1 ಪೇತ್ರ 1:18 - ಕೊಡವ ಬೈಬಲ್

¹⁸ ನಿಂಗಡ ಮುತ್ತಜ್ಜಂಗಡ ಪದ್ದತಿರ ಪ್ರಕಾರ, ಪ್ರಯೋಜನ ಇಲ್ಲತ ನಿಂಗ ಮಾಡಿಯಂಡ್ ಬಂದ, ಪಾಳಾಯಿ ಪೋಪ ಪೊನ್ನ್ ಬೊಳ್ಳಿರಗುಂಡ್ ನಿಂಗಡ ಪಾಪತ್‍ರ ಶಿಕ್ಷೆಯಿಂಜ ನಿಂಗಳ ಬುಡ್‍ತಿತ್‌ಲ್ಲೆ.

1 ಪೇತ್ರ 1:18 Iomraidhean Croise

ಮಾರ್ಕ 8:37

ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ.

ರೋಮ್ 1:21

ಅಯಿಂಗ ಎಲ್ಲಾರ್‌ಕು ದೇವ ದಾರ್‍ೕಂದ್ ಗೊತ್ತುಂಡೇಂಗಿಯು, ಅಯಿಂಗ ಅಂವೊಂಗ್ ಕೊಡ್‍ಪಕುಳ್ಳ ಮಹಿಮೆನ ಕೊಡ್‌ತಂಡು ಇಲ್ಲೆ, ಅಂವೊಂಗ್ ವಂದನೆ ಎಣ್ಣಿಯಂಡು ಇಲ್ಲೆ. ಆಂಡ ಬದ್‍ಲ್ ಅಯಿಂಗಡ ಗೇನಯೆಲ್ಲ ವ್ಯರ್ತವಾಯಿತುಂಡ್. ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್.

1 ಕೊರಿಂಥ 3:20

ಪಿಂಞ ಜ್ಞಾನಿಯಡ ಗೇನ ಎಲ್ಲ ಒಂದಾಂಗು ಪ್ರಯೋಜನಯಿಲ್ಲತದ್‍ೕಂದ್ ದೇವಕ್ ಗೊತ್ತುಂಡ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್.

1 ಕೊರಿಂಥ 6:20

ದೇವ ನಿಂಗಳ ಬಲ್ಯ ಕ್ರಯ ಕೊಡ್‌ತಿತ್ ಎಡ್‍ತ್‍ಚಿ, ಆನಗುಂಡ್ ನಿಂಗಡ ತಡಿಯಿಂಜ ದೇವನ ಮಹಿಮೆಪಡ್‍ತಂಡು.

1 ಕೊರಿಂಥ 7:23

ದೇವ ನಿಂಗಳ ಬೆಲೆ ಕೊಡ್‌ತಿತ್ ಎಡ್‌ತಿಯೆ; ನಿಂಗ ಮನುಷ್ಯಂಡ ಅಡಿಯಾಳಾಯಿತ್ ಅಯಿಂಗ ಎಣ್ಣ್‌ವಾನೆಲ್ಲ ಮಾಡತಿ.

ಗಲಾತ್ಯ 1:4

ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 9:12

ಒರ್ ಕೋಬಾಡ್‍ರ ಚೋರೆರಗುಂಡ್ ಅಥವ ಒರ್ ಕಡ್‍ಚಿರ ಚೋರೆರಗುಂಡ್ ಒಳ್‍ಕ್ ಪೋಯಿತ್‌ಲ್ಲೆ. ಆಚೇಂಗಿ, ತಾಂಡ ಸ್ವಂತ ಚೋರೆರ ಮೂಲಕ ಒರೇ ಕುರಿ ಅತಿಪವಿತ್ರವಾನ ಜಾಗತ್‍ರ ಒಳ್‍ಕ್ ಪೋಯಿತ್ ಎಕ್ಕಾಲು ಉಳ್ಳ ನಿತ್ಯವಾನ ವಿಮೋಚನತ್‍ನ ಉಂಟ್ ಮಾಡ್‍ಚಿ.

1 ಪೇತ್ರ 1:7

ಪಾಳಾಯಿ ಪೋಪ ಪೊನ್ನ್‌ನ ತಿತ್ತ್‌ರಗುಂಡ್ ಸೋದನೆ ಮಾಡ್‌ವ; ಆಚೇಂಗಿ, ಅದ್ಂಗಿಂಜ ಬಲ್ಯ ಬೆಲೆಯುಳ್ಳ ನಿಂಗಡ ನಂಬಿಕೆ ಈ ಕಷ್ಟತ್‍ರಗುಂಡ್ ಸೋದನೆಕ್ ಒಳಪಟ್ಟಿತ್, ನೇರಾನದ್‍ೕಂದ್‌ ಗೊತ್ತಾಪಗುಂಡ್, ಯೇಸು ಕ್ರಿಸ್ತ ಬಪ್ಪಕ, ಅದ್ ನಿಂಗಕ್ ಕೀರ್ತಿಯಾಯಿತ್, ಗನವಾಯಿತ್ ಪಿಂಞ ಮಹಿಮೆಯಾಯಿತ್ ಕ್‍ಟ್ಟುವನೆಕೆ ಆಪ.

1 ಪೇತ್ರ 4:3

ಕಯಿಂಜ ಕಾಲತ್‍ಲ್ ನಂಗ ದೇವನ ಗೊತ್ತ್‌ಲ್ಲತಯಿಂಗ ಎನ್ನನೆ ಬದ್‍ಕಂಡೂಂದ್ ಗೇನಮಾಡ್‍ಚೋ ಅನ್ನನೆ ಬೋಂಡಿಯಚ್ಚಕ್ ಬದ್‍ಕಿರ್‌ತ್. ಅಕ್ಕ ನಂಗ ತಡೀರ ಮೋಹತ್‍ಲ್, ಇಚ್ಛೆಲ್ ನಡ್‌ದಂಡ್, ಕುಡಿಚಂಡ್, ಕೂಟ್‌ಕಳಿ ಮಾಡ್‌ವಯಿಂಗಳಾಯಿತ್, ಕುಡ್‍ಕಂಗಳಾಯಿತ್ ಅಸಹ್ಯವಾನ ವಿಗ್ರಹ ಆರಾದನೆ ಮಾಡಿಯಂಡ್ ಇಂಜತ್.

1 ಯೋಹಾನ 3:5

ನಂಗಡ ಪಾಪತ್‍ನ ಎಡ್‌ತ್‌ ಕಳೆಯುವಕಾಯಿತ್ ಕ್ರಿಸ್ತ ಈ ಲೋಕಕ್ ಬಾತ್‍ೕಂದ್ ನಿಂಗಕ್ ಗೊತ್ತುಂಡ್. ಅಂವೊಂಡ ಪಕ್ಕ ಪಾಪ ಇಲ್ಲೆ.