1 ಯೋಹಾನ 4:9 - ಕೊಡವ ಬೈಬಲ್

⁹ ದೇವ ತಾಂಡ ಒರೇ ಮೋಂವೊನ ಈ ಲೋಕಕ್ ಅಯಿಚಗುಂಡ್ ದೇವ ನಂಗಡ ಮೇಲೆ ಪ್ರೀತಿ ಬೆಚ್ಚಿತುಂಡ್‍ೕಂದ್ ಗೊತ್ತಾಚಿ. ಆನಗುಂಡ್ ಅಂವೊನಗುಂಡ್ ನಂಗಕ್ ನಿತ್ಯ ಜೀವ ಕ್‍ಟ್ಟ್‌ಚಿ.

1 ಯೋಹಾನ 4:9 Iomraidhean Croise

ಆದ್ಯತ್‌ರ ಪುಸ್ತಕ 22:2

ಅಕ್ಕ ದೇವ: ನೀಡ ಒರೇ ಮೋಂವೊನ, ಅಕ್ಕು, ನೀನ್‌ ದುಂಬ ಪ್ರೀತಿ ಮಾಡುವ ಇಸಾಕನ ಮೊರಿಯ ಎಣ್ಣುವ ದೇಶಕ್‌ ಕಾಕಿಯಂಡ್‌ ಪೋ. ಅಲ್ಲಿ ನಾನ್‌ ನೀಕ್‌ ಎಣ್ಣ್‌ವ ಒರ್‌ ಕುಂದ್ರ ಮೇಲೆ ಅಂವೊನ ದಹನ ಬಲಿಯಾಯಿತ್‌ ಅರ್ಪಿಚಿಡಂಡೂಂದ್‌ ಎಣ್ಣ್‌ಚಿ.

ಮಾರ್ಕ 12:6

ಅಂವೊಂಡ ಒರೇ ಕೊದಿರ ಮೋಂವೊನ ಮಾತ್ರ ಅಯಿಪಕ್ ಬಾಕಿ ಇಂಜತ್. ನಾಡ ಮೋಂವೊನ ಅಯಿಚತೇಂಗಿ ಅಂವೊಂಗ್ ಮರ್ಯಾದೆ ಕೊಡ್‍ಪ ಎಣ್ಣಿಯಂಡ್ ಮೋಂವೊನ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:18

ಅಂವೊ ಅದ್‍ನ ತೊರ್‌ಪಕ: ದೇವಡ ಆತ್ಮ ನಾಡ ಮೇಲೆ ಉಂಡ್; ಗರೀಬಂಗಕ್ ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವಕು ನನ್ನ ಗೊತ್ತ್ ಮಾಡಿಯತ್. ದೇವ, ಕೈದಿಯಂಗಕ್ ಬುಡುಗಡೆ ಎಣ್ಣುವಕು, ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‌ವಕು, ಅಡಿಯಾಳಂಗಳ ಅಯಿಂಗಡ ಕಷ್ಟತ್ಂಜ ಬುಡುಗಡೆ ಮಾಡ್‌ವಕು, ದೇವಡ ದಯೇರ ಕಾಲತ್‍ನ ಪ್ರಚಾರ ಮಾಡ್‌ವಕು ನನ್ನ ಅಯಿಚತ್‍ೕಂದ್ ಪುಸ್ತಕತ್‍ಲ್ ಒಳ್‍ದಿತುಳ್ಳ ಜಾಗತ್‍ನ ಕಂಡ್ ಅದ್‍ನ ಓದ್‌ಚಿ.

ಯೋಹಾನ 10:10

ಕಳ್ಳ, ಬರಿ ಕಟ್ಟಂಡ್ ಪೋಪಕಾಯಿತು, ಕೊಲೆ ಮಾಡ್‌ವಕಾಯಿತು, ಪಾಳ್ ಮಾಡ್‌ವಕಾಯಿತು ಮಾತ್ರ ಬಪ್ಪ. ಆಚೇಂಗಿ, ನಾನ್ ಅಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಕು, ಆ ಜೀವತ್‍ನ ಅಯಿಂಗ ಪೂರ್ತಿಯಾಯಿತ್ ಅನುಬವಿಚಿಡುವಕು ಬಂದಿಯೆ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಯೋಹಾನ 3:18

ದೇವಡ ಮೋಂವೊನ ನಂಬುವಯಿಂಗಕ್ ದೇವಡ ಶಿಕ್ಷೇರ ತೀರ್ಪ್ ಇಲ್ಲೆ; ಆಚೇಂಗಿ ಅಂವೊನ ನಂಬತಯಿಂಗಕ್ ದೇವಡ ತೀರ್ಪ್ ಅಕ್ಕಲೆ ಕ್‌ಟ್ಟಿಪೋಚಿ. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದೇವಡ ಒರೇ ಮೋಂವೊಂಡ ಪೆದತ್‍ನ ನಂಬಿತ್‌ಲ್ಲೆ.

ಯೋಹಾನ 5:23

ಮೋಂವೊನ ಗನ ಪಡ್‍ತತಯಿಂಗ, ಅಂವೊನ ಅಯಿಚ ಅಪ್ಪನ ಸಹ ಗನ ಪಡ್‍ತತಯಿಂಗಳಾಯಿತುಂಡ್.

ಯೋಹಾನ 6:29

ಅಯಿಂಗಕ್ ಯೇಸು: ಅಂವೊ ಅಯಿಚಂವೊನ ನಿಂಗ ನಂಬವುದೇ, ದೇವಕ್ ತಕ್ಕಂತ ಕ್ರಿಯೇಂದ್ ಉತ್ತರ ಕೊಡ್‍ತತ್.

ಯೋಹಾನ 6:51

ನಾನೇ ಪರಲೋಕತ್ಂಜ ಬಂದ ಜೀವತ್‍ರ ಒಟ್ಟಿ; ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕ್‍ವ; ನಾನ್ ತಪ್ಪ ಒಟ್ಟಿ ನಾಡ ತಡಿಯೇ. ಈ ಲೋಕತ್‍ರ ಜನ ನಿತ್ಯ ಜೀವ ಪಡೆಯುವಕಾಯಿತ್ ನಾನ್ ನಾಡ ತಡೀನ ತಪ್ಪೀಂದ್ ಎಣ್ಣ್‌ಚಿ.

ಯೋಹಾನ 6:57

ನನ್ನ ಅಯಿಚ ಜೀವವಾಯಿತುಳ್ಳ ಅಪ್ಪನಾನ ದೇವ ಎಲ್ಲಾರ್‌ಕು ಜೀವ ತಪ್ಪಂವೊ. ಅಂವೊನಗುಂಡ್ ನಾಕ್ ಜೀವ ಉಂಡ್. ನಾಕ್ ಜೀವ ಉಳ್ಳನೆಕೆ, ನನ್ನ ತಿಂಬಯಿಂಗಕ್ ನನ್ನಗುಂಡ್ ಜೀವ ಇಪ್ಪ.

ಯೋಹಾನ 8:29

ನನ್ನ ಅಯಿಚಂವೊ ನಾಡ ಕೂಡೆ ಉಂಡ್, ಅಂವೊಂಗ್ ಕುಶಿ ಆಪದ್‍ನ ನಾನ್ ಎಕ್ಕಾಲು ಮಾಡ್‌ವಗುಂಡ್ ಅಂವೊ ನನ್ನ ಎಕ್ಕಾಲು ಒಂಟಿಯಾಯಿತ್ ಬುಟ್ಟಿತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 8:42

ದೇವ ನಿಂಗಡ ನೇರಾನ ಅಪ್ಪನಾಯಿತುಂಡೇಂಗಿ, ನಿಂಗ ನಾಡ ಮೇಲೆ ಪ್ರೀತಿಲ್ ಇಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ನಾನ್ ದೇವಡಯಿಂಜ ಬಂದಿತುಳ್ಳ. ನಾನ್ ನಾಡ ಇಷ್ಟ ಪ್ರಕಾರ ಬಂದಿತ್‌ಲ್ಲೆ, ಅಂವೊನೇ ನನ್ನ ಅಯಿಚತ್.

ಯೋಹಾನ 9:3

ಯೇಸು ಅಯಿಂಗಕ್: ಇಂವೊ ಮಾಡ್‍ನ ಪಾಪವು ಅಲ್ಲ, ಇಂವೊಂಡ ಅಪ್ಪವ್ವ ಮಾಡ್‍ನ ಪಾಪವು ಅಲ್ಲ, ದೇವಡ ಶಕ್ತಿ ಇಂವೊಂಡಲ್ಲಿ ಕಾಂಬಕಾಯಿತ್ ಇನ್ನನೆ ಪುಟ್ಟ್‌ಚೀಂದ್ ಎಣ್ಣ್‌ಚಿ.

ರೋಮ್ 8:32

ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ?

ಇಬ್ರಿಯ 1:5

ಎನ್ನನೆ ಎಣ್ಣ್‌ಚೇಂಗಿ: ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಪಿಂಞ, ನಾನ್ ನೀಡ ಅಪ್ಪನಾಯಿತಿಪ್ಪಿ, ನೀನ್ ನಾಡ ಮೋಂವೊನಾಯಿತ್ ಇಪ್ಪಿಯಾಂದ್ ಅಂವೊ ಅಂವೊಂಡ ದೂತಂಗಡಲ್ಲಿ ದಾರ್‌ಕಾಚೇಂಗಿಯು ಎಕ್ಕಾಚೇಂಗಿಯು ಎಣ್ಣಿತುಂಡಾ?

1 ಯೋಹಾನ 3:16

ಕ್ರಿಸ್ತ ನಂಗಕಾಯಿತ್ ತಾಂಡ ಜೀವತ್‍ನ ತಂದಗುಂಡ್, ಪ್ರೀತಿ ಎಣ್ಣುವದ್ ಎಂತದ್‍ೕಂದ್ ನಂಗಕೆಲ್ಲ ಗೊತ್ತಾಚಿ. ಆನಗುಂಡ್ ನಂಗಳು ಸಹ ನಂಗಡ ಅಣ್ಣತಮ್ಮಣಂಗಕಾಯಿತ್ ಜೀವತ್‍ನ ಕೊಡ್‍ಕಂಡು!

1 ಯೋಹಾನ 4:10

ನೇರಾನ ಪ್ರೀತಿ ಎಂತ ಎಣ್ಣ್‌ಚೇಂಗಿ, ನಂಗ ದೇವಡ ಮೇಲೆ ಬೆಚ್ಚ ಪ್ರೀತಿ ಅಲ್ಲ, ದೇವ ನಂಗಡ ಮೇಲೆ ಬೆಚ್ಚ ಪ್ರೀತಿಯೇ. ಅದ್, ನಂಗಡ ಪಾಪತ್‍ನ ಪರಿಹಾರ ಮಾಡ್‌ವಕ್ ದೇವ ತಾಂಡ ಒರೇ ಮೋಂವೊನ ಈ ಲೋಕಕ್ ಅಯಿಚದ್.

1 ಯೋಹಾನ 4:16

ದೇವ ನಂಗಡ ಮೇಲೆ ಇಟ್ಟಿತುಳ್ಳ ಪ್ರೀತಿ ನಂಗಕ್ ಗೊತ್ತಾಯಿತ್, ಆ ಪ್ರೀತಿನ ಸತ್ಯಾಂದ್ ನಂಗ ನಂಬಿಯತ್. ದೇವ ಪ್ರೀತಿಯಾಯಿತೇ ಉಂಡ್. ದಾರೆಲ್ಲ ಪ್ರೀತಿಲ್ ಬದ್‍ಕ್‍ವ ಅಂವೊ ದೇವಡ ಕೂಡೆ ಐಕ್ಯತ್‍ಲ್ ಇಪ್ಪ, ದೇವ ಸಹ ಅಂವೊಂಡ ಕೂಡೆ ಐಕ್ಯತ್‍ಲ್ ಇಪ್ಪ.

1 ಯೋಹಾನ 5:11

ಆ ಸಾಕ್ಷಿ ಎಂತ್‍ೕಂದ್ ಎಣ್ಣ್‌ಚೇಂಗಿ ದೇವ ನಂಗಕ್ ನಿತ್ಯ ಜೀವತ್‍ನ ತಾತ್. ಈ ಜೀವ ದೇವಡ ಮೋಂವೊಂಡಿಂಜ ಬಂದದ್.

1 ಯೋಹಾನ 5:13

ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ಗೊತ್ತಾಪಕಾಯಿತ್, ದೇವಡ ಮೋಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚಿತುಳ್ಳ ನಿಂಗಕ್ ನಾನ್ ಇದ್‍ನ ಒಳ್‍ದ್‍ವಿ.