1 ಯೋಹಾನ 5:2 - ಕೊಡವ ಬೈಬಲ್

² ದೇವನ ಪ್ರೀತಿ ಮಾಡಿತ್ ಅಂವೊ ಕೊಡ್‍ತ ಆಜ್ಞೆರ ಪ್ರಕಾರ ನಡ್ಂದತೇಂಗಿ ನಂಗ ದೇವಡ ಮಕ್ಕಳ ಪ್ರೀತಿ ಮಾಡ್‌ವಾಂದ್ ಗೊತ್ತಾಪ.

1 ಯೋಹಾನ 5:2 Iomraidhean Croise

ಯೋಹಾನ 15:17

ನಿಂಗ ಒಬ್ಬೊಬ್ಬನ ಪ್ರೀತಿ ಮಾಡಂಡು, ಇದ್ ನಾನ್ ನಿಂಗಕ್ ಪಡಿಪ್‍ಚಿಡುವ ಆಜ್ಞೆ.

1 ಯೋಹಾನ 2:3

ದೇವಡ ಆಜ್ಞೆನ ಮೀರತೆ ನಡ್ಂದತೇಂಗಿ, ಅಂವೊನ ನಂಗಕ್ ಗುತ್ತುಂಡ್‍ೕಂದ್ ದೃಡವಾಯಿತ್ ನಂಗಕ್ ಗೊತ್ತಾಪ.

1 ಯೋಹಾನ 2:5

ಆಚೇಂಗಿ ದಾರ್ ಅಂವೊಂಡ ತಕ್ಕ್‌ನ ಮೀರತೆ ನಡ್‍ಪ, ನೇರಾಯಿತ್ ಅಂವೊಂಡಲ್ಲಿ ದೇವಡ ಪ್ರೀತಿ ಪೂರ್ತಿಯಾಯಿತ್‌ಪ್ಪ. ಅನ್ನನೆ ಮಾಡ್‍ಚೇಂಗಿ ಮಾತ್ರ ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 3:14

ನಂಗಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‌ವಗೊಂಡ್, ನಂಗ ಮರಣತ್ಂಜ ತಪ್ಪಿ ಪೋಯಿತ್ ನಿತ್ಯ ಜೀವಕ್ ಕೂಡಿತುಂಡ್‍ೕಂದ್ ಗೊತ್ತುಂಡ್. ದಾರ್ ಪ್ರೀತಿ ಮಾಡುಲೆ ಅಂವೊ ಮರಣತ್‌ರ ಅದಿಕಾರತ್‌ಲ್ಲೇ ಉಂಡ್.

1 ಯೋಹಾನ 4:21

ಕ್ರಿಸ್ತ ನಂಗಕ್ ಈ ಆಜ್ಞೆನ ತಾತ್. ಅದ್ ಎಂತ ಎಣ್ಣ್‌ಚೇಂಗಿ: ದೇವನ ಪ್ರೀತಿ ಮಾಡ್‌ವಂವೊ ತಾಂಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡಂಡೂಂದ್ ಉಳ್ಳದೇ.