1 ಯೋಹಾನ 2:6 - ಕೊಡವ ಬೈಬಲ್

⁶ ದಾರೇಂಗಿ ನಾನ್ ದೇವಡ ಐಕ್ಯತ್‍ಲ್ ಉಳ್ಳ್‌ಂದ್ ಎಣ್ಣ್‌ಚೇಂಗಿ, ಅಂವೊನು ಯೇಸು ಕ್ರಿಸ್ತ ನಡ್ಂದನೆಕೆ ನಡ್‌ಕಂಡು.

1 ಯೋಹಾನ 2:6 Iomraidhean Croise

ಮತ್ತಾಯ 11:29

ನಾನ್ ಶಾಂತವು, ತಾಳ್ಮೆ ಮನಸ್ಸು ಉಳ್ಳಂವೊ. ನಾಡ ನೊಗತ್‌ನ ನಿಂಗ ಎಡ್‍ತಂಡ್, ನಾನ್ ಎಣ್ಣುವಾನ ಪಡಿಚೋಳಿ; ಅಕ್ಕ ನಿಂಗಡ ಆತ್ಮಕ್ ಆರಾಮ್ ಕ್‍ಟ್ಟುವ.

ಯೋಹಾನ 13:15

ನಾನ್ ನಿಂಗಕ್ ಮಾಡ್‍ನನೆಕೆ, ನಿಂಗಳು ಮಾಡ್‌ವಕಾಯಿತ್ ನಾನ್ ನಿಂಗಕ್ ಕಾಟಿ ತಂದಿಯೆ.

ಯೋಹಾನ 15:10

ನಾನ್ ನಾಡ ಅಪ್ಪಂಡ ಆಜ್ಞೆರ ಪ್ರಕಾರ ನಡ್ಂದಂಡ್ ಅಂವೊಂಡ ಪ್ರೀತಿಲ್ ಸ್ತಿರವಾಯಿತ್ ಇಪ್ಪನೆಕೆ ನಿಂಗಳು ನಾಡ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇಪ್ಪಿರ.

1 ಕೊರಿಂಥ 11:1

ಕ್ರಿಸ್ತ ಎಣ್ಣ್‌ವಾನ ನಾನ್ ಮಾಡ್‌ವನೆಕೆ ನಿಂಗ ನಾನ್ ಮಾಡ್‌ವದ್‍ನ ಮಾಡಿ.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.

1 ಯೋಹಾನ 2:28

ಇಕ್ಕ, ನಾಡ ಪ್ರೀತಿರ ಚೆರಿಯ ಮಕ್ಕಳೇ, ಅಂವೊ ಈ ಲೋಕಕ್ ಪ್ರತ್ಯಕ್ಷ ಆಪ ದಿವಸತ್‍ಲ್ ನಂಗ ಅಂವೊಂಡ ಮಿಂಞತ್‍ಲ್ ಒರ್ ಞಾಣ ಇಲ್ಲತೆ ದೈರ್ಯತ್‍ಲ್ ನಿಪ್ಪಕ್ ಅಂವೊಂಡ ಕೂಡೆ ಒಂದಾಯಿತ್ ಇರಂಡು.

1 ಯೋಹಾನ 2:4

ಒಬ್ಬ, ನಾಕ್ ದೇವನ ಗೊತ್ತುಂಡ್‍ೕಂದ್ ಎಣ್ಣ್‌ಚೇಂಗಿಯು, ಅಂವೊಂಡ ಆಜ್ಞೆರ ಪ್ರಕಾರ ನಡ್‍ಕತೆ ಪೋಚೇಂಗಿ, ಅಂವೊ ಪೊಟ್ಟ್ ಪರಿಯುಂವೊನಾಯಿತುಂಡ್, ಅಂವೊಂಡ ಪಕ್ಕ ಸತ್ಯ ಇಲ್ಲೆ.

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

1 ಯೋಹಾನ 3:6

ಅಂವೊಂಡಲ್ಲಿ ಬೇರೂರಿತುಳ್ಳಯಿಂಗ ದಾರೂ, ಪಾಪ ಮಾಡಿಯಂಡೇ ಇಪ್ಪುಲೆ. ಅನ್ನನೆ ಪಾಪ ಮಾಡಿಯಂಡೇ ಇಪ್ಪಯಿಂಗ ಅಂವೊನ ಕಂಡಿತು ಇಲ್ಲೆ, ಅಂವೊನ ಅರಿಂಜಿತು ಇಲ್ಲೆ.

1 ಯೋಹಾನ 4:17

ನ್ಯಾಯತೀರ್ಪ್ ದಿವಸತ್‍ಲ್ ನಂಗ ಅಂವೊಂಡ ಮಿಂಞ ದೈರ್ಯತ್‍ಲ್ ನಿಪ್ಪಕ್ ದೇವಡ ಪ್ರೀತಿ ನಂಗಕ್ ದೈರ್ಯ ತಪ್ಪಗುಂಡ್, ಈ ಪ್ರೀತಿ ನಂಗಡೊಳ್‌ಲ್ ಇನ್ನನೆ ಪೂರ್ತಿ ಆಯಡುಂಡ್. ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ಲ್ ಕ್ರಿಸ್ತ ಎನ್ನನೆ ಇಂಜತೋ ಅದೇ ತರ ನಂಗಡ ಬದ್‌ಕು ಈ ಲೋಕತ್‍ಲ್ ಉಂಡ್.