1 ಯೋಹಾನ 4:8 - ಕೊಡವ ಬೈಬಲ್

⁸ ಆಚೇಂಗಿ, ಪ್ರೀತಿ ಇಲ್ಲತಂವೊಂಗ್ ದೇವನ ಗೊತ್ತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ದೇವ ಪ್ರೀತಿಯಾಯಿತೇ ಉಂಡ್.

1 ಯೋಹಾನ 4:8 Iomraidhean Croise

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

ಎಫೆಸ 2:4

ಆಚೇಂಗಿ, ಕರುಣೆ ದುಂಬ್‍ನ ದೇವನಾನ ಅಂವೊ ನಂಗಡ ಮೇಲೆ ಬೆಚ್ಚ ಬಲ್ಯ ಪ್ರೀತಿರಗುಂಡ್,

ಇಬ್ರಿಯ 12:29

ನಂಗಡ ದೇವ ಕತ್ತ್‌ಚಿಡುವ ತಿತ್ತಾಯಿತ್ ಉಂಡ್.

1 ಯೋಹಾನ 1:5

ದೇವ ಬೊಳಿಯಾಯಿತುಂಡ್. ಅಂವೊಂಡಲ್ಲಿ ಇರ್‌ಟ್‌ಂದ್ ಎಣ್ಣ್‌ವದೇ ಇಲ್ಲೆ; ಇದ್ ನಂಗ ಯೇಸು ಕ್ರಿಸ್ತಯಿಂಜ ಕ್‍ೕಟಗುಂಡ್, ನಿಂಗಕ್ ಅರಿಚಿಟ್ಟಡುಂಡ್.

1 ಯೋಹಾನ 2:4

ಒಬ್ಬ, ನಾಕ್ ದೇವನ ಗೊತ್ತುಂಡ್‍ೕಂದ್ ಎಣ್ಣ್‌ಚೇಂಗಿಯು, ಅಂವೊಂಡ ಆಜ್ಞೆರ ಪ್ರಕಾರ ನಡ್‍ಕತೆ ಪೋಚೇಂಗಿ, ಅಂವೊ ಪೊಟ್ಟ್ ಪರಿಯುಂವೊನಾಯಿತುಂಡ್, ಅಂವೊಂಡ ಪಕ್ಕ ಸತ್ಯ ಇಲ್ಲೆ.

1 ಯೋಹಾನ 2:9

ದಾರೇಂಗಿ ಒಬ್ಬ, ನಾನ್ ಬೊಳಿಲ್ ಉಳ್ಳ್‌ಂದ್ ಎಣ್ಣಿತ್, ಇಂಞು ಅಣ್ಣತಮ್ಮಣಂಗಳ ದ್ವೇಶ ಮಾಡ್‍ಚೇಂಗಿ ಅಂವೊ ಇಂಞು ಇರ್‌ಟ್‌ಲ್ ಉಂಡ್.

1 ಯೋಹಾನ 3:10

ಇನ್ನನೆ, ದೇವಡ ಮಕ್ಕ ದಾರ್, ಸೈತಾನಂಡ ಮಕ್ಕ ದಾರ್‍ೕಂದ್ ನಿಂಗಕ್ ಗೊತ್ತಾಪ. ನೇರಾನ ಬಟ್ಟೇಲ್ ನಡ್‍ಕತಯಿಂಗ ಪಿಂಞ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‍ತಯಿಂಗಳಾನ ಅಯಿಂಗ ದೇವಡ ಮಕ್ಕ ಅಲ್ಲ.

1 ಯೋಹಾನ 3:6

ಅಂವೊಂಡಲ್ಲಿ ಬೇರೂರಿತುಳ್ಳಯಿಂಗ ದಾರೂ, ಪಾಪ ಮಾಡಿಯಂಡೇ ಇಪ್ಪುಲೆ. ಅನ್ನನೆ ಪಾಪ ಮಾಡಿಯಂಡೇ ಇಪ್ಪಯಿಂಗ ಅಂವೊನ ಕಂಡಿತು ಇಲ್ಲೆ, ಅಂವೊನ ಅರಿಂಜಿತು ಇಲ್ಲೆ.

1 ಯೋಹಾನ 4:16

ದೇವ ನಂಗಡ ಮೇಲೆ ಇಟ್ಟಿತುಳ್ಳ ಪ್ರೀತಿ ನಂಗಕ್ ಗೊತ್ತಾಯಿತ್, ಆ ಪ್ರೀತಿನ ಸತ್ಯಾಂದ್ ನಂಗ ನಂಬಿಯತ್. ದೇವ ಪ್ರೀತಿಯಾಯಿತೇ ಉಂಡ್. ದಾರೆಲ್ಲ ಪ್ರೀತಿಲ್ ಬದ್‍ಕ್‍ವ ಅಂವೊ ದೇವಡ ಕೂಡೆ ಐಕ್ಯತ್‍ಲ್ ಇಪ್ಪ, ದೇವ ಸಹ ಅಂವೊಂಡ ಕೂಡೆ ಐಕ್ಯತ್‍ಲ್ ಇಪ್ಪ.

1 ಯೋಹಾನ 4:7

ಪ್ರೀತಿರ ಜನಳೇ, ನಂಗ ಒಬ್ಬೊಬ್ಬನ ಪ್ರೀತಿ ಮಾಡನ, ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದೇವಡಯಿಂಜ ಬಂದದ್. ದಾರೆಲ್ಲ ಪ್ರೀತಿ ಮಾಡ್‌ವ ಅಯಿಂಗೆಲ್ಲ ದೇವಡ ಮಕ್ಕ ಆಪ ಪಿಂಞ ಅಯಿಂಗಕ್ ದೇವನ ಗೊತ್ತುಂಡ್.