1 ಪೇತ್ರ 1:10 - ಕೊಡವ ಬೈಬಲ್

¹⁰ ರಕ್ಷಣೆರ ವಿಷಯತ್, ನಿಂಗಕ್ ಕ್‍ಟ್ಟ್‌ವಾಂದ್ ಉಳ್ಳ ಈ ಕೃಪೇನ, ಪ್ರವಾದನೆಯಾಯಿತ್ ಎಣ್ಣ್‌ನ ಪ್ರವಾದಿಯಂಗ ಇದ್ಂಡ ಆಳತ್‍ನ ಗೊತ್ತ್‌ಮಾಡ್‍ವಕ್, ದುಂಬ ಶ್ರಮತ್‍ಲ್ ಪ್ರಯತ್ನಪಟ್ಟತ್.

1 ಪೇತ್ರ 1:10 Iomraidhean Croise

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಜ್ಞಾನತ್‌ರ ಪಡಿಮ 2:4

ಅದ್‌ನ ಬೊಳ್ಳಿನ ತ್‍ೕಡ್‌ವನೆಕೆ ತ್‍ೕಡ್. ಒಳ್‌ಪ್‌ಚಿಟ್ಟಿತ್‌ ಬೆಚ್ಚ ಬಂಡಾರತ್‌ನ ತ್‍ೕಡ್‌ವನೆಕೆ ತ್‍ೕಡ್‌

ಮತ್ತಾಯ 13:17

ದುಂಬ ಪ್ರವಾದಿಯಳು, ನೀತಿವಂತಯಿಂಗಳು ನಿಂಗ ನೋಟ್‍ವಾನ ನೋಟ್‍ವಕೂ, ನಿಂಗ ಕ್‍ೕಟಂಡುಳ್ಳಾನ ಕ್‍ೕಪಕು ದುಂಬ ಆಸೆ ಪಟ್ಟತ್, ಆಚೇಂಗಿ ಅಯಿಂಗ ಇದ್‍ನೆಲ್ಲಾ ಕಾಂಗತೆ, ಕ್‍ೕಕತೆ ಪೋಚೀಂದ್ ನಾನ್ ನೇರಾಯಿತು ನಿಂಗಕ್ ಎಣ್ಣುವಿ.

ಮತ್ತಾಯ 26:24

ದೇವಡ ವಾಕ್ಯತ್‍ಲ್ ಒಳ್‌ದ್‌ನನೆಕೆ ಮನುಷ್ಯಕುಮಾರ ಚಾವ. ಆಚೇಂಗಿ ಮನುಷ್ಯಕುಮಾರನ, ಏದ್ ಮನುಷ್ಯ ಪುಡ್‍ಚಿ ಕೊಡ್‍ಪ ಅಂವೊಂಗ್ ಅಯ್ಯೋ! ಆ ಮನುಷ್ಯ ಪುಟ್ಟತೆ ಇಂಜತೇಂಗಿ ಅಂವೊಂಗ್ ನಲ್ಲದಾಯಿತ್ಂಜತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:24

ದುಂಬ ಪ್ರವಾದಿಯಳು ಪಿಂಞ ರಾಜಂಗಳು, ನಿಂಗ ಇಕ್ಕ ನೋಟ್‍ವಾನ ನೋಟ್‍ವಕು, ನಿಂಗ ಕ್‍ೕಟಂಡುಳ್ಳಾನ ಕ್‍ೕಪಕು ಆಸೆ ಪಟ್ಟತ್, ಆಚೇಂಗಿ ಅಯಿಂಗೆಲ್ಲ ಕಾಂಗತೆ, ಕ್‍ೕಕತೆ ಪೋಚೀಂದ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 7:52

ಅಕ್ಕ ಅಯಿಂಗ: ನೀನ್ ಸಹ ಗಲಿಲಾಯತ್ಂಜ ಬಂದಂವೊನಾ? ಗಲಿಲಾಯತ್ಂಜ ಒರ್ ಪ್ರವಾದಿಯು ಬಪ್ಪ್‌ಲೇಂದ್ ದೇವಡ ಪುಸ್ತಕತ್‍ಲ್ ಚಾಯಿ ನೋಟ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 10:43

ಅಂವೊಂಡ ಮೇಲೆ ನಂಬಿಕೆ ಇಡ್‍ವಯಿಂಗಕ್ ಅಂವೊಂಡ ಪೆದತ್‍ರ ಶಕ್ತಿಯಿಂಜ ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ವಾಂದ್ ಎಲ್ಲಾ ಪ್ರವಾದಿಯಂಗಳು ಅಂವೊಂಡ ವಿಷಯತ್‍ನೇ ಎಣ್ಣ್‌ಚಿ.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 11:40

ಅಯಿಂಗ ನಂಗಳ ಬುಟ್ಟಿತ್ ಪೂರ್ತಿಯಾನಯಿಂಗಳಾಯಿತ್ ಆಕತನೆಕೆ, ವಿಷೇವಾಯಿತುಳ್ಳ ಒರ್ ಬಲ್ಯ ವಿಷಯತ್‍ನ ದೇವ ನಂಗಕಾಯಿತ್ ಮಿಂಞಲೇ ನೇಮಿಚಿಟ್ಟಿತುಂಡ್.

1 ಪೇತ್ರ 1:11

ಅಯಿಂಗಡಲ್ಲಿ ಇಂಜ ಕ್ರಿಸ್ತಂಡ ಆತ್ಮ, ಕ್ರಿಸ್ತಂಗ್ ಬಪ್ಪಕುಳ್ಳ ಕಷ್ಟತ್‍ನ ಪಿಂಞ ಅದ್‍ನಗುಂಡ್ ಬಯ್ಯ ಬಪ್ಪ ಮಹಿಮೆನ ಮಿಂಞಲೇ ಎಣ್ಣುವಕ, ಏದ್ ಕಾಲತ್‍ಲ್ ಇನ್ನನೆಲ್ಲ ಆಪಾ, ಆ ಕಾಲತ್‍ಲ್ ಎಂತೆಲ್ಲಾ ಆಪಾಂದ್ ಸಹ ಪಡಿಚಂಡಿಂಜತ್.

1 ಪೇತ್ರ 1:13

ಅದ್ಂಗಾಯಿತ್, ನಿಂಗಡ ಮನಸ್ಸ್‌ನ ಗಟ್ಟಿಯಾಯಿತ್ ನಿಂಗಡ ಪುಡ್‍ತತ್‍ಲ್ ಬೆಚ್ಚೊಳಿ. ನಿಂಗ ಎಲ್ಲಾರು ತನ್ನಡಕತ್‍ಲ್ ನಿಂಗಡ ಮನಸ್ಸ್‌ನ ಎಚ್ಚರತ್‍ಲ್ ಬೆಚ್ಚಂಡ್, ಯೇಸು ಕ್ರಿಸ್ತ ಪುನಃ ಬಪ್ಪಕ, ನಿಂಗಕ್ ಕ್‍ಟ್ಟ್‌ವ ಕೃಪೇರ ಮೇಲೆ ಪೂರ್ತಿ ನಿರೀಕ್ಷೆ ಉಳ್ಳಯಿಂಗಳಾಯಿತಿರಿ.