1 ಯೋಹಾನ 4:2 - ಕೊಡವ ಬೈಬಲ್

² ಒಬ್ಬ ದೇವಡ ಆತ್ಮತ್‍ಲ್ ತಕ್ಕ್ ಪರ್ಂದಂಡುಂಡ್‍ೕಂದ್ ಎನ್ನನೆ ನಿಂಗಕ್ ಗೊತ್ತಾಪಾಂದ್ ಎಣ್ಣ್‌ಚೇಂಗಿ, ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತನ ಒತ್ತವ ಏದ್ ಆತ್ಮವು ದೇವಡಯಿಂಜ ಬಂದದ್.

1 ಯೋಹಾನ 4:2 Iomraidhean Croise

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

1 ಕೊರಿಂಥ 12:3

ಆನಗುಂಡ್, ಪವಿತ್ರಾತ್ಮತ್‍ರ ಮೂಲಕ, ತಕ್ಕ್ ಪರಿಯುವ ಏದ್ ಮನುಷ್ಯನು, ಯೇಸುನ, ಅಂವೊ ಶಾಪ ಪಡ್ಂದವೋಂದ್ ಎಣ್ಣ್‌ವದೇ ಇಲ್ಲೆ, ಪವಿತ್ರಾತ್ಮಂಡ ಸಹಾಯ ಇಲ್ಲತೆ, ಯೇಸುನ ಒಡೆಯಾಂದ್ ಎಣ್ಣ್‌ವಕ್ ದಾರ್‌ಕು ಕಯ್ಯುಲೇಂದ್ ನಾನ್ ನಿಂಗಕ್ ಎಣ್ಣ್‌ವಿ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

1 ಯೋಹಾನ 1:2

ಆ ಜೀವ ಕಾಂಬಕಾಚಿ, ನಂಗ ಅದ್‍ನ ಕಂಡಿತ್ ಸಾಕ್ಷಿ ತಪ್ಪ. ಆನಗುಂಡ್, ನಂಗಕ್ ಗೊತ್ತ್ ಮಾಡಿತ್ ಅರಿಚಿಟ್ಟ ಅಪ್ಪನಾನ ದೇವಡ ಕೂಡೆ ಇಂಜ ನಿತ್ಯ ಜೀವತ್‍ರ ವಿಷಯತ್‍ನ ನಿಂಗಕ್ ಎಣ್ಣ್‌ವಿ.

1 ಯೋಹಾನ 2:23

ದಾರ್ ಮೋಂವೊನ ಅಲ್ಲಗೆಳೆಯುವ ಅಂವೊ ಅಪ್ಪನ ಅಲ್ಲಗೆಳೆಯುವ. ದಾರ್ ಮೋಂವೊನ ಸ್ವೀಕಾರ ಮಾಡ್‌ವ ಅಂವೊಂಡ ಕೂಡೆ ಅಪ್ಪ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 4:15

ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

1 ಯೋಹಾನ 4:3

ಆಚೇಂಗಿ, ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತನ ಒತ್ತತ ಏದು ಆತ್ಮವು ದೇವಡಯಿಂಜ ಬಂದದಲ್ಲ. ಬಪ್ಪಾಂದ್ ನಿಂಗ ಕ್‍ೕಟಿತುಳ್ಳ ಕಳ್ಳ ಕ್ರಿಸ್ತಂಡ ಆತ್ಮವೇ ಅದ್. ಅದ್ ಬಪ್ಪಾಂದ್ ನಿಂಗ ಕ್‍ೕಟಿತುಳ್ಳಿರಲ್ಲ. ಅದ್ ಇಕ್ಕಲೆ ಈ ಲೋಕತ್‍ಲ್ ಉಂಡ್.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

2 ಯೋಹಾನ 1:7

ಯೇಸು ಕ್ರಿಸ್ತ ಮನುಷ್ಯ ರೂಪತ್‌ಲ್ ಈ ಬೂಲೋಕಕ್ ಬಾತ್‍ೕಂದ್ ಉಳ್ಳದ್‍ನ ಒತ್ತತೆ, ವಂಚನೆ ಮಾಡ್‌ವಯಿಂಗ ಈ ಲೋಕತ್‍ಲ್ ದುಂಬ ಬಂದಿತುಂಡ್. ಅನ್ನನೆ ಮಾಡ್‌ವಂವೊ ವಂಚನೆ ಮಾಡ್‌ವಂವೊನು, ಕಳ್ಳ ಕ್ರಿಸ್ತನಾಯಿತು ಉಂಡ್.