1 ಪೇತ್ರ 2:8 - ಕೊಡವ ಬೈಬಲ್

⁸ ಆ ಕಲ್ಲ್ ಮನುಷ್ಯಂಗಳ ತಡ್‍ಪಕು ಬೂವಕು ಮಾಡ್‌ವ ಬಂಡೆಯಾಯಿತ್ ಆಚಿ. ಅಯಿಂಗ ದೇವಡ ಉಪದೇಶಕ್ ಬಗ್ಗ್‌ಚಿಡತಗುಂಡ್ ಅದ್ ತಡ್‍ತಂಡುಂಡ್, ಅದ್ಂಗೇ ಅಯಿಂಗಳ ನೇಮಿಚಿಟ್ಟಯಿಂಗಳಾಯಿತುಂಡ್.

1 ಪೇತ್ರ 2:8 Iomraidhean Croise

ರೋಮ್ 9:22

ಆಚೇಂಗಿ, ದೇವ ಅಂವೊಂಡ ಚೆಡಿನ ಕಾಂಬಿಚಿಡುವಕ್, ತಾಂಡ ಶಕ್ತಿನ ಕಾಟ್‌ವಕಾಯಿತ್ ಯೆಹೂದ್ಯಂಗಡಲ್ಲಿ ಮಾತ್ರ ಅಲ್ಲತೆ, ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್ಂಜ ಸಹ ನಂಗಳ ಕಾಕ್‍ಚಿ.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

2 ಕೊರಿಂಥ 2:16

ನಂಗ ಪಾಳಾಯಿ ಪೋಪಯಿಂಗಡ ಮದ್ಯತ್‍ಲ್ ಚಾವ್‍ರ ವಾಸನೆಯಾಯಿತು, ರಕ್ಷಣೆ ಕ್‍ಟ್ಟ್‌ವಯಿಂಗಡ ಮದ್ಯತ್‍ಲ್ ಜೀವತ್‍ರ ಸುಗಂದ ವಾಸನೆಯಾಯಿತು ಉಂಡ್. ಇನ್ನನೆ ಮಾಡ್‌ವಕ್ ಯೋಗ್ಯನಾಯಿತುಳ್ಳಂವೊ ದಾರ್?

ಗಲಾತ್ಯ 5:11

ನಾಡ ಅಣ್ಣತಮ್ಮಣಂಗಳೇ, ಸುನ್ನತಿ ಮಾಡಂಡೂಂದ್ ನಾನ್ ಇಂಞು ಬೋದನೆ ಮಾಡಿಯಂಡಿಂಜತೇಂಗಿ ಎನ್ನಂಗಾಯಿತ್ ನಾಕ್ ಇಕ್ಕಲು ತೊಂದರೆ ಬಂದಂಡುಂಡ್? ಅನ್ನನೆ ಆಚೇಂಗಿ, ಕ್ರಿಸ್ತಂಡ ಶಿಲುಬೇರ ವಿಷಯತ್ಂಜ ಬಪ್ಪ ನಿಂದನೆ ಇಲ್ಲತೆ ಪೋಯಿತ್‌ಪ್ಪ್‌ಲೆಯಾ?

1 ಥೆಸಲೊನೀಕ 5:9

ದೇವ ಅಂವೊಂಡ ಚೆಡಿರ ತೀರ್ಪ್‌ಕಾಯಿತ್ ನಂಗಳ ನೇಮಿಚಿಟ್ಟಿತ್‌ಲ್ಲೆ. ಅದ್ಂಡ ಬದ್‍ಲ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗ ಬಚಾವಾಪಕ್ ನೇಮಿಚಿಟ್ಟತ್.

1 ಪೇತ್ರ 2:6

ದೇವಡ ವಾಕ್ಯತ್‍ಲ್: ನೋಟಿ, ನಾನ್ ಗೊತ್ತ್ ಮಾಡ್‍ನ ಬೆಲೆಯುಳ್ಳ ಮೂಲೆಕಲ್ಲ್‌ನ ಚೀಯೋನ್‌ ಪಟ್ಟಣತ್‍ಲ್ ಬೆಚ್ಚಿಯೆ, ಅದ್ಂಡಮೇಲೆ ನಂಬಿಕೆ ಬೆಪ್ಪಂವೊ ಞಾಣ ಆಪುಲೇಂದ್ ಎಣ್ಣಿತುಂಡ್.

1 ಪೇತ್ರ 2:7

ಆನಗುಂಡ್, ಅದ್ಂಡಮೇಲೆ ನಂಬಿಕೆ ಬೆಪ್ಪ ನಿಂಗಕ್ ಅದ್ ಅಮುಲ್ಯವಾನದ್, ಆಚೇಂಗಿ, ಅದ್‍ನ ನಂಬತಯಿಂಗಕ್, ಅದ್: ಮನೆ ಕೆಟ್ಟ್‌ವಯಿಂಗ ಬೋಂಡಾಂದ್ ತಿರಸ್ಕಾರ ಮಾಡ್‍ನ ಆ ಕಲ್ಲೇ, ಮನೆರ ಮುಕ್ಯವಾನ ಕಲ್ಲಾಚಿ

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

ಯೂದ ಒಳ್‍ದ್‍ನ ಕಾಗದ 1:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಮೇಲೆ ದಂಗೆ ಮಾಡ್‌ವ ಚೆನ್ನ ಜನ ನಿಂಗಕ್ ಗೊತ್ತಿಲ್ಲತೆ ನಿಂಗಡ ಸಬೇಲ್ ನುಗ್ಗಿತ್, ದೇವಡ ಕೃಪೆ ನಂಗಳ ಕಾಮಾಬಿಲಾಷೆ ಪಾಪ ಮಾಡ್‌ವಕ್ ಅನುಮತಿ ಕೊಡ್‍ತಿತುಂಡ್‍ೕಂದ್ ಎಣ್ಣಿಯಂಡ್, ಯೇಸು ಕ್ರಿಸ್ತ ಒಬ್ಬನೇ ನಂಗಡ ಮೇಲೆ ಎಲ್ಲಾ ಅದಿಕಾರ ಉಳ್ಳ ಒಡೆಯಾಂದ್ ಉಳ್ಳಾನ ಒತ್ತಂಡಿಲ್ಲೆ. ಅಯಿಂಗಡ ತೀರ್ಪ್‌ನ ಪಂಡೇ ದೇವ ಒಳ್‍ದಿ ಬೆಚ್ಚಿತುಂಡ್.