1 ಯೋಹಾನ 5:4 - ಕೊಡವ ಬೈಬಲ್

⁴ ಎನ್ನಂಗೆಣ್ಣ್‌ಚೇಂಗಿ ದೇವಡ ಮಕ್ಕ ಎಲ್ಲಾರು ಈ ಲೋಕತ್‍ನ ಗೆಲ್ಲುವ. ದೇವಡ ಮೇಲೆ ಬೆಚ್ಚ ನಂಬಿಕೆಯಿಂಜಲೇ ನಂಗ ಈ ಲೋಕತ್‍ನ ಗೆದ್ದತ್.

1 ಯೋಹಾನ 5:4 Iomraidhean Croise

ಯೋಹಾನ 1:13

ಈಂಗ ಪುಟ್ಟ್‌ನದ್, ಒರ್ ಕುಂಞಿ ಪುಟ್ಟ್‌ನನೆಕೆ ಮನುಷ್ಯಂಡ ತಡೀರ ಚಿತ್ತತ್‍ರಗುಂಡೋ ಅಥವ ಒರ್ ವಡಿಯಂಡ ಚಿತ್ತತ್‍ರಗುಂಡೋ ಪುಟ್ಟ್‌ವನೆಕೆ ಪುಟ್ಟಿತ್‌ಲ್ಲೆ, ದೇವಡ ಮಕ್ಕಳಾಯಿತ್ ದೇವಡಯಿಂಜಲೇ ಪುಟ್ಟ್‌ನಯಿಂಗ.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

1 ಕೊರಿಂಥ 15:57

ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ನಂಗಕ್ ಎಕ್ಕಾಲು ಜಯ ತಪ್ಪ ದೇವನ ನಂಗ ಕೊಂಡಾಡನ.

1 ಯೋಹಾನ 2:29

ಕ್ರಿಸ್ತ ನೀತಿವಂತಂವೊನೇಂದ್ ನಿಂಗಕ್ ಗೊತ್ತಾನಗುಂಡ್, ನೀತಿಲ್ ನಡ್‍ಪಯಿಂಗೆಲ್ಲಾ ದೇವಡ ಮಕ್ಕಾಂದ್ ನಿಂಗಕ್ ಗೊತ್ತಿರಂಡು.

1 ಯೋಹಾನ 3:9

ದೇವಡ ಮಕ್ಕಳಾಯಿತ್ ಆನಯಿಂಗ ಪಾಪ ಮಾಡಿಯಂಡೇ ಇಪ್ಪುಲೆ. ಎನ್ನಂಗೆಣ್ಣ್‌ಚೇಂಗಿ, ದೇವಡ ಜೀವ ಅಂವೊಂಡಲ್ಲಿ ಬೇರ್‌ರೂರಿ ಪೋಯಿತುಂಡ್ ಪಿಂಞ ದೇವ ಅಯಿಂಗಡ ಅಪ್ಪನಾನಗುಂಡ್ ಪಾಪ ಮಾಡಿಯಂಡೇ ಇಪ್ಪಕ್ ಕಯ್ಯುಲೆ.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

1 ಯೋಹಾನ 5:18

ದೇವಡ ಮಕ್ಕ ಪಾಪ ಮಾಡಿಯಂಡೇ ಇಪ್ಪುಲೇಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ದೇವಡ ಮೋಂವೊ ಅಯಿಂಗಳ ಬದ್ರವಾಯಿತ್ ಕಾಪಾಡ್‌ವ. ಪಿಂಞ ಸೈತಾನ ಅಯಿಂಗಳ ತೊಂದರೆ ಮಾಡ್‌ವಕ್ ಕಯ್ಯುಲೆ.

1 ಯೋಹಾನ 5:5

ಯೇಸು ದೇವಡ ಮೋಂವೋಂದ್ ನಂಬ್‌ನಯಂಗಳ ಅಲ್ಲತೆ ಈ ಲೋಕತ್‍ನ ಗೆಲ್ಲ್‌ವದ್ ಬೋರೆ ದಾರ್?

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 15:2

ತಿತ್ತ್ ಕಲ್‌ಕ್‌ನ ಗಾಜಿರ ಕಡಲ್‍ರನೆಕೆ ಇಂಜ ಒರ್ ಕಡಲ್‍ನ ನಾನ್ ಕಂಡಿಯೆ. ಮೃಗತ್‍ನ ಅದ್ಂಡ ವಿಗ್ರಹತ್‍ನ, ಅದ್ಂಡ ಮುದ್ರೆನೆ ಪಿಂಞ ಅಂವೊಂಡ ಪೆದತ್‍ರ ಲೆಕ್ಕಕ್ ಬಗ್ಗತೆ ಗೆದ್ದಯಿಂಗ ದೇವಡ ವೀಣೇನ ಕೈಯಿಲ್ ಪುಡ್‍ಚಂಡ್ ಗಾಜಿರ ಸಮುದ್ರತ್‍ರ ಪಕ್ಕ ನಿಂದಂಡ್ ಇಪ್ಪಾನ ಕಂಡಿಯೆ.

ಪ್ರಕಟನೆ 2:11

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗ ದಂಡನೆ ಚಾವ್‍ರಗುಂಡ್ ಪಾಳಾಯಿ ಪೋಪುಲೆ. ಇನ್ನನೆ ಒಳ್‍ದ್.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 2:26

ದಾರೆಲ್ಲಾ ಗೆಲ್ಲುವ ಪಿಂಞ ಆಕೀರ್‌ಕತ್ತನೆ ನಾಡ ಕ್ರಿಯೇಲ್ ನಡ್‍ಪ, ಅಯಿಂಗಕ್ ಎಲ್ಲಾ ಜನಡಮೇಲೆ ಅದಿಕಾರ ತಪ್ಪಿ.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 3:12

ದಾರ್ ಗೆಲ್ಲುವ, ಅಂವೊನ ನಾನ್ ದೇವಾಲಯತ್‍ಲ್ ಕಂಬವಾಯಿತ್ ಮಾಡ್‌ವಿ, ಅದ್‍ಂಜ ಅಂವೊ ಎಕ್ಕಲೂ ಪೋಪದೇಯಿಲ್ಲೆ; ನಾಡ ದೇವಡ ಪೆದತ್‍ನ, ನಾಡ ದೇವನಗುಂಡ್ ಪರಲೋಕತ್ಂಜ ಇಳಿಂಜಿ ಬಪ್ಪ ಪುದಿಯ ಯೆರೂಸಲೇಮ್‍ೕಂದ್ ಎಣ್ಣುವ ನಾಡ ದೇವಡ ಪಟ್ಟಣತ್‍ರ ಪೆದತ್‍ನ ಪಿಂಞ ನಾಡ ಪುದಿಯ ಪೆದತ್‍ನ ಅಂವೊಂಡ ಮೇಲೆ ಒಳ್‍ದ್‍ವಿ.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.

ಪ್ರಕಟನೆ 3:5

ದಾರೆಲ್ಲ ಗೆಲ್ಲುವ, ಅಂವೊಂಗ್ ಬೊಳ್‍ತ ಬಟ್ಟೆ ಇಡ್‍ವನೆಕೆ ಆಪ; ಅಂವೊಂಡ ಪೆದತ್‍ನ ಜೀವ ಪುಸ್ತಕತ್ಂಜ ಮಾಜ್ ಪೋಪಕ್ ನಾನ್ ಬುಡುಲೆ. ನಾನ್ ನಾಡ ಅಪ್ಪಂಡ ಮಿಂಞತ್ ಪಿಂಞ ಅಂವೊಂಡ ದೂತಂಗಡ ಮಿಂಞತ್ ಅಂವೊ ನಾಡಂವೋಂದ್ ಅರಿಚಿಡುವಿ.