1 ಪೇತ್ರ 1:9 - ಕೊಡವ ಬೈಬಲ್

⁹ ನಿಂಗ ಅಂವೊನ ನಂಬ್‍ನಾಂಗ್ ನಿಂಗಕ್ ಕ್‍ಟ್ಟುವ ಫಲ ನಿಂಗಡ ಆತ್ಮಕ್ ಕ್‍ಟ್ಟುವ ರಕ್ಷಣೆಯಾಯಿತ್‌ಪ್ಪ.

1 ಪೇತ್ರ 1:9 Iomraidhean Croise

ರೋಮ್ 6:22

ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ದೇವಡ ಅಡಿಯಾಳಾಯಿತ್ ಉಳ್ಳಾಂಗ್, ಪವಿತ್ರವಾಯಿತ್‌ಪ್ಪದ್ ನಿಂಗಕ್ ಕ್‍ಟ್ಟ್‌ವ ಇನಾಮ್, ಅದ್ಂಡ ಪ್ರತಿಫಲ ನಿತ್ಯ ಜೀವ.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.