1 ಪೇತ್ರ 2:22 - ಕೊಡವ ಬೈಬಲ್

²² ಅಂವೊ ಪಾಪ ಮಾಡಿತ್‌ಲ್ಲೆ, ಅಂವೊಂಡ ತಕ್ಕ್‌ಲ್ ಒರ್ ವಂಚನೇಯು ಕಂಡಿತ್‌ಲ್ಲೆ;

1 ಪೇತ್ರ 2:22 Iomraidhean Croise

ಮತ್ತಾಯ 27:19

ಪಿಲಾತ, ನ್ಯಾಯತೀರ್ಪ್ ಕೊಡ್‍ಪ ಜಾಗತ್‍ಲ್ ಅಳ್‌ತಿತ್ ಇಪ್ಪಕ ಪಿಲಾತಂಡ ಪೊಣ್ಣ್ ಅಂವೊಂಗ್: ನೀನ್ ಆ ನೀತಿವಂತಂವೊನ ಒಂದು ಮಾಡತೆ; ಎನ್ನಂಗೆಣ್ಣ್‌ಚೇಂಗಿ ನಿನ್ನಾಂದ್ ಬಯಿಟ್ ಅಂವೊಂಡ ವಿಷಯತ್ ಸ್ವಪ್ನತ್‌ಲ್ ದುಂಬ ಕಷ್ಟಪಟ್ಟಿಯೇಂದ್ ಸುದ್ದಿ ಅಯಿಚತ್.

ಮತ್ತಾಯ 27:4

ನಾನ್ ಒರ್ ತಪ್ಪು ಮಾಡತ ಒಬ್ಬನ ಪುಡ್‍ಚಿ ಕೊಡ್‌ತಗುಂಡ್, ನಾನ್ ಪಾಪ ಮಾಡಿಯೇಂದ್ ಎಣ್ಣ್‌ಚಿ. ಅದ್ಂಗ್ ಅಯಿಂಗ: ಇದ್ ನಂಗಕ್ ಸಂಬಂದ ಪಟ್ಟದ್‌ಲ್ಲೆ. ಅದ್‍ನ ನೀನೇ ನೋಟಿಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:41

ನಂಗ ನೇರಾಯಿತು ತಪ್ಪ್ ಮಾಡ್‍ನಯಿಂಗ, ನಂಗ ಮಾಡ್‍ನ ತಪ್ಪ್‌ಕ್ ತಕ್ಕ ಶಿಕ್ಷೆ ಕ್‌ಟ್ಟಿಯಂಡುಂಡ್. ಆಚೇಂಗಿ ಈ ಮನುಷ್ಯ ಒರ್ ತಪ್ಪು ಮಾಡಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:47

ನೂರ್ ಪಡೆಯಾಳಿಯಡ ಅದಿಕಾರಿ, ಯೇಸುಕ್ ಇನ್ನನೆ ಎಲ್ಲಾ ಆನದ್‍ನ ಕಂಡಿತ್, ಈ ಮನುಷ್ಯ ನೇರಾಯಿತು ನೀತಿವಂತನೇ ಎಣ್ಣಿಯಂಡ್ ದೇವನ ತುದಿಚತ್.

ಯೋಹಾನ 1:47

ನತಾನಯೇಲ ಯೇಸುರ ಪಕ್ಕ ಬಪ್ಪಕ, ಯೇಸು ಅಂವೊನ ನೋಟಿತ್: ನೋಟಿ, ಇಂವೊ ಏದ್ ಕಪಟವು ಇಲ್ಲತ ನೇರಾನ ಇಸ್ರಾಯೇಲಾಂದ್ ಎಣ್ಣ್‌ಚಿ.

ಯೋಹಾನ 8:46

ನಾಡಲ್ಲಿ ಪಾಪ ಉಂಡ್‍ೕಂದ್ ನಿಂಗಡಲ್ಲಿ ದಾರ್ ನನ್ನ ಕುತ್ತ ಪರಿಯುವಕ್ ಕಯ್ಯು? ನಾನ್ ಸತ್ಯ ಎಣ್ಣ್‌ವಕ, ನಿಂಗ ಎನ್ನಂಗ್ ನನ್ನ ನಂಬುಲೆ?

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

1 ಯೋಹಾನ 2:1

ನಾಡ ಪ್ರೀತಿರ ಮಕ್ಕಳೇ, ನಿಂಗ ಪಾಪ ಮಾಡತೆ ಇಪ್ಪಕಾಯಿತ್ ನಾನ್ ನಿಂಗಕ್ ಇದ್‍ನ ಒಳ್‍ದ್‍ವಿ. ಅನ್ನನೆ ದಾರೇಂಗಿ ಪಾಪ ಮಾಡ್‍ಚೇಂಗಿ, ನಂಗಕಾಯಿತ್ ಅಪ್ಪನಾನ ದೇವಡ ಪಕ್ಕ ಬೋಡ್‍ವಕ್ ಮದ್ಯಸ್ತ ಒಬ್ಬ ಉಂಡ್. ಆ ಮದ್ಯಸ್ತ, ನೀತಿವಂತಂವೊನಾನ ಯೇಸು ಕ್ರಿಸ್ತ.

1 ಯೋಹಾನ 3:5

ನಂಗಡ ಪಾಪತ್‍ನ ಎಡ್‌ತ್‌ ಕಳೆಯುವಕಾಯಿತ್ ಕ್ರಿಸ್ತ ಈ ಲೋಕಕ್ ಬಾತ್‍ೕಂದ್ ನಿಂಗಕ್ ಗೊತ್ತುಂಡ್. ಅಂವೊಂಡ ಪಕ್ಕ ಪಾಪ ಇಲ್ಲೆ.

ಪ್ರಕಟನೆ 14:5

ಅಯಿಂಗಡ ತಕ್ಕ್‌ಲ್ ಕಪಟತನ ಇಂಜಿತ್ತ್‌ಲ್ಲೆ; ದೇವಡ ಸಿಂಹಾಸನತ್‍ರ ಮಿಂಞತ್ ಒರ್ ಕುತ್ತವು ಇಲ್ಲತಯಿಂಗಳಾಯಿತುಂಡ್.