1 ಪೇತ್ರ 1:15 - ಕೊಡವ ಬೈಬಲ್

¹⁵ ನಿಂಗಳ ಕಾಕ್‍ನಂವೊ ಪವಿತ್ರವಾಯಿತ್ ಉಳ್ಳನೆಕೆ, ನಿಂಗ ಮಾಡ್‌ವ ಎಲ್ಲಾ ವಿಷಯತ್‍ಲು ಪವಿತ್ರವಾಯಿತಿರಿ.

1 ಪೇತ್ರ 1:15 Iomraidhean Croise

ಮತ್ತಾಯ 5:48

ಆನಗುಂಡ್ ನಿಂಗಳ ಪ್ರೀತಿ ಮಾಡತಯಿಂಗಳ ಸಹ ನಿಂಗ ಪ್ರೀತಿ ಮಾಡಿತ್, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ ಪೂರ್ತಿಯಾಯಿತುಳ್ಳನೆಕೆ ನಿಂಗಳು ಪೂರ್ತಿಯಾಯಿತಿರಿ.

ರೋಮ್ 9:24

ದೇವಡ ಬಲ್ಯ ಚೆಡಿಕ್ ಯೋಗ್ಯವಾನ ಪಾತ್ರತ್‍ರಮೇಲೆ, ದುಂಬ ತಾಳ್ಮೆಲ್ ಸಹಿಸಿಯಂಡ್ ಇಂಜತೇಂಗಿ ನೀಕ್ ಎಂತ?

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 3:14

ಕ್ರಿಸ್ತ ಯೇಸುರ ಮೂಲಕ ಪರಲೋಕತ್‍ರ ಇನಾಮ್‍ನ ಪಡೆಯುವಕಾಯಿತ್ ದೇವ ಕಾಕ್‍ನ ಓಟತ್‍ಲ್ ಚಾಯಿತೆ ಓಡ್‌ವಕ್ ಆಕೀರ್‍ಕತ್ತನೆ ಪ್ರಯತ್ನಪಟ್ಟಂಡುಳ್ಳ.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

1 ತಿಮೊಥೆಯ 4:12

ನೀನ್ ಬಾಲೆಕಾರೆನಾನಗುಂಡ್ ದಾರೂ ನಿನ್ನ ಕ್‍ೕಳಾಯಿತ್ ನೋಟತನೆಕೆ, ನೀಡ ತಕ್ಕ್‌ಲ್, ನಡತೇಲ್, ಪ್ರೀತಿಲ್, ನಂಬಿಕೇಲ್ ಪಿಂಞ ಶುದ್ದತ್‍ಲ್ ಯೇಸುನ ನಂಬ್‍ನಯಿಂಗಕ್ ಉದಾರಣೆಯಾಯಿತ್‌ರ್.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:14

ನಂಗಡ ಜನ, ನೇರಾಯಿತ್ ಕೊರತೆ ಉಳ್ಳಯಿಂಗಕ್ ಬೋಂಡಿಯಾನದ್‍ನ ಪೂರೈಚಿಡುವ ನಲ್ಲ ಕಾರ್ಯತ್‍ನ ಮಾಡ್‌ವಕ್ ಪಡಿಕಡ್. ಅಕ್ಕ ಅಯಿಂಗಡ ಬದ್‍ಕ್ ಪ್ರಯೋಜನ ಇಲ್ಲತೆ ಪೋಪುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

ಇಬ್ರಿಯ 13:5

ನಿಂಗ ಪಣ ಆಸೆ ಇಲ್ಲತಯಿಂಗಳಾಯಿತ್ ಬದ್‌ಕಿತ್, ನಿಂಗಕ್ ಉಳ್ಳದ್ ಮದೀಂದ್ ಗೇನ ಮಾಡಂಡು; ನಾನ್ ನಿನ್ನ ಬುಟ್ಟಿತ್ ಪೋಪದು ಇಲ್ಲೆ, ನಿನ್ನ ಕೈ ಬುಡ್‍ವದು ಇಲ್ಲೇಂದ್ ದೇವ ಎಣ್ಣಿಯಂಡುಂಡಲ್ಲ!

ಯಾಕೋಬ 3:13

ನಿಂಗಡ ಕೂಟ್‌ಲ್ ಜ್ಞಾನಿಯು ಬುದ್ದಿವಂತಂವೊನು ದಾರೋ, ಅಂವೊ ಅದ್‍ನ ತಾಂಡ ಬದ್‍ಕ್‍ಲ್ ಜ್ಞಾನತ್‍ರ ಫಲವಾಯಿತ್ ಬಪ್ಪ ಶಾಂತ ಗುಣತ್‍ಲ್ ಅಂವೊಂಡ ನಲ್ಲರಿಕೆನ ಕಾಟಡ್.

1 ಪೇತ್ರ 2:12

ದೇವಡ ಮೇಲೆ ನಂಬಿಕೆ ಇಲ್ಲತ ಜನ, ನಿಂಗ ತಪ್ಪ್ ಮಾಡ್‌ನಯಿಂಗಾಂದ್ ಕುತ್ತ ಪರ್ಂದತೇಂಗಿಯು, ಅಯಿಂಗ ನಿಂಗಡ ನಲ್ಲ ಕ್ರಿಯೇನ ಕಂಡಿತ್, ಅಂವೊ ನಂಗಳ ಕಾಂಬ ದಿವಸತ್‍ಲ್ ಅಯಿಂಗ ದೇವನ ತುದಿಪನೆಕೆ, ಅಯಿಂಗಡ ಮದ್ಯತ್‍ಲ್ ನಲ್ಲ ನಡತೆ ಉಳ್ಳಯಿಂಗಳಾಯಿತ್ ಬದ್‍ಕಂಡು.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

1 ಪೇತ್ರ 3:16

ನಲ್ಲ ಮನಸಾಕ್ಷಿಲ್ ಇರಿ, ಅಕ್ಕ, ನಿಂಗಕ್ ಕ್ರಿಸ್ತಂಡ ಐಕ್ಯತ್‍ಲ್ ಉಳ್ಳ ನಲ್ಲ ನಡತೇನ ದೂಷಣೆ ಮಾಡಿತ್, ನಿಂಗಳ ಕೆಟ್ಟಯಿಂಗಾಂದ್ ಎಣ್ಣುವಯಿಂಗಕ್ ಞಾಣ ಆಪ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

1 ಯೋಹಾನ 3:3

ಯೇಸುರ ಮೇಲೆ ನಂಬಿಕೆ ಉಳ್ಳ ಎಲ್ಲಾರು, ಕ್ರಿಸ್ತ ಶುದ್ದವಾಯಿತ್ ಉಳ್ಳನೆಕೆ ಅಯಿಂಗಳು ಅಯಿಂಗಳ ಶುದ್ದ ಮಾಡ್‌ವ.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.

ಪ್ರಕಟನೆ 4:8

ಆ ನಾಲ್ ಜೀವ ಪ್ರಾಣಿಯ ಒಂದೊಂದಂಗು ಆರ್ ಆರ್ ರೆಕ್ಕೆ ಇಂಜತ್. ರೆಕ್ಕೆರ ಸುತ್ತ್‌ಲ್ ಪಿಂಞ ಒಳ್‍ಕ್ ಕಣ್ಣ್ ದುಂಬಿತ್ಂಜತ್. ಆ ಜೀವ ಪ್ರಾಣಿಯ: ಇಂಜಂವೊನು, ಇಪ್ಪಂವೊನು ಬಪ್ಪಂವೊನು ಆಯಿತುಳ್ಳ ಸರ್ವ ಶಕ್ತಿ ಉಳ್ಳ ದೇವನಾನ ಒಡೆಯ, ಪವಿತ್ರವಾನಂವೊ, ಪವಿತ್ರವಾನಂವೊ, ಪವಿತ್ರವಾನಂವೋಂದ್ ಎಡೆಬುಡತೆ ಬಯಿಟ್ ಪೋಲು ಎಣ್ಣಿಯಂಡೇ ಇಂಜತ್.

ಪ್ರಕಟನೆ 6:10

ಅಯಿಂಗ ಬಲ್ಯ ಸದ್ದ್‌ಲ್: ಪವಿತ್ರವಾನ ಸತ್ಯವಂತ ಸರ್ವ ಶಕ್ತಿಯುಳ್ಳ ಒಡೆಯನೇ, ಬೂಮಿಲ್ ವಾಸ ಮಾಡಿಯಂಡುಳ್ಳ ಅಯಿಂಗಡಲ್ಲಿ, ನಂಗಡ ಚೋರೆರ ವಿಷಯತ್ ಎಚ್ಚಕ್ ಕಾಲ ನ್ಯಾಯತೀರ್ಪ್ ಮಾಡತೆ, ನಂಗಳ ಕೊಲೆ ಮಾಡ್‍ನಯಿಂಗಕ್ ಬದ್‍ಲ್ ಶಿಕ್ಷೆ ಕೊಡ್‍ಕತೆ ಇಪ್ಪಿಯಾಂದ್ ಕೂತ್ ಕೊಡ್‍ತತ್.