1 ಯೋಹಾನ 3:12 - ಕೊಡವ ಬೈಬಲ್

¹² ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.

1 ಯೋಹಾನ 3:12 Iomraidhean Croise

ಆದ್ಯತ್‌ರ ಪುಸ್ತಕ 4:25

ಆದಾಮ ಪುನಃ ತಾಂಡ ಪೊಣ್ಣ್‌ರ ಕೂಡೆ ಕೂಡ್‌ಚಿ. ಅವ ಇಂಞೊರ್‌ ಕ್‌ಣ್ಣ ಕುಂಞಿನ ಪೆತ್ತಿತ್: ಕಾಯಿನ ಕೊಂದ ಹೇಬೆಲಂಗ್‌ ಬದಲಾಯಿತ್‌ ದೇವ ನಾಕ್‍ ಬೋರೆ ಮೋಂವೊನ ತಂದಿತ್‌ಂದ್‌ ಆ ಕುಂಞಿಕ್‌ ಸೇತಾಂದ್‌ ಪೆದ ಬೆಚ್ಚತ್.

ಜ್ಞಾನತ್‌ರ ಪಡಿಮ 27:4

ಬಲ್ಯ ಚೆಡಿ ಕ್ರೂರವಾನದ್. ಚೆಡಿ ಪಾಳ್ಮಾಡಿರುವ. ಆಚೇಂಗಿ ಹೊಟ್ಟೆಕಿಚ್ಚ್‌ರ ಮಿಂಞ ದಾರ್‌ಕ್‌ ನಿಪ್ಪಕಯ್ಯು?

ಜ್ಞಾನತ್‌ರ ಪಡಿಮ 29:10

ಕೊಲೆಗಾರಂಗ ಸತ್ಯತ್‌ಲ್‌ ನಡ್‌ಪಯಿಂಗಳ ದ್ವೇಷ ಮಾಡುವ. ಆಚೇಂಗಿ ನೀತಿವಂತಯಿಂಗ ಅಂವೊಂಡ ಜೀವತ್‌ನ ಕಾಪಾಡುವ.

ಜ್ಞಾನತ್‌ರ ಪಡಿಮ 29:27

ನೀತಿವಂತಂವೊ ದುಷ್ಟನ ಅಸಹ್ಯವಾಯಿತ್‌ ಕಾಂಬ. ದುಷ್ಟ ಸತ್ಯವಂತಂವೊನ ಅಸಹ್ಯವಾಯಿತ್‌ ಕಾಂಬ.

ಮತ್ತಾಯ 13:19

ದೇವಡ ರಾಜ್ಯತ್‍ರ ವಿಷಯತ್‍ನ ಕ್‍ೕಟಿತ್, ಅರ್ಥ ಆಕತೆ ಇಪ್ಪಕ, ಸೈತಾನ ಬಂದಿತ್ ಅಂವೊಂಡ ಹೃದಯತ್‍ಲ್ ಬುದ್ದ ಕುರುನ ಎಡ್‍ತಂಡ್ ಪೋಯಿರುವ. ಅಂವೊ ನಡ್‍ಪ ಬಟ್ಟೇಲ್ ಬುದ್ದ ಕುರುರನೆಕೆ.

ಮತ್ತಾಯ 13:38

ಬಯಲ್ ಎಣ್ಣ್‌ವದ್ ಈ ಲೋಕ; ನಲ್ಲ ಕುರು, ದೇವಡ ರಾಜ್ಯತ್‍ರ ಮಕ್ಕ; ಕಚಡ ಕುರು ಸೈತಾನಂಡ ಜನ;

ಮತ್ತಾಯ 23:35

ನೀತಿವಂತಂವೊನಾನ ಕೊಲೆಯಾನ ಹಾಬೇಲಂಡ ಚೋರೆಯಿಂಜ ಪುಡ್‌ಚಿತ್, ಬಲಿ ಕೊಡ್‍ಪ ಜಾಗಕು ದೇವಾಲಯಕು ಮದ್ಯತ್‍ಲ್ ಕೊಲೆಯಾನ ಬರಕೀಯಂಡ ಮೋಂವೊನಾನ ಜಕರಿಯಂಡ ಚೋರೆಕತ್ತನೆ ಈ ಲೋಕತ್‍ರ ಮೇಲೆ ಚೆಲ್ಲ್‌ನ ಎಲ್ಲಾ ನೀತಿವಂತಯಿಂಗಡ ಚೋರೆಯಿಂಜ ಬಪ್ಪಂತ ಅಪರಾದ ನಿಂಗಡ ಮೇಲೆ ಬೂವ.

ಮತ್ತಾಯ 27:23

ಅಕ್ಕ ಅದಿಪತಿ: ಎನ್ನಂಗ್? ಅಂವೊ ಎಂತ ತಪ್ಪ್ ಮಾಡಿತುಂಡ್‍ೕಂದ್ ಕ್‍ೕಟತ್. ಆಚೇಂಗಿ ಜನ ಇಂಞು ಜೋರಾಯಿತ್ ಅಂವೊನ ಶಿಲುಬೇಕ್ ಇಡೀಂದ್ ಕೂತ್ ಕೊಡ್‍ತತ್.

ಮತ್ತಾಯ 5:37

ನಿಂಗಡ ತಕ್ಕ್ ಅಕ್ಕೂಂದ್ ಎಣ್ಣ್‌ಚೇಂಗಿ ಅದ್ ಅಕ್ಕುವಾಯಿತಿರಡ್, ಇಲ್ಲೇಂದ್ ಎಣ್ಣ್‌ಚೇಂಗಿ ಇಲ್ಲೇಂದಿರಡ್. ಇದ್ ಬುಟ್ಟಿತ್ ಬೋರೆ ಏದ್ ಎಣ್ಣ್‌ಚೇಂಗಿಯು, ಅದ್ ಸೈತಾನಿಂಜ ಬಪ್ಪದೇ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:51

ಕೊಲೆಯಾನ ಹಾಬೇಲಂಡ ಚೋರೆಯಿಂಜ ಪುಡ್‌ಚಿತ್, ಬಲಿಪೀಠಕು ದೇವಾಲಯಕು ಮದ್ಯತ್‍ಲ್ ಕೊಲೆಯಾನ ಜಕರಿಯಂಡ ಚೋರೆಕತ್ತನೆ ಆನ ಪ್ರವಾದಿಯಂಗಳಾನ ಎಲ್ಲಾ ಕೊಲೆಕ್ ಕಂಡಿತವಾಯಿತ್ ನಿಂಗಕ್ ಶಿಕ್ಷೆ ಕ್‍ಟ್ಟುವ, ನೇರಾಯಿತು ಈ ಸಂತಾನತ್‍ರಯಿಂಗಳ ನ್ಯಾಯ ಕ್‍ೕಪಾಂದ್ ನಿಂಗಕ್ ಎಣ್ಣ್‌ವಿ.

ಯೋಹಾನ 10:32

ಅಕ್ಕ ಯೇಸು ಅಯಿಂಗಳ ನೋಟಿತ್: ನಾನ್ ನಾಡ ಅಪ್ಪ ಎಣ್ಣ್‌ನನೆಕೆ ದುಂಬ ಅದ್ಬುತ ಕಾರ್ಯ ಮಾಡಿಯೆ, ಅದ್‍ಲ್ ಏದ್ ವಿಷಯತ್‍ಲ್ ನಾಡ ಮೇಲೆ ಕಲ್ಲ್ ಕನಿಪಕ್ ನೋಟ್‌ವಿರಾಂದ್ ಕ್‍ೕಟತ್.

ಯೋಹಾನ 8:40

ದೇವಡಯಿಂಜ ಕ್‍ೕಟಿತ್ ನಿಂಗಕ್ ಎಣ್ಣುವ ನನ್ನ, ನಿಂಗ ಕೊಲ್ಲ್‌ವಕ್ ನೋಟಿಯಂಡುಳ್ಳಿರ, ಅಬ್ರಹಾಮ ಇನ್ನನೆ ಮಾಡಿತ್‌ಲ್ಲೆಲ್ಲಾ.

ಯೋಹಾನ 8:41

ನಿಂಗ ನಿಂಗಡ ಅಪ್ಪ ಮಾಡ್‌ನಾನ ಮಾಡ್‌ವಿರಾಂದ್ ಎಣ್ಣ್‌ಚಿ. ಅಕ್ಕ ಅಯಿಂಗ ಅಂವೊಂಗ್: ನಂಗ ತಪ್ಪಾಯಿತ್ ಪುಟ್ಟ್‌ನಯಿಂಗ ಅಲ್ಲ, ನಂಗಕ್ ಒರೇ ಅಪ್ಪ ಮಾತ್ರ ಉಂಡ್, ಅಂವೊನೇ ನಂಗಡ ದೇವಾಂದ್ ಕೂತ್ ಕೊಡ್‍ತತ್.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.

1 ಥೆಸಲೊನೀಕ 2:14

ನಂಗಡ ಅಣ್ಣತಮ್ಮಣಂಗಳೇ, ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಸಬೇರನೆಕೆ ನಿಂಗಳು ಆಯಿತುಳ್ಳಿರ. ಯೆಹೂದ್ಯ ಸಬೆರ ಜನ ಎನ್ನನೆ ಯೇಸುನ ನಂಬತೆ ಅಯಿಂಗಡ ಸ್ವಂತ ಜನವಾಯಿತುಳ್ಳ ಯೆಹೂದ್ಯಂಗಡಗುಂಡ್ ಕಷ್ಟಪಟ್ಟತೋ ಅನ್ನನೆ ನಿಂಗಳು ಸಹ, ನಿಂಗಡ ಜನಾಂಗಡಗುಂಡ್ ಕಷ್ಟಪಟ್ಟಿರ.

ಇಬ್ರಿಯ 11:4

ನಂಬಿಕೇರ ಮೂಲಕ, ಹೇಬೆಲ ತಾಂಡ ಅಣ್ಣ ಕಾಯಿನ ಮಾಡ್‍ನ ಬಲಿಕಿಂಜ ವಿಶೇಷವಾನ ಬಿಲೀನ ದೇವಕ್ ಅರ್ಪಣೆ ಮಾಡ್‍ಚಿ; ಅದ್ಂಗಾಯಿತ್ ಅಂವೊಂಗ್ ನೀತಿವಂತಂವೋಂದ್ ಸಾಕ್ಷಿ ಕ್‍ಟ್ಟ್‌ಚಿ; ಹೇಬೆಲಂಡ ಕಾಣಿಕೆರ ವಿಷಯತ್ ದೇವ ಸಹ ಸಾಕ್ಷಿ ಕೊಡ್‍ತತ್, ಅಂವೊ ಚತ್ತ್ ಪೋಚೇಂಗಿಯು ಇಂದ್ ಸಹ ತಕ್ಕ್ ಪರ್ಂದಂಡುಂಡ್.

ಇಬ್ರಿಯ 12:24

ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.

1 ಪೇತ್ರ 4:4

ಅಯಿಂಗಡ ಕೂಡೆ ಈ ತರ ತಡೀರ ಮೋಹತ್‍ಲ್ ನಿಂಗ ಮುಳ್‍ಂಗಿ ಪೋಕತನೆಕೆ ಉಳ್ಳಾಂಗ್ ಅಯಿಂಗ ಆಶ್ಚರ್ಯತ್‍ಲ್ ನಂಗಳ ದುಂಬ ದೂಷಣೆ ಮಾಡಿಯಂಡುಂಡ್.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.

ಯೂದ ಒಳ್‍ದ್‍ನ ಕಾಗದ 1:11

ಕಳ್ಳ ಬೋದನೆ ಮಾಡ್‌ವಯಿಂಗಕ್ ಅಯ್ಯೋ! ಈಂಗ ತಮ್ಮಣನ ಕೊಂದ ಕಾಯಿನ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್ಂದಂಡುಂಡ್. ಪಣಕಾಯಿತ್ ದೇವಡ ಮಕ್ಕಳ ಬಿಳಾಮ ಎಣ್ಣ್‌ವಂವೊ ಮೋಸ ಮಾಡ್‍ನನೆಕೆ ಈಂಗಳು ದುಡ್‍ಕಿಯಂಡ್ ಓಡ್‍ವ. ಪಿಂಞ ಕೋರಹ ಎಣ್ಣ್‌ವಂವೊ ಎದ್‍ರ್ ತಕ್ಕ್ ಪರ್ಂದಿತ್ ಎನ್ನನೆ ಪಾಳಾಯಿ ಪೋಚೋ, ಅನ್ನನೆ ಈಂಗಳು ಪಾಳಾಯಿ ಪೋಪ.

ಪ್ರಕಟನೆ 17:6

ಆ ಪೊಣ್ಣಾಳ್ ದೇವಡ ಮಕ್ಕಡ ಚೋರೆನ, ಯೇಸುಕ್ ಸಾಕ್ಷಿ ಕೊಡ್‍ತ ಮಕ್ಕಡ ಚೋರೆನ ಕುಡಿಚ ಬೋಗತ್‍ಲ್ ಇಪ್ಪದ್‍ನ ಕಂಡಿಯೆ. ಅವಳ ಕಾಂಬಕ ನಾಕ್ ದುಂಬ ಆಶ್ಚರ್ಯ ಆಚಿ.