1 ಪೇತ್ರ 1:12 - ಕೊಡವ ಬೈಬಲ್

¹² ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.

1 ಪೇತ್ರ 1:12 Iomraidhean Croise

ಜ್ಞಾನತ್‌ರ ಪಡಿಮ 1:23

ನಾಡ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡಿ; ಇದಾ, ನಾಡ ಆತ್ಮತ್‌ನ ನಾನ್‌ ನಿಂಗಡ ಮೇಲೆ ಬೂಕಿತ್, ನಾಡ ತಕ್ಕ್‌ ನಿಂಗಕ್‌ ಗೊತ್ತಾಪನೆಕೆ ಮಾಡುವಿ.

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಮತ್ತಾಯ 16:17

ಅದ್ಂಗ್ ಯೇಸು: ಯೋನಂಡ ಮೋಂವೊನಾನ ಸೀಮೋನನೇ, ನೀನ್ ಆಶೀರ್ವಾದ ಪಡ್ಂದಂವೊ, ನೀಡ ಈ ತಕ್ಕ್ ಮನುಷ್ಯಡಿಂಜ ಬಂತ್‌ಲ್ಲೆ. ಇದ್ ಪರಲೋಕತ್‌ಲುಳ್ಳ, ನಾಡ ಅಪ್ಪ, ಈ ತಕ್ಕ್‌ನ ನೀನ್ ಪರಿಯುವಕ್ ಮಾಡ್‍ಚಿ.

ಮಾರ್ಕ 16:15

ಪಿಂಞ, ಅಂವೊ ಅಯಿಂಗಳ ನೋಟಿತ್: ನಿಂಗ ಬೂಲೋಕವೆಲ್ಲಾ ಪೋಯಿತ್ ದೇವಡ ನಲ್ಲ ಸುದ್ದಿನ ಎಲ್ಲಾ ಜನಕು ಪ್ರಚಾರ ಮಾಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:26

ಒಡೆಯ ವಾಗ್ದಾನ ಮಾಡ್‍ನ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನ ಅಂವೊ ಕಾಂಗತೆ ಚಾವುಲೇಂದ್ ಪವಿತ್ರಾತ್ಮ ಅಂವೊಂಗ್ ಎಣ್ಣಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:6

ಯೇಸುರ ಶಿಷ್ಯಂಗ ಒರ್ ಊರಿಂಜ ಇಂಞೊರ್ ಊರ್‌ಕ್ ಪೋಯಿತ್, ಎಲ್ಲಾ ಜಾಗತ್‍ಲ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡಿತ್, ಕಾಯಿಲಸ್ತಂಗಳ ವಾಸಿ ಮಾಡ್‍ಚಿ.

ಯೋಹಾನ 15:26

ನಾಡ ಅಪ್ಪಂಡ ಕಡೇಯಿಂಜ ನಾನ್ ನಿಂಗಕ್ ಅಯಿಪಂವೊನು, ಅಪ್ಪಂಡ ಕಡೇಯಿಂಜ ಪೊರಟಿತ್ ಬಪ್ಪಂವೊನು ಆಯಿತುಳ್ಳ ಸತ್ಯತ್‍ರ ಆತ್ಮವಾಯಿತುಳ್ಳ ಆಲೋಚನೆಕಾರ ಬಪ್ಪಕ, ನಾಡ ವಿಷಯತ್ ಸಾಕ್ಷಿ ತಪ್ಪ.

ಅಪೊಸ್ತಲ 10:44

ಪೇತ್ರ ಇದ್‍ನ ಎಣ್ಣಿಯಂಡಿಪ್ಪಕಲೇ, ಅಂವೊಂಡ ಬೋದನೆ ಕ್‍ೕಟಂಡಿಂಜ ಎಲ್ಲಾಡ ಮೇಲೆ ಪವಿತ್ರಾತ್ಮ ಇಳಿಂಜಿ ಬಾತ್.

ಅಪೊಸ್ತಲ 16:10

ಅಂವೊಂಗ್ ಆ ದರ್ಶನ ಕ್‍ಟ್ಟ್‌ನ ಪಿಂಞ, ದೇವ ಆ ಸೀಮೆಲ್ ಉಳ್ಳಯಿಂಗಕ್ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಂಗಳ ಕಾಕ್‍ಚೀಂದ್ ನಂಗಕ್ ಕಂಡಿತವಾಯಿತ್ ಗೊತ್ತಾನಗುಂಡ್, ನಂಗ ಮಕೆದೋನ್ಯಕ್ ಪೋಪಕ್ ಪ್ರಯತ್ನಪಟ್ಟತ್.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ಅಪೊಸ್ತಲ 4:31

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 4:8

ಅಕ್ಕ ಪೇತ್ರ ಪವಿತ್ರಾತ್ಮತ್‍ಲ್ ದುಂಬಿತ್, ಅಯಿಂಗಳ ನೋಟಿತ್: ಜನಡ ಅದಿಕಾರಿಯಳೇ, ಇಸ್ರಾಯೇಲ್‍ರ ಪೆರಿಯಯಿಂಗಳೇ,

ಅಪೊಸ್ತಲ 8:25

ಪೇತ್ರ ಪಿಂಞ ಯೋಹಾನ ಒಡೆಯಂಡ ವಾಕ್ಯತ್‍ನ ಸಾಕ್ಷಿಯಾಯಿತ್ ಎಣ್ಣಿತಾನ ಪಿಂಞ, ಸಮಾರ್ಯ ಪ್ರಾಂತ್ಯತ್‍ರ ಊರ್ ಊರ್‌ಕ್ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಯೆರೂಸಲೇಮ್‌ಕ್ ವಾಪಸ್ ಬಾತ್.

ರೋಮ್ 1:15

ಆನಗುಂಡ್ ರೋಮ್ ಪಟ್ಟಣತ್‍ಲ್ ಉಳ್ಳ ನಿಂಗಕು ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕಾಯಿತ್ ನಿಂಗಡ ಪಕ್ಕ ಬಪ್ಪಕ್ ನಾಕ್ ಬಲ್ಯ ಆಸೆ ಉಂಡ್.

ರೋಮ್ 1:17

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ, ನಂಬಿಕೇರ ಮೂಲಕ ಕ್‍ಟ್ಟುವ ದೇವಡ ನೀತಿ, ನಂಬಿಕೆಕಾಯಿತ್, ದೇವಡ ನಲ್ಲ ಸುದ್ದಿರ ಮೂಲಕ ಕಾಂಬನೆಕೆ ಆಚಿ.

ರೋಮ್ 10:15

ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಳ ಅಯಿಂಗಡ ಪಕ್ಕ ಅಯಿಕತೆ ಪೋಚೇಂಗಿ ದಾರ್ ಎಣ್ಣುವ? ಅದ್ಂಗೇ, ಸಮಾದಾನತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಡ ಪಾದ ಎಚ್ಚಕ್ ಚಾಯಿ ಉಂಡ್‍ೕಂದ್ ಒಳ್‍ದಿ ಬೆಚ್ಚಿತುಂಡಲ್ಲ?

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

1 ಕೊರಿಂಥ 2:10

ಆಚೇಂಗಿ ನಂಗಕ್ ದೇವ ಅದ್‍ನ ತಾಂಡ ಆತ್ಮತ್‍ರಗುಂಡ್ ಕಾಂಬ್‍ಚಿಟ್ಟತ್. ಆ ಆತ್ಮ ದೇವಡ ಆಳವಾನ ವಿಷಯತ್‍ನೆಲ್ಲಾ ತ್‍ೕಡ್‌ವ.

2 ಕೊರಿಂಥ 1:22

ಅಂವೊನೇ ನಂಗಕ್ ಮುದ್ರೆ ಇಟ್ಟಿತ್, ನಂಗಡ ಹೃದಯತ್‍ಲ್ ಪವಿತ್ರಾತ್ಮತ್‍ನ ಬಪ್ಪಕುಳ್ಳ ವಿಷಯಕ್ ಸಂಚಕಾರವಾಯಿತ್ ತಂದಿತುಂಡ್.

2 ಕೊರಿಂಥ 6:6

ನಂಗ ನಂಗಳ ಪವಿತ್ರತ್‍ಲ್, ಅರ್ಥಮಾಡ್‌ವದ್‍ಲ್, ಪೊರುಮೇಲ್, ದಯೇಲ್, ನಂಗಡ ಒಳ್‍ಲ್ ಉಳ್ಳ ಪವಿತ್ರಾತ್ಮತ್‍ರಗುಂಡ್ ಕಪಟ ಇಲ್ಲತ ಪ್ರೀತಿಲ್ ನಿರೂಬಿಚಿಟ್ಟಂಡುಂಡ್.

ಗಲಾತ್ಯ 1:12

ಇದ್ ನಾಕ್ ಒರ್ ಮನುಷ್ಯಡಿಂಜ ಕ್‍ಟ್ಟ್‌ನದು ಅಲ್ಲ, ದಾರೂ ಬೋದನೆ ಮಾಡ್‌ನದು ಅಲ್ಲ. ಬದ್‍ಲಾಯಿತ್, ಯೇಸು ಕ್ರಿಸ್ತನೇ ಇದ್‍ನ ನಾಕ್ ಕಾಂಬ್‍ಚಿಟ್ಟತ್.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.

ಎಫೆಸ 3:10

ಆನಗುಂಡ್, ಸಬೆರ ಮೂಲಕ ಅಂವೊಂಡ ನಾನಾತರ ಜ್ಞಾನತ್‍ನ ಇಕ್ಕ ಎಲ್ಲಾ ಅದಿಪತಿಯಂಗಕು, ಪರಲೋಕತ್‍ಲ್ ಉಳ್ಳ ಎಲ್ಲಾ ಅದಿಕಾರಕು ಗೊತ್ತಾಪನೆಕೆ ಮಾಡ್‍ಚಿ.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 2:4

ಆಶ್ಚರ್ಯ ಕಾರ್ಯ, ಅದ್ಬುತ ಕಾರ್ಯತ್‍ನಗುಂಡ್ ಪಿಂಞ ಅಂವೊಂಡ ಶಕ್ತಿರಗುಂಡ್ ಎಚ್ಚಕೋ ಕ್ರಿಯೇನ ನಂಗ ಕಂಡಿತುಂಡ್. ತಾಂಡ ಚಿತ್ತತ್‍ರನೆಕೆ, ಪಾಲ್ ಮಾಡ್‍ನ ಪವಿತ್ರಾತ್ಮತ್‍ರ ವರತ್‍ರಗುಂಡ್ ದೇವನೇ ಸಾಕ್ಷಿ ಎಣ್ಣ್‌ನ ಇಚ್ಚಕ್ ಬಲ್ಯ ರಕ್ಷಣೆರ ವಿಷಯತ್ ನಂಗ ಎಚ್ಚರ ಇಲ್ಲತೆ ಇಂಜತೇಂಗಿ, ಬಪ್ಪಕುಳ್ಳ ಶಿಕ್ಷೆಕ್ ನಂಗ ಎನ್ನನೆ ಬಚಾವ್ ಆಪಕಯ್ಯು?

ಇಬ್ರಿಯ 4:2

ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿ ಅಯಿಂಗಕ್ ಅರಿಚಿಟ್ಟನೆಕೆ, ನಂಗಕು ಅರಿಚಿಟ್ಟಿತುಂಡ್; ಅದ್‍ನ ಕ್‍ೕಟಯಿಂಗ ನಂಬಿಕೆ ಇಲ್ಲತೆ ಕ್‍ೕಟಾಂಗ್, ಅಯಿಂಗ ಕ್‍ೕಟ ವಾಕ್ಯ ಅಯಿಂಗಕ್ ಪ್ರಯೋಜನಪಟ್ಟಿತ್‌ಲ್ಲೆ.

1 ಪೇತ್ರ 1:25

ಆಚೇಂಗಿ, ಒಡೆಯಂಡ ವಾಕ್ಯ ಎಕ್ಕಾಲು ಇಪ್ಪ. ಈ ವಾಕ್ಯತ್‍ನ ನಂಗ ನಿಂಗಕ್ ನಲ್ಲ ಸುದ್ದಿಯಾಯಿತ್ ಬೋದನೆ ಮಾಡಿಯೆ.

1 ಪೇತ್ರ 4:6

ಈ ಕಾರಣಕಾಯಿತ್, ಎಲ್ಲಾರ್‌ಕು ಕ್‍ಟ್ಟುವ ನ್ಯಾಯತೀರ್ಪ್‌ರನೆಕೆ ತಡೀಲ್ ಅಯಿಂಗ ಚತ್ತ್ ಪೋಯಿತ್ಂಜತೇಂಗಿಯು, ಆತ್ಮತ್‍ಲ್ ದೇವಡ ಕೂಡೆ ಅಯಿಂಗ ಬದ್‍ಕ್‍ವನೆಕೆ ದೇವಡ ನಲ್ಲ ಸುದ್ದಿನ ಅರಿಚಿಟ್ಟತ್.

ಪ್ರಕಟನೆ 5:11

ಇಂಞು ಮಿಂಞಕ್ ನಾನ್ ನೋಟ್‍ವಕ: ಸಿಂಹಾಸನತ್‍ರ, ನಾಲ್ ಜೀವ ಪ್ರಾಣಿಯಳ ಪಿಂಞ ಪೆರಿಯಯಿಂಗಳ ಸುತ್ತ್‌ಲ್ ದುಂಬಿತ್ಂಜ ಬಲ್ಯ ಗುಂಪ್‍ರ ದೂತಂಗಡ ಸದ್ದ್ ನಾಕ್ ಕ್‍ೕಟತ್. ಅಯಿಂಗಡ ಲೆಕ್ಕ ಕೋಟಿಕೋಟಿಯಾಯಿತ್‌ಂಜತ್.