1 ಪೇತ್ರ 2:1 - ಕೊಡವ ಬೈಬಲ್

¹ ಆನಗುಂಡ್, ಬೋರೆಯಿಂಗಳ ಕಷ್ಟಪಡ್‌ತ್‌ವದ್‍ಲ್ ಕುಶಿ ಪಡುವ ಎಲ್ಲಾ ಗುಣತ್‍ನ, ವಂಚನೆ ಮಾಡ್‌ವ ಗುಣತ್‍ನ, ಎಲ್ಲಾ ಕಪಟಿಯಾನ ಗುಣತ್‍ನ, ಹೊಟ್ಟೆಕಿಚ್ಚ್‌ನ, ಕುತ್ತಪರಿಯುವಾನೆಲ್ಲಾನ ನಿಂಗಡಲ್ಲಿಂಜ ಚಾಡಿ ಕಳೆಯುವಿರ.

1 ಪೇತ್ರ 2:1 Iomraidhean Croise

ಜ್ಞಾನತ್‌ರ ಪಡಿಮ 14:30

ನೆಮ್ಮದಿ ಉಳ್ಳ ಮನಸ್ಸ್‌ ತಡಿಕ್‌ ಸೌಕ್ಯ ತಪ್ಪ. ಆಚೇಂಗಿ ಹೊಟ್ಟೆಕಿಚ್ಚ್‌ಲ್‌ ಮೂಳೆ ಕೀವ.

ಜ್ಞಾನತ್‌ರ ಪಡಿಮ 24:1

ದುಷ್ಟಂಗಡ ವಿಷಯತ್‌ ಹೊಟ್ಟೆಕಿಚ್ಚ್‌ ಪಡಂಡ. ಅಯಿಂಗಡ ಕೂಡೆ ಇಪ್ಪಕು ಕುಶಿ ಪಡಂಡ.

ಜ್ಞಾನತ್‌ರ ಪಡಿಮ 24:19

ಕ್‍ೕಡ್‌ ಮಾಡ್‌ವಯಿಂಗಡ ವಿಷಯತ್‌ ಚೆಡಿ ಮಾಡಿಯೊತೆ. ದುಷ್ಟಂಗಡ ಮೇಲೆ ಹೊಟ್ಟೆಕಿಚ್ಚ್‌ ಪಡತೆ.

ಜ್ಞಾನತ್‌ರ ಪಡಿಮ 3:31

ಹಿಂಸೆ ಪಡುತ್‌ವಂವೊನ ನೋಟಿತ್‌ ಹೊಟ್ಟೆಕಿಚ್ಚ್‌ ಪಡತೆ. ಅಂವೊಂಡ ಒರು ಬಟ್ಟೆಲೂ ಪೋಕತೆ.

ಮತ್ತಾಯ 15:7

ಕಪಟಿಯಳೇ, ನಿಂಗಡ ವಿಷಯತ್ ಯೆಶಾಯ ಪ್ರವಾದಿ:

ಮತ್ತಾಯ 23:28

ಅನ್ನನೆ ನಿಂಗ ಪೊರಮೆ ನೀತಿವಂತಯಿಂಗಡನೆಕೆ ಕಾಂಬಿರ. ಆಚೇಂಗಿ ಒಳ್‍ಲ್ ದುಂಬ ಕಪಟತ್‌ಲು ಅನ್ಯಾಯತ್‌ಲು ದುಂಬಿತುಳ್ಳಿರ.

ಮತ್ತಾಯ 24:51

ಬಂದಿತ್ ಆ ಆಳ್‍ಕ್ ಕಠಿಣವಾಯಿತ್ ಶಿಕ್ಷೆ ಕೊಡ್‌ತಿತ್, ಕಪಟಿಯಂಗ ಉಳ್ಳ ಜಾಗತ್‍ಲ್ ಅಂವೊನ ಸಹ ಇಟ್ಟ್‌ರ್‍ವ. ಅಲ್ಲಿ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 7:5

ಓ ಕಪಟಿಯಳೇ! ಮಿಂಞ ನೀಡ ಕಣ್ಣ್‌ಲ್ ಉಳ್ಳ ಮರ ಪಾರ್‍ನ ಎಡ್‍ತಿತ್ ಕನ್‍ಚಿರ್. ಅಕ್ಕ ನೀಡ ಅಣ್ಣತಮ್ಮಣಂಡ ಕಣ್ಣ್‌ಲ್ ಉಳ್ಳ ದೂಳ್‍ನ ಎಡ್‍ಪಕ್ ನೀಕ್ ಚಾಯಿ ಕಾಂಬ.

ಮಾರ್ಕ 12:15

ಆಚೇಂಗಿ ಅಯಿಂಗಡ ಕಪಟ ಕಳಿ ಯೇಸುಕ್ ಗೊತ್ತಾಚಿ. ಅಕ್ಕ ಅಂವೊ: ನಿಂಗ ಎನ್ನಂಗ್ ನನ್ನ ಕೆಣಿಪಕ್ ನೋಟ್‍ವಿರ? ಒರ್ ಬೊಳ್ಳಿರ ನಾಣ್ಯತ್‍ನ ಕೊಂಡ್‌ಬಾರಿ ಅದ್‍ನ ನಾನ್ ನೋಟ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:44

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ನಿಂಗ ಒರ್ ಗುರ್‌ತ್ ಇಲ್ಲತ ಸಮಾದಿರನೆಕೆ ಉಳ್ಳಿರ, ಜನಕ್ ಅದ್ ಎಂತ್‍ೕಂದ್ ಗೊತ್ತಿಲ್ಲತೆ ಅದ್ಂಡಮೇಲೆ ನಡ್‍ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:1

ಅಕ್ಕ, ಆಯಿರಾಯಿರ ಜನ ಬಂದಿತ್ ಒಬ್ಬಂಡ ಮೇಲೆ ಇಂಞೊಬ್ಬ ಚೌಟಿಯಂಡ್ ಇಪ್ಪಕ ಯೇಸು ಆದ್ಯವಾಯಿತ್ ಅಂವೊಂಡ ಶಿಷ್ಯಂಗಕ್ ಫರಿಸಾಯಂಗಡ ಈಸ್ಟ್‌ರನೆಕೆ ಉಳ್ಳ ಕಪಟ ಬೋದನೆರ ವಿಷಯತ್ ಎಚ್ಚರತ್‍ಲ್ ಇರೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:42

ನೀನ್ ನೀಡ ಕಣ್ಣ್‌ಲ್ ಮರ ಪಾರ್ ಇಪ್ಪದ್‍ನ ಗೇನ ಮಾಡತೆ, ನೀಡ ಅಣ್ಣತಮ್ಮಣನ ನೋಟಿತ್, ನಾನ್ ನೀಡ ಕಣ್ಣ್‌ಲ್ ಉಳ್ಳ ದೂಳ್‍ನ ಎಡ್‍ಪೀಂದ್ ಎಣ್ಣ್‌ವದ್ ಎನ್ನನೆ? ಓ ಕಪಟಿಯಳೇ! ಮಿಂಞ ನೀಡ ಕಣ್ಣ್‌ಲ್ ಉಳ್ಳ ಮರ ಪಾರ್‍ನ ಎಡ್‍ತಿತ್ ಕನ್‍ಚಿರ್. ಅಕ್ಕ ನೀಡ ಅಣ್ಣತಮ್ಮಣಂಡ ಕಣ್ಣ್‌ಲ್ ಉಳ್ಳ ದೂಳ್‍ನ ಎಡ್‍ಪಕ್ ನೀಕ್ ಚಾಯಿ ಕಾಂಬ.

ಯೋಹಾನ 1:47

ನತಾನಯೇಲ ಯೇಸುರ ಪಕ್ಕ ಬಪ್ಪಕ, ಯೇಸು ಅಂವೊನ ನೋಟಿತ್: ನೋಟಿ, ಇಂವೊ ಏದ್ ಕಪಟವು ಇಲ್ಲತ ನೇರಾನ ಇಸ್ರಾಯೇಲಾಂದ್ ಎಣ್ಣ್‌ಚಿ.

ರೋಮ್ 1:29

ಅಯಿಂಗ ಎಲ್ಲಾ ವಿದವಾನ ದುಷ್ಟತನತ್‍ಲ್, ಕೇಡ್‍ಲ್, ದ್ರೋಹ ಮಾಡ್‌ವದ್‍ಲ್, ಪಣತ್‍ರ ಆಸೇಲ್, ಆಂಗಾರತ್‍ಲ್, ಕೊಲೆ ಮಾಡ್‌ವದ್‍ಲ್, ತರ್ಕ ಮಾಡ್‌ವದ್‍ಲ್, ಕೆಟ್ಟ ಆಸೇಲ್, ವಂಚನೆಲ್, ಒಟ್ಟೆಕಿಚ್ಚ್‌ಲ್ ದುಂಬಿತುಂಡ್.

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.

1 ಕೊರಿಂಥ 5:8

ಆನಗುಂಡ್, ಈಸ್ಟ್‌ರಗುಂಡ್ ಮಾಡ್‍ನ ಪಳೆಯ ಒಟ್ಟಿರನೆಕೆ ಉಳ್ಳ ಮೋಸ ಪಿಂಞ ದುಷ್ಟತನತ್‍ನ ಬೆಚ್ಚಂಡ್ ಅಲ್ಲ, ಆಚೇಂಗಿ ಪವಿತ್ರ ಪಿಂಞ ಸತ್ಯ ಎಣ್ಣುವ ಪುಳಿಯಿಲ್ಲತ ಒಟ್ಟಿ ತಿಂಬನೆಕೆ ನಮ್ಮೆನ ಕೊಂಡಾಡನ.

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

ಎಫೆಸ 4:31

ಎಲ್ಲಾ ಕೈಪ್‍ತನ, ಬೈಗಳ, ಚೆಡಿ, ಜೋರ್ ಮಾಡ್‍ವದ್, ಕೆಟ್ಟ ತಕ್ಕ್ ಪಿಂಞ ಎಲ್ಲಾ ಕೆಟ್ಟ ಗುಣವು ನಿಂಗಳ ಬುಟ್ಟಿತ್ ಪೋಡ್.

1 ಥೆಸಲೊನೀಕ 2:3

ನಂಗಡ ಬೋದನೆರ ಮೂಲಕ ನಿಂಗಳ ನಂಗ ಬೋಡ್‍ನದ್, ನಿಂಗಳ ವಂಚನೆ ಮಾಡ್‌ವಕೋ, ತಪ್ಪಾನ ಉದ್ದೇಶತ್‍ಲೋ, ಕಪಟತ್ಂಜೋ ಎಣ್ಣ್‌ನದ್ ಅಲ್ಲ.

1 ತಿಮೊಥೆಯ 3:11

ಅನ್ನನೆ ಅಯಿಂಗಡ ಪೊಣ್ಣಾಳ್‍ವಳೂ ಮರ್ಯಾದಸ್ತಂಗಳಾಯಿತ್, ಕುತ್ತ ಪರಿಯತಯಿಂಗಳಾಯಿತ್, ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಅಯಿಂಗ ಮಾಡ್‌ವ ಎಲ್ಲಾ ಕಾರ್ಯತ್‍ಲ್ ನಂಬಿಕಸ್ತಯಿಂಗಳಾಯಿತ್ ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:3

ಅನ್ನನೆ ವಯಸ್ಸಾನ ಪೊಣ್ಣಾಳ್‍ವಳು, ದೇವಡ ಮೇಲೆ ಪ್ರೀತಿ ಉಳ್ಳಯಿಂಗ ನಡ್‍ಪನೆಕೆ ನಡ್‌ಕಂಡು. ಕುತ್ತ ಪರಿಯತಯಿಂಗಳಾಯಿತ್, ಕಳ್ಳ್ ಕುಡಿಚಂಡ್ ಇಪ್ಪಕ್ಕಾಗ. ಏದ್ ನಲ್ಲದೋ, ಅದ್‍ನ ಅಯಿಂಗ ಬೋರೆಯಿಂಗಕ್ ಪಡಿಪ್‍ಚಿಡಂಡು.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.

ಯಾಕೋಬ 3:14

ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.

ಯಾಕೋಬ 4:11

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಬ್ಬಂಗೊಬ್ಬ ವಿರೋದವಾಯಿತ್ ಕೆಟ್ಟದ್ ಪರಿಯತಿ; ನಿಂಗ ಒಬ್ಬಂಗೊಬ್ಬ ತಪ್ಪ್ ಪರ್ಂದಿತ್, ದೂಷಣೆ ಮಾಡ್‍ಚೇಂಗಿ, ಅಕ್ಕ ನಿಂಗ ನ್ಯಾಯಪ್ರಮಾಣತ್‍ಲ್ ತಪ್ಪ್ ಕಂಡ್‍ಪುಡ್‌ಚಿತ್ ದೂಷಣೆ ಮಾಡ್‍ನನೆಕೆ; ನ್ಯಾಯಪ್ರಮಾಣ ಸರಿ ತಪ್ಪ್‍ೕಂದ್ ನಿಂಗ ತೀರ್ಪ್ ಕೊಡ್‍ಪಕ್ಕಾಗ, ಅದ್‍ನ ಕ್‍ೕಟಿತ್ ನಡ್‍ಪದೇ ನಿಂಗಡ ಕೆಲಸ.

ಯಾಕೋಬ 4:5

ಅಥವ, ನಂಗಡೊಳ್‌ಲ್ ವಾಸ ಮಾಡ್‌ವಕಾಯಿತ್ ದೇವ ಕೊಡ್‍ತ ಪವಿತ್ರಾತ್ಮ ನಂಗ ದೇವಡ ಪಕ್ಕ ಸತ್ಯವುಳ್ಳಯಿಂಗಳಾಯಿತ್ ಇರಂಡೂಂದ್ ವೈರಾಗ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವ ದೇವಡ ವಾಕ್ಯ ಮುಂಡತೆ ಎಣ್ಣಿತುಂಡ್‍ೕಂದ್ ಗೇನಮಾಡಿಯಂಡುಳ್ಳಿರ?

ಯಾಕೋಬ 5:9

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನ್ಯಾಯತೀರ್ಪ್ ಕ್‍ಟ್ಟತನೆಕೆ ಅಪ್ಪರ ಇಪ್ಪರ ಗೊಣಗಿಯಂಡ್ ಇಕ್ಕತಿ; ನೋಟಿ, ನ್ಯಾಯದಿಪತಿಯಾನ ಯೇಸು ಪಡಿರ ಪಕ್ಕ ನಿಂದಂಡ್ ಉಂಡ್.

1 ಪೇತ್ರ 2:16

ಬುಡ್‍ಗಡೆ ಆನಯಿಂಗಳಾಯಿತ್ ಬದ್‍ಕಿ, ಆಚೇಂಗಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪ ಮಾಡಿತ್ ಮುಚ್ಚ್‌ವಕ್ ಉಪಯೋಗಿಚಿಡತಿ; ದೇವಡ ಸೇವಕಂಗಡನೆಕೆ ಬದ್‍ಕಂಡು.

1 ಪೇತ್ರ 2:22

ಅಂವೊ ಪಾಪ ಮಾಡಿತ್‌ಲ್ಲೆ, ಅಂವೊಂಡ ತಕ್ಕ್‌ಲ್ ಒರ್ ವಂಚನೇಯು ಕಂಡಿತ್‌ಲ್ಲೆ;

1 ಪೇತ್ರ 3:10

ದಾರ್ ಅಯಿಂಗಡ ಬದ್‍ಕ್‍ನ ಪ್ರೀತಿಚಿಡುವ, ಪಿಂಞ ನಲ್ಲ ಬವಿಷ್ಯ ಬರಂಡೂಂದ್ ಗೇನ ಮಾಡ್‌ವ, ಅಯಿಂಗ ಕೆಟ್ಟದ್ ಪರಿಯುವಕ್ ತಾಂಡ ನಾವ್‌ನ ಪಿಂಞ ಪೊಟ್ಟ್ ಪರಿಯುವಕ್ ತಾಂಡ ಕಿರಿನ ಅಡಕುವ.

1 ಪೇತ್ರ 4:2

ಆನಗುಂಡ್, ಇಂಞು ಮಿಂಞಕ್ ತಡೀಲ್ ಇಪ್ಪಕತ್ತನೆ, ಮನುಷ್ಯಂಗಡ ಇಚ್ಛೆಕಾಯಿತ್ ಬದ್‍ಕತೆ, ದೇವಡ ಚಿತ್ತತ್‍ರನೆಕೆ ಬದ್‍ಕ್‍ವ.

1 ಪೇತ್ರ 4:4

ಅಯಿಂಗಡ ಕೂಡೆ ಈ ತರ ತಡೀರ ಮೋಹತ್‍ಲ್ ನಿಂಗ ಮುಳ್‍ಂಗಿ ಪೋಕತನೆಕೆ ಉಳ್ಳಾಂಗ್ ಅಯಿಂಗ ಆಶ್ಚರ್ಯತ್‍ಲ್ ನಂಗಳ ದುಂಬ ದೂಷಣೆ ಮಾಡಿಯಂಡುಂಡ್.

ಪ್ರಕಟನೆ 14:5

ಅಯಿಂಗಡ ತಕ್ಕ್‌ಲ್ ಕಪಟತನ ಇಂಜಿತ್ತ್‌ಲ್ಲೆ; ದೇವಡ ಸಿಂಹಾಸನತ್‍ರ ಮಿಂಞತ್ ಒರ್ ಕುತ್ತವು ಇಲ್ಲತಯಿಂಗಳಾಯಿತುಂಡ್.