1 ಯೋಹಾನ 5:16 - ಕೊಡವ ಬೈಬಲ್

¹⁶ ಮರಣತ್‌ರ ಬಟ್ಟೇಲ್ ಕಾಕಿಯಂಡ್ ಪೋಕತ ಪಾಪ ಮಾಡಿಯಂಡುಳ್ಳ ತಾಂಡ ಅಣ್ಣತಮ್ಮಣನ ನಿಂಗ ಕಂಡತೇಂಗಿ, ನಿಂಗ ಅಂವೊಂಗ್ ಜೀವ ತಪ್ಪ ದೇವಡ ಪಕ್ಕ ಅಂವೊಂಗಾಯಿತ್ ಬೋಡಂಡು. ಇದ್ ದಾರ್‌ಕ್ ಎಣ್ಣ್‌ಚೇಂಗಿ, ಮರಣತ್‌ರ ಬಟ್ಟೇಲ್ ಕಾಕಿಯಂಡ್ ಪೋಕತ ಪಾಪ ಮಾಡಿಯಂಡುಳ್ಳ ಅಣ್ಣತಮ್ಮಣನಂಗಕ್. ಆಚೇಂಗಿ ಚಾವ್‍ಕ್ ಕಾರಣವಾನ ಪಾಪವು ಉಂಡ್, ಅದ್ಂಗಾಯಿತ್ ನಿಂಗ ದೇವಡ ಪಕ್ಕ ಪ್ರಾರ್ತಥನೆ ಮಾಡಂಡೂಂದ್ ನಾನ್ ಎಣ್ಣುಲೆ.

1 ಯೋಹಾನ 5:16 Iomraidhean Croise

ಆದ್ಯತ್‌ರ ಪುಸ್ತಕ 20:17

ಅಬೀಮೆಲೆಕ ಅಬ್ರಹಾಮಂಡ ಪೊಣ್ಣ್‌ ಆನ ಸಾರಳನ ಬೆಚ್ಚನಗುಂಡ್‌ ದೇವ ಅಬೀಮೆಲೆಕಂಡ ಮನೆಲ್ ಇಂಜ ಪೊಣ್ಣಾಳ್‌ನೆಲ್ಲಾಲ ಕುಳುಮೆಕಾರ್ತಿ ಆಕತನೆಕೆ ತಡುತಿತ್‌ಂಜತ್. ಅಕ್ಕ ಅಬ್ರಹಾಮ ಯೆಹೋವನಾನ ದೇವನ ಬೋಡ್‌ಚಿ. ಅಕ್ಕ ಯೆಹೋವ ಅಬೀಮೆಲೆಕನ, ಅಂವೊಂಡ ಪೊಣ್ಣ್‌ ಪಿಂಞ ಅಂವೊಂಡ ಪಣಿಕಾರ್ತಿಯಳ ವಾಸಿಮಾಡಿತ್‌ ಮಕ್ಕಳ ಪೆರುವನೆಕೆ ದೆಯೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 20:7

ಇಕ್ಕ ನೀನ್‌ ಆ ಮನುಷ್ಯಂಡ ಪೊಣ್ಣ್‌ನ ತಿರಿತ್‌ ಅಂವೊಂಡ ಪಕ್ಕ ಅಯಿಚಿರ್. ಅಂವೊ ಒರ್‌ ಪ್ರವಾದಿ; ಅಂವೊ ನೀಕಾಯಿತ್‌ ಪ್ರಾರ್ಥನೆ ಮಾಡುವ, ನೀನ್‌ ಬದ್‌ಕ್‌ವಿಯ; ನೀನ್‌ ಅವಳ ತಿರಿತ್‌ ಅಂವೊಂಡ ಪಕ್ಕ ಅಯಿಕತೆ ಪೋಚೇಂಗಿ, ನೀನ್‌ ಪಿಂಞ ನೀಡ ಎಲ್ಲಾ ಮನೆಕಾರಂಗ ನೇರಾಯಿತು ಚತ್ತ್‌ ಪೋಪಾಂದ್‌ ಸ್ವಪ್ನತ್‌ಲ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:10

ದಾರಾಚೇಂಗಿಯು ಮನುಷ್ಯಕುಮಾರಂಗ್ ವಿರೋದವಾಯಿತ್ ದೂಷಣೆ ಪರ್ಂದತೇಂಗಿ ಅಯಿಂಗಕ್ ಮನ್ನಿಪ್ಪ್ ಕ್‍ಟ್ಟ್‌ವಕ್ ಸಾದ್ಯತೆ ಉಂಡ್, ಆಚೇಂಗಿ ಪವಿತ್ರಾತ್ಮಂಗ್ ವಿರೋದವಾಯಿತ್ ಕೆಟ್ಟ ತಕ್ಕ್ ಪರಿಯುವಂಗಕ್ ಮನ್ನಿಪ್ಪ್ ಕ್‍ಟ್ಟುಲೆ.

ಯೋಹಾನ 17:9

ನಾನ್ ಇಕ್ಕ ಅಯಿಂಗಕಾಯಿತ್ ಪ್ರಾರ್ಥನೆ ಮಾಡ್‌ವಿ; ಈ ಲೋಕಕಾಯಿತ್ ಪ್ರಾರ್ಥನೆ ಮಾಡತೆ, ನೀನ್ ನಾಕ್ ತಂದಯಿಂಗಕಾಯಿತ್ ಪ್ರಾರ್ಥನೆ ಮಾಡ್‌ವಿ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ನೀಡಯಿಂಗಳಾಯಿತುಂಡ್.

2 ತಿಮೊಥೆಯ 4:14

ಕಚ್ಚಿ ಪಣಿಕಾರನಾನ ಅಲೆಕ್ಸಾಂದ್ರ ನಾಕ್ ದುಂಬ ಕ್‍ೕಡ್ ಮಾಡ್‍ಚಿ. ಅಂವೊ ಮಾಡ್‍ನ ಕಾರ್ಯಕ್ ದೇವ ಅಂವೊಂಗ್ ಶಿಕ್ಷೆ ತಪ್ಪ.

1 ಯೋಹಾನ 5:17

ನಂಗ ಮಾಡ್‌ವ ಎಲ್ಲಾ ತಪ್ಪು ಪಾಪವೇ. ಆಚೇಂಗಿ ಚಾವ್‍ಕ್ ಕಾರಣವಿಲ್ಲತ ಪಾಪವು ಉಂಡ್.