1 ಯೋಹಾನ 5:12 - ಕೊಡವ ಬೈಬಲ್

¹² ಅಕ್ಕ, ದಾಡ ಒಳ್‍ಲ್ ದೇವಡ ಮೋಂವೊ ಉಂಡೋ ಅಯಿಂಗಕ್ ನಿತ್ಯ ಜೀವ ಉಂಡ್. ದಾಡ ಒಳ್‍ಲ್ ದೇವಡ ಮೋಂವೊ ಇಲ್ಲೆ ಅಯಿಂಗಕ್ ನಿತ್ಯ ಜೀವ ಇಲ್ಲೆ.

1 ಯೋಹಾನ 5:12 Iomraidhean Croise

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಯೋಹಾನ 1:12

ಆಚೇಂಗಿಯು, ದಾರೆಲ್ಲಾ ಅಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊನ ಸ್ವೀಕಾರ ಮಾಡ್‍ಚೋ ಅಯಿಂಗಕೆಲ್ಲ ದೇವಡ ಮಕ್ಕ ಆಪಕುಳ್ಳ ಹಕ್ಕ್‌ನ ಅಂವೊ ಕೊಡ್‍ತತ್.

ಯೋಹಾನ 3:15

ಅನ್ನನೆ ದಾರೆಲ್ಲ ಅಂವೊನ ನಂಬುವ, ಅಯಿಂಗಕೆಲ್ಲ ನಿತ್ಯ ಜೀವ ಕ್‍ಟ್ಟುವ.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

2 ಯೋಹಾನ 1:9

ಕ್ರಿಸ್ತಂಡ ಬೋದನೆರನೆಕೆ ನಡ್‍ಕತೆ ಅದ್‍ನ ಮೀರಿತ್ ನಡ್‍ಪಯಿಂಗಡ ಕೂಡೆ ದೇವ ಇಲ್ಲೆ. ಯೇಸು ಕ್ರಿಸ್ತಂಡ ಉಪದೇಶಕ್ ಬಗ್ಗಿತ್ ನಡ್‍ಪಯಿಂಗಡ ಕೂಡೆ ಅಪ್ಪನಾನ ದೇವ ಪಿಂಞ ಮೋಂವೊ ಉಂಡ್.