಳಾಯಿತ್ ಇಂಜತೇಂಗಿ, ನಿಂಗಕ್ ಕ್‍ೕಡ್ ಮಾಡ್‍ವದ್ ದಾರ್?

1 ಪೇತ್ರ 3:13 Iomraidhean Croise

ಜ್ಞಾನತ್‌ರ ಪಡಿಮ 12:21

ನೀತಿವಂತಂವೊಂಗ್‌ ಏದ್‌ ಕ್‍ೕಡ್‌ ಬಪ್ಪುಲೆ, ಆಚೇಂಗಿ ದುಷ್ಟಂಗಕ್‌ ಕಷ್ಟ ದುಂಬಿತ್‌ಪ್ಪ.

ಜ್ಞಾನತ್‌ರ ಪಡಿಮ 15:9

ದುಷ್ಟಂಗಡ ಬದ್‌ಕ್‌ ಯೆಹೋವಂಗ್‌ ಅಸಹ್ಯ. ಆಚೇಂಗಿ ನೀತಿರ ಬಟ್ಟೆಲ್‌ ನಡ್‌ಪಂವೊನ ಅಂವೊ ಪ್ರೀತಿಚಿಡುವ.

ಜ್ಞಾನತ್‌ರ ಪಡಿಮ 16:7

ಒಬ್ಬಂಡ ನಡ್‌ತೆ ಯೆಹೋವ ಮೆಚ್ಚುವನೆಕೆ ಇಂಜತೇಂಗಿ, ಅಂವೊಂಡ ವಿರೋದಿಯಳ ಸಹ ಅಂವೊಂಡ ಕೂಡೆ ಸಮಾದಾನ ಆಪನೆಕೆ ಮಾಡುವ.

ರೋಮ್ 13:3

ಅದಲ್ಲತೆ, ಅದಿಕಾರಿಯಂಗ ನಲ್ಲದ್ ಮಾಡ್‌ವಯಿಂಗಕ್ ಅಲ್ಲ, ಕೆಟ್ಟದ್ ಮಾಡ್‌ವಯಿಂಗಕೇ ಕ್ರೂರವಾಯಿತ್ ಇಪ್ಪ; ಆನಗುಂಡ್ ಅದಿಕಾರಿಯಂಗಕ್ ಪೋಡಿಯಿಲ್ಲತೆ ಬದ್‍ಕಂಡೂಂದ್ ನಿಂಗಕ್ ಆಸೆ ಇಂಜತೇಂಗಿ, ನಲ್ಲದ್ ಮಾಡಿ; ಅನ್ನನೆ ಮಾಡ್‌ವಗುಂಡ್ ನಿಂಗಕ್ ನಲ್ಲ ಪೆದ ಕ್‍ಟ್ಟುವ.

ರೋಮ್ 8:28

ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್.

1 ಕೊರಿಂಥ 14:1

ಪ್ರೀತಿನ ತ್‍ೕಡಂಡು; ಆತ್ಮೀಯ ವರಕ್ ಕುಶೀಲ್ ಆಸೆ ಪಡಂಡು. ವಿಶೇಷವಾಯಿತ್ ಪ್ರವಾದನೆ ಎಣ್ಣುವ ವರ ಬೋಂಡೂಂದ್ ನಿಂಗ ಆಸೆ ಪಡಂಡು.

ಎಫೆಸ 5:1

ಆನಗುಂಡ್, ನಿಂಗ ಇಕ್ಕ ದೇವಡ ಪ್ರೀತಿರ ಮಕ್ಕಳಾಯಿತ್ ಉಳ್ಳಾಂಗ್, ನಿಂಗ ಮಾಡ್‌ವ ಎಲ್ಲಾ ವಿಷಯತ್‍ಲು, ದೇವನ ಉದಾರಣೆಯಾಯಿತ್ ಬೆಚ್ಚೊಳಿ.

1 ಥೆಸಲೊನೀಕ 5:15

ಕೆಟ್ಟದ್ ಮಾಡ್‍ನಯಿಂಗಕ್ ದಾರೂ ಕೆಟ್ಟದ್ ಮಾಡ್‌ವಕ್ ಬುಡತಿ; ನಿಂಗಡ ಮದ್ಯತ್‍ಲ್ ಉಳ್ಳ ಒಬ್ಬೊಬ್ಬಂಗಕು, ಬೋರೆಯಿಂಗಕು ನಲ್ಲದ್ ಮಾಡ್‌ವಕ್ ಪ್ರಯತ್ನ ಪಡಿ.

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

3 ಯೋಹಾನ 1:11

ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.