1 ಯೋಹಾನ 2:8 - ಕೊಡವ ಬೈಬಲ್

⁸ ಆಚೇಂಗಿ, ನಾನ್ ನಿಂಗಕ್ ಒಳ್‍ದ್‍ವ ಪುದಿಯ ಆಜ್ಞೆ ಎನ್ನಂಗೆಣ್ಣ್‌ಚೇಂಗಿ, ಇದ್ ಯೇಸುರಲ್ಲಿ ಪಿಂಞ ನಿಂಗಡಲ್ಲಿ ಸತ್ಯವಾಯಿತುಂಡ್. ಎನ್ನನೆ ಎಣ್ಣ್‌ಚೇಂಗಿ ಇರ್‌ಟ್ ಪೋಯಂಡುಂಡ್, ನೇರಾನ ಬೊಳಿ ಇಕ್ಕಲೆ ಮಿನ್ನಿಯಂಡಂಡು.

1 ಯೋಹಾನ 2:8 Iomraidhean Croise

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಮತ್ತಾಯ 4:16

ಇರ್‌ಟ್‌ಲ್ ಉಳ್ಳ ಜನಯೆಲ್ಲ ಬಲ್ಯ ಬೊಳಿನ ಕಂಡತ್; ಚಾವ್‍ರ ದಿಕ್ಕ್‌ಲ್ ಉಳ್ಳಯಿಂಗಕ್ ಬೊಳಿ ಉದ್‍ಚಿತ್‍ೕಂದ್, ಯೆಶಾಯ ಪ್ರವಾದಿ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:79

ಇರ್‌ಟ್‌ಲ್ ಪಿಂಞ ಚಾವ್‍ರ ಪೋಡಿಲ್ ಅಳ್‌ತಂಡುಳ್ಳ ಜನಕ್ ಬೊಳ್‍ಚ ಕಾಟ್‍ವ. ಅಂವೊ ನಂಗಳ ಶಾಂತಿರ ಬಟ್ಟೇಲ್ ನಡ್‍ಪ್‍ಚಿಡುವ.

ಯೋಹಾನ 1:9

ಈ ಲೋಕತ್‍ಲ್ ಬಪ್ಪ ಪ್ರತಿಯೊರ್ ಮನುಷ್ಯಂಗಕು ಬೊಳಿ ಕೊಡ್‍ಪ ಬೊಳಿಯೇ ಆ ನೇರಾನ ಬೊಳಿ.

ಯೋಹಾನ 12:35

ಯೇಸು ಅಯಿಂಗಕ್: ಈ ಬೊಳಿ ಇಂಞು ಚೆನ್ನ ನೇರ ಮಾತ್ರ ನಿಂಗಡ ಕೂಡೆ ಇಪ್ಪ, ಇರ್‌ಟ್‌ಲ್ ಚಿಕ್ಕತನೆಕೆ, ಈ ಬೊಳಿಲ್ ಎಕ್ಕಾಲು ನಿಂಗ ಇರಿ, ಇರ್‌ಟ್‌ಲ್ ಇಪ್ಪಂವೊ ಅಂವೊ ಎಲ್ಲಿಕ್ ಪೋಯಂಡುಂಡ್‍ೕಂದ್ ಅಂವೊಂಗ್ ಗೊತ್ತಾಪುಲೆ.

ಯೋಹಾನ 12:46

ನಾಡ ಮೇಲೆ ನಂಬಿಕೇಲ್ ಉಳ್ಳಯಿಂಗ ದಾರೂ ಇರ್‌ಟ್‌ಲ್ ಇಕ್ಕತನೆಕೆ, ನಾನ್ ಈ ಲೋಕಕ್ ಬೊಳಿಯಾಯಿತ್ ಬಂದಿಯೆ.

ಯೋಹಾನ 13:34

ಇಕ್ಕ ನಾನ್ ನಿಂಗಕ್ ಒರ್ ಪುದಿಯ ಹುಕುಮ್ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ನಿಂಗ ಒಬ್ಬೊಬ್ಬಂಡ ಮೇಲೆ ಪ್ರೀತಿಲ್ ಇರಂಡು; ನಾನ್ ನಿಂಗಳ ಪ್ರೀತಿ ಮಾಡ್‍ನನೆಕೆ, ನಿಂಗಳು ಒಬ್ಬೊಬ್ಬಂಡ ಮೇಲೆ ಪ್ರೀತಿ ಮಾಡಂಡು.

ಯೋಹಾನ 8:12

ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 17:30

ಜನಕ್ ನೇರಾಯಿತು ಗೊತ್ತಿಲ್ಲತ ಕಾಲತ್‍ಲ್ ಇನ್ನನೆ ಮಾಡ್‌ನಾನ ದೇವ ಲೆಕ್ಕ ಬೆಚ್ಚಿತ್‌ಲ್ಲೆ. ಆಚೇಂಗಿ ಇಕ್ಕ, ಎಲ್ಲಾ ಜಾಗತು, ಎಲ್ಲಾ ಜನಳು ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರ್‌ಗಂಡೂಂದ್ ಹುಕುಮ್ ಕೊಡ್‍ತಂಡುಂಡ್.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 13:12

ಬೈಟ್ ದುಂಬ ಕಳೆಂದ್ ಪೋಚಿ, ಪೋಲ್ ಪಕ್ಕ ಬಾತ್; ಆನಗುಂಡ್ ಇರ್‌ಟ್‌ರ ಕ್ರಿಯೇನ ಬುಟ್ಟಿತ್, ಬೊಳಿರ ಆಯುದತ್‍ನ ಇಡೋನ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

2 ತಿಮೊಥೆಯ 1:10

ಇಕ್ಕ ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಪ್ರತ್ಯಕ್ಷ ಆನಗುಂಡ್ ಆ ಕೃಪೇನ ಕಾಂಬಕಾಚಿ. ಅಂವೊ ಚಾವ್‍ನ ಗೆದ್ದಿತ್, ಜೀವತ್‍ನ ಪಿಂಞ ನಾಶ ಆಕತ ಬದ್‍ಕ್‍ನ ನಲ್ಲ ಸುದ್ದಿಯಿಂಜ ಬೊಳಿಕ್ ಕೊಂಡ್ ಬಾತ್.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.

1 ಯೋಹಾನ 3:23

ದೇವಡ ಆಜ್ಞೆ ಎಂತ್‍ೕಂದ್ ಎಣ್ಣ್‌ಚೇಂಗಿ: ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಪೆದತ್‍ನ ನಂಬಿತ್ ಅಂವೊ ನಂಗಕ್ ಆಜ್ಞೆ ಮಾಡ್‍ನನೆಕೆ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‌ವದೇ.

1 ಯೋಹಾನ 4:11

ಪ್ರೀತಿರ ಮಕ್ಕಳೇ, ದೇವ ನಂಗಳ ಇಚ್ಚಕ್ ಪ್ರೀತಿ ಮಾಡ್‍ನಗುಂಡ್, ನಂಗ ಸಹ ಒಬ್ಬೊಬ್ಬನ ಪ್ರೀತಿ ಮಾಡಂಡು.

1 ಯೋಹಾನ 4:21

ಕ್ರಿಸ್ತ ನಂಗಕ್ ಈ ಆಜ್ಞೆನ ತಾತ್. ಅದ್ ಎಂತ ಎಣ್ಣ್‌ಚೇಂಗಿ: ದೇವನ ಪ್ರೀತಿ ಮಾಡ್‌ವಂವೊ ತಾಂಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡಂಡೂಂದ್ ಉಳ್ಳದೇ.