1 ಯೋಹಾನ 3:9 - ಕೊಡವ ಬೈಬಲ್

⁹ ದೇವಡ ಮಕ್ಕಳಾಯಿತ್ ಆನಯಿಂಗ ಪಾಪ ಮಾಡಿಯಂಡೇ ಇಪ್ಪುಲೆ. ಎನ್ನಂಗೆಣ್ಣ್‌ಚೇಂಗಿ, ದೇವಡ ಜೀವ ಅಂವೊಂಡಲ್ಲಿ ಬೇರ್‌ರೂರಿ ಪೋಯಿತುಂಡ್ ಪಿಂಞ ದೇವ ಅಯಿಂಗಡ ಅಪ್ಪನಾನಗುಂಡ್ ಪಾಪ ಮಾಡಿಯಂಡೇ ಇಪ್ಪಕ್ ಕಯ್ಯುಲೆ.

1 ಯೋಹಾನ 3:9 Iomraidhean Croise

ಮತ್ತಾಯ 7:18

ಒರ್ ನಲ್ಲ ಮರ ಕೆಟ್ಟ ಪಣ್ಣ್‌ನ ತಪ್ಪಕ್ ಕಯ್ಯುಲೆ ಅನ್ನನೆ ಕೆಟ್ಟ ಮರ ನಲ್ಲ ಪಣ್ಣ್‌ನ ತಪ್ಪಕ್ ಕಯ್ಯುಲೆ.

ಯೋಹಾನ 1:13

ಈಂಗ ಪುಟ್ಟ್‌ನದ್, ಒರ್ ಕುಂಞಿ ಪುಟ್ಟ್‌ನನೆಕೆ ಮನುಷ್ಯಂಡ ತಡೀರ ಚಿತ್ತತ್‍ರಗುಂಡೋ ಅಥವ ಒರ್ ವಡಿಯಂಡ ಚಿತ್ತತ್‍ರಗುಂಡೋ ಪುಟ್ಟ್‌ವನೆಕೆ ಪುಟ್ಟಿತ್‌ಲ್ಲೆ, ದೇವಡ ಮಕ್ಕಳಾಯಿತ್ ದೇವಡಯಿಂಜಲೇ ಪುಟ್ಟ್‌ನಯಿಂಗ.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ಅಪೊಸ್ತಲ 4:20

ನಂಗ ಕಂಡಾನ, ಕ್‍ೕಟಾನ, ಎಣ್ಣತೆ ಇಪ್ಪಕ್ಕಾಗಾಂದ್ ಉತ್ತರ ಕೊಡ್‍ತತ್.

ರೋಮ್ 6:2

ಅನ್ನನೆ ಇಲ್ಲೆ! ಪಾಪಕ್ ಚತ್ತ್ ಪೋಯಿತುಳ್ಳ ನಂಗ, ಇಂಞು ಅದ್‍ಲ್ ಎನ್ನನೆ ಬದ್‍ಕ್‌ವಕಾಪ?

ಗಲಾತ್ಯ 5:17

ಮನುಷ್ಯಂಡ ಪಾಪತ್‍ರ ಗುಣ ಪವಿತ್ರಾತ್ಮಕ್ ವಿರೋದವಾಯಿತು, ದೇವಡ ಆತ್ಮ ಮನುಷ್ಯಂಡ ಪಾಪತ್‍ರ ಗುಣಕ್ ವಿರೋದವಾಯಿತು ಪೋರಾಡಿಯಂಡುಂಡ್. ನಿಂಗ ಮಾಡಂಡೂಂದ್ ಉಳ್ಳದ್‍ನ ಮಾಡ್‌ವಕ್ ಕಯ್ಯತನೆಕೆ ಈ ದಂಡು ಶತ್ರುವಳಾಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

1 ಪೇತ್ರ 1:23

ಪಾಳಾಯಿ ಪೋಪ ಕುರುರ ಮೂಲಕ ಅಲ್ಲ, ಎಕ್ಕಾಲು ಬದ್‍ಕಿಯಂಡಿಪ್ಪ, ಜೀವವಾಯಿತ್ ಉಳ್ಳ ಪಾಳಾಯಿ ಪೋಕತ ಕುರುವಾನ ದೇವಡ ವಾಕ್ಯತ್‍ರ ಮೂಲಕ ನಿಂಗ ಪುನಃ ಪುಟ್ಟಿತುಳ್ಳಿರ.

1 ಯೋಹಾನ 2:29

ಕ್ರಿಸ್ತ ನೀತಿವಂತಂವೊನೇಂದ್ ನಿಂಗಕ್ ಗೊತ್ತಾನಗುಂಡ್, ನೀತಿಲ್ ನಡ್‍ಪಯಿಂಗೆಲ್ಲಾ ದೇವಡ ಮಕ್ಕಾಂದ್ ನಿಂಗಕ್ ಗೊತ್ತಿರಂಡು.

1 ಯೋಹಾನ 3:6

ಅಂವೊಂಡಲ್ಲಿ ಬೇರೂರಿತುಳ್ಳಯಿಂಗ ದಾರೂ, ಪಾಪ ಮಾಡಿಯಂಡೇ ಇಪ್ಪುಲೆ. ಅನ್ನನೆ ಪಾಪ ಮಾಡಿಯಂಡೇ ಇಪ್ಪಯಿಂಗ ಅಂವೊನ ಕಂಡಿತು ಇಲ್ಲೆ, ಅಂವೊನ ಅರಿಂಜಿತು ಇಲ್ಲೆ.

1 ಯೋಹಾನ 4:7

ಪ್ರೀತಿರ ಜನಳೇ, ನಂಗ ಒಬ್ಬೊಬ್ಬನ ಪ್ರೀತಿ ಮಾಡನ, ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದೇವಡಯಿಂಜ ಬಂದದ್. ದಾರೆಲ್ಲ ಪ್ರೀತಿ ಮಾಡ್‌ವ ಅಯಿಂಗೆಲ್ಲ ದೇವಡ ಮಕ್ಕ ಆಪ ಪಿಂಞ ಅಯಿಂಗಕ್ ದೇವನ ಗೊತ್ತುಂಡ್.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

1 ಯೋಹಾನ 5:18

ದೇವಡ ಮಕ್ಕ ಪಾಪ ಮಾಡಿಯಂಡೇ ಇಪ್ಪುಲೇಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ದೇವಡ ಮೋಂವೊ ಅಯಿಂಗಳ ಬದ್ರವಾಯಿತ್ ಕಾಪಾಡ್‌ವ. ಪಿಂಞ ಸೈತಾನ ಅಯಿಂಗಳ ತೊಂದರೆ ಮಾಡ್‌ವಕ್ ಕಯ್ಯುಲೆ.

1 ಯೋಹಾನ 5:4

ಎನ್ನಂಗೆಣ್ಣ್‌ಚೇಂಗಿ ದೇವಡ ಮಕ್ಕ ಎಲ್ಲಾರು ಈ ಲೋಕತ್‍ನ ಗೆಲ್ಲುವ. ದೇವಡ ಮೇಲೆ ಬೆಚ್ಚ ನಂಬಿಕೆಯಿಂಜಲೇ ನಂಗ ಈ ಲೋಕತ್‍ನ ಗೆದ್ದತ್.

3 ಯೋಹಾನ 1:11

ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.