1 ಪೇತ್ರ 2:23 - ಕೊಡವ ಬೈಬಲ್

²³ ಅಂವೊನ ಅಯಿಂಗ ಅವಮಾನಮಾಡ್‌ವಕ, ಬದ್‍ಲ್ ಬಜ್ಜಿತ್‌ಲ್ಲೆ, ಹಿಂಸೆ ಮಾಡ್‌ವಕ, ಅಯಿಂಗಕ್ ಪೋಡಿ ಬಪ್ಪನೆಕೆ ಮಾಡಿತ್‌ಲ್ಲೆ. ಅದ್ಂಡ ಬದ್‍ಲ್, ನೀತಿಯಾಯಿತ್ ತೀರ್ಪ್ ಮಾಡ್‌ವಂವೊಂಡ ಪಕ್ಕ ಅಂವೊನ ಒಪ್ಪ್‌ಚಿಟ್ಟತ್.

1 ಪೇತ್ರ 2:23 Iomraidhean Croise

ಆದ್ಯತ್‌ರ ಪುಸ್ತಕ 18:25

ನೀನ್‌ ನೇರಾಯಿತು ದುಷ್ಟಂಗಡ ಕೂಡೆ ನೀತಿವಂತಯಿಂಗಳ ನಾಶ ಮಾಡುಲೆ. ನೀನ್‌ ಎನ್ನನೆ ದುಷ್ಟಂಗಳ ಪಿಂಞ ನೀತಿವಂತಯಿಂಗಳ ಒರೇ ಲೆಕ್ಕತ್‌ ನೋಟ್‌ವಕಯ್ಯು. ನೀನ್‌ ನೇರಾಯಿತು ಅನ್ನನೆ ಮಾಡುಲೆ! ಬೂಮಿರ ನ್ಯಾಯಾದಿಪತಿ ನ್ಯಾಯವಾನದ್‌ನೇ ಮಾಡುವಲ್ಲಾಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:41

ನಂಗ ನೇರಾಯಿತು ತಪ್ಪ್ ಮಾಡ್‍ನಯಿಂಗ, ನಂಗ ಮಾಡ್‍ನ ತಪ್ಪ್‌ಕ್ ತಕ್ಕ ಶಿಕ್ಷೆ ಕ್‌ಟ್ಟಿಯಂಡುಂಡ್. ಆಚೇಂಗಿ ಈ ಮನುಷ್ಯ ಒರ್ ತಪ್ಪು ಮಾಡಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:46

ಪಿಂಞ ಯೇಸು: ಅಪ್ಪ, ನಾಡ ಜೀವತ್‍ನ ನೀಡ ಕೈಯಿಕ್ ಒಪ್ಪ್‌ಚಿಡುವೀಂದ್ ಜೋರಾಯಿತ್ ಕೂತ್ ಕೊಡ್‌ಪಂಜಿ ಜೀವತ್‍ನ ಬುಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:9

ಹೆರೋದ, ಯೇಸುಕ್ ದುಂಬ ಪ್ರಶ್ನೆ ಇಟ್ಟತ್. ಆಚೇಂಗಿ ಯೇಸು ಒಂದಾಂಗು ಉತ್ತರ ಕೊಡ್‍ತಿತ್‌ಲ್ಲೆ. ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಅಲ್ಲಿ ನಿಂದಂಡ್ ಯೇಸುರ ಮೇಲೆ ಜೋರಾಯಿತ್ ಕುತ್ತ ಪರ್ಂದಂಡಿಂಜತ್.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

ಅಪೊಸ್ತಲ 4:29

ಆಚೇಂಗಿ ಇಕ್ಕ ಒಡೆಯನೇ, ಅಯಿಂಗ ನಂಗಳ ಬೊತ್ತ್‌ಚಿಟ್ಟದ್‍ನ ನೀನ್ ನೋಟಿತ್, ನೀಡ ಸೇವಕಂಗಳಾನ ನಂಗಕ್ ನೀಡ ವಾಕ್ಯತ್‍ನ ಬೋದನೆ ಮಾಡ್‌ವಕ್ ದೈರ್ಯ ಕೊಡ್.

ಅಪೊಸ್ತಲ 7:59

ಅಯಿಂಗ ಸ್ತೆಫನಂಡ ಮೇಲೆ ಕಲ್ಲ್ ಕನ್‍ಚಂಡಿಪ್ಪಕ, ಅಂವೊ: ಒಡೆಯನಾನ ಯೇಸು ಕ್ರಿಸ್ತನೇ, ನಾಡ ಆತ್ಮತ್‌ನ ಸ್ವೀಕಾರ ಮಾಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 9:1

ಸೌಲ ಒಡೆಯಂಡ ಮಕ್ಕಳ ಇಂಞು ಪೋಡಿಲ್ ಬೊತ್ತ್‌ಚಿಟ್ಟಿತ್ ಕೊಲ್ಲ್‌ವಂತ ಬಲ್ಯ ಆವೇಶತ್‍ಲ್ ಇಂಜತ್, ಒಡೆಯನ ನಂಬುನಯಿಂಗಳ ಕೊಲ್ಲ್‌ವಕಾಯಿತ್ ಮಹಾ ಯಾಜಕಂಡ ಪಕ್ಕ ಪೋಚಿ.

ರೋಮ್ 2:5

ಆಚೇಂಗಿ, ನಿಂಗಡ ಕಠಿಣ ಹೃದಯತ್‍ರಗುಂಡ್ ಪಿಂಞ ವಾಸಿ ಆಕತ ಹೃದಯತ್‍ರಗುಂಡ್, ನೀತಿಯುಳ್ಳ ತೀರ್ಪ್ ತಪ್ಪ ದೇವಡ ಬಲ್ಯ ಚೆಡಿರ ದಿವಸತ್‍ಲ್, ನಿಂಗ ನಿಂಗಕಾಯಿತ್ ದೇವಡ ಬಲ್ಯ ಚೆಡಿನ ಕೂಟಿ ಬೆಚ್ಚಂಡುಳ್ಳಿರಲ್ಲ?

ಎಫೆಸ 6:9

ಎಜಮಾನಂಗಳೇ, ನಿಂಗಳು ಸಹ, ಅಡಿಯಾಳ್‌ವಕ್ ಮಾಡ್‌ವಕ್ಕುಳ್ಳಾನ ಮಾಡಿತ್, ಅಯಿಂಗಕು ನಿಂಗಕು ಒರೇ ಎಜಮಾನ ಪರಲೋಕತ್‍ಲ್ ಉಂಡ್‍ೕಂದು ಪಿಂಞ ಅಂವೊ ದಾರ್‌ಕು ಪಕ್ಷಪಾತ ಮಾಡುಲೇಂದ್ ಗೇನ ಮಾಡಿತ್, ಅಯಿಂಗಳ ಬೊತ್ತ್‌ಚಿಡತಿ.

2 ಥೆಸಲೊನೀಕ 1:5

ನಿಂಗ ದೇವಡ ರಾಜ್ಯಕಾಯಿತ್ ಹಿಂಸೆನ ಸಹಿಸಿಯಂಡ್ ಉಳ್ಳಾಂಗ್, ಆ ರಾಜ್ಯಕ್ ನಿಂಗ ಯೋಗ್ಯವಾಯಿತ್ ಉಳ್ಳಿರಾಂದ್ ಪಿಂಞ ದೇವ ನ್ಯಾಯವಾನ ತೀರ್ಪ್ ತಪ್ಪಾಂದ್ ಎಣ್ಣ್‌ವಕ್ ನಿಂಗಡ ಸಹಿಸುವ ಗುಣವೇ ಸಾಕ್ಷಿಯಾಯಿತ್ ಉಂಡ್.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಇಬ್ರಿಯ 12:3

ಆನಗುಂಡ್, ನಿಂಗ ಮನಸ್ಸ್ ಬುಟ್ಟಿತ್ ತಳ್ಂದ್ ಪೋಕತನೆಕೆ, ಪಾಪಿಯಂಗ ಯೇಸುಕ್ ಮಾಡ್‍ನ ಎಲ್ಲಾ ತರ ವಿರೋದತ್‍ನ ಅಂವೊ ಸಹಿಯಂಡ್ ಇಂಜದ್‍ನ ಗೇನ ಮಾಡಿಯೊಳಿ.

1 ಪೇತ್ರ 3:9

ಕ್‍ೕಡ್ ಮಾಡ್‌ವಯಿಂಗಕ್ ಕ್‍ೕಡ್ ಮಾಡತಿ, ಅವಮಾನ ಮಾಡ್‌ವಯಿಂಗಳ ಅವಮಾನ ಮಾಡತಿ, ಆಚೇಂಗಿ, ನಿಂಗ ಆಶೀರ್ವಾದ ಪಡೆಯುವಕ್ ದೇವ ನಿಂಗಳ ಕಾಕಿತುಂಡ್‍ೕಂದ್ ಗೇನ ಮಾಡಿತ್ ಅಯಿಂಗಳ ಆಶೀರ್ವಾದ ಮಾಡಿ.

1 ಪೇತ್ರ 4:19

ಆನಗುಂಡ್, ದೇವಡ ಚಿತ್ತತ್‍ರನೆಕೆ ಕಷ್ಟ ಅನುಬವಿಚುಡುವಯಿಂಗ, ನಲ್ಲದ್ ಮಾಡಿಯಂಡ್ ಉಳ್ಳಯಿಂಗಳಾಯಿತ್, ಅಯಿಂಗಡ ಆತ್ಮತ್‌ನ ನೇರಾನ ದೇವನಾನ ಸೃಷ್ಟಿ ಮಾಡ್‍ನಂವೊಂಗ್ ಒಪ್ಪ್‌ಚಿಡಂಡು.

ಪ್ರಕಟನೆ 19:11

ಪಿಂಞ, ಪರಲೋಕ ತೊರ್‌ಂದದ್‍ನ ನಾನ್ ಕಂಡಿಯೆ. ಅಕ್ಕ ಬೊಳ್‍ತ ಕುದ್‍ರೆನ ಕಾಂಬಕಾಚಿ. ಅದ್ಂಡಮೇಲೆ ಅಳ್‌ತಿತ್ ಇಂಜಂವೊಂಗ್, ನಂಬಿಕಸ್ತ ಪಿಂಞ ಸತ್ಯವಂತಂವೋಂದ್ ಪೆದ ಇಂಜತ್. ಅಂವೊ ನೀತಿಯಿಂಜ ನ್ಯಾಯತೀರ್ಪ್ ಕೊಡ್‌ತಿತ್ ಯುದ್ದ ಮಾಡ್‌ವಂವೊನಾಯಿತ್ಂಜತ್.