1 ಯೋಹಾನ 2:5 - ಕೊಡವ ಬೈಬಲ್

⁵ ಆಚೇಂಗಿ ದಾರ್ ಅಂವೊಂಡ ತಕ್ಕ್‌ನ ಮೀರತೆ ನಡ್‍ಪ, ನೇರಾಯಿತ್ ಅಂವೊಂಡಲ್ಲಿ ದೇವಡ ಪ್ರೀತಿ ಪೂರ್ತಿಯಾಯಿತ್‌ಪ್ಪ. ಅನ್ನನೆ ಮಾಡ್‍ಚೇಂಗಿ ಮಾತ್ರ ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 2:5 Iomraidhean Croise

ಜ್ಞಾನತ್‌ರ ಪಡಿಮ 28:7

ದೇವಡ ನ್ಯಾಯಪ್ರಮಾಣಕ್‌ ತಗ್ಗಿತ್‌ ನಡ್‌ಪಂವೊ ವಿವೇಕ ಉಳ್ಳ ಪುತ್‌ರ. ಹೊಟ್ಟೆಬಾಕೆಂಡ ಸಹವಾಸ ಬೆಪ್ಪಂವೊ ತಾಂಡ ಅಪ್ಪನ ಅವಮಾನ ಪಡ್‌ತುವ.

ಜ್ಞಾನತ್‌ರ ಪಡಿಮ 8:32

ಆನಗುಂಡ್‌ ಮಕ್ಕಳೇ, ನಾಡ ತಕ್ಕ್‌ನ ಕ್‍ೕಳಿ. ನಾನ್‌ ಎಣ್ಣ್‌ವಾನ ಕ್‍ೕಟಿತ್‌ ಅದ್‌ಂಗ್‌ ಬಗ್ಗಿತ್‌ ನಡ್‌ಪಯಿಂಗ ಆಶೀರ್ವಾದ ಪಡ್‌ಂದಯಿಂಗ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:28

ಅದ್ಂಗ್ ಅಂವೊ: ಅಕ್ಕು ನೇರೇ, ಆಚೇಂಗಿಯು, ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನೇರಾಯಿತ್ ಆಶೀರ್ವಾದ ಪಡ್ಂದಯಿಂಗಾಂದ್ ಎಣ್ಣ್‌ಚಿ.

ಯೋಹಾನ 14:21

ನಾಡ ಆಜ್ಞೆನ ಪಡ್ಂದಿತ್ ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನನ್ನ ಪ್ರೀತಿ ಮಾಡ್‌ವಯಿಂಗ; ನನ್ನ ಪ್ರೀತಿ ಮಾಡ್‌ವಯಿಂಗಳ ನಾಡ ಅಪ್ಪ ಪ್ರೀತಿ ಮಾಡ್‌ವ. ನಾನ್ ಸಹ ಅಯಿಂಗಳ ಪ್ರೀತಿ ಮಾಡಿತ್, ನನ್ನ ಅಯಿಂಗಕ್ ಕಾಂಬ್‌ಚಿಡ್‍ವೀಂದ್ ಎಣ್ಣ್‌ಚಿ.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 15:5

ನಾನೇ ದ್ರಾಕ್ಷಿ ಬಳ್ಳಿ, ನಿಂಗ ಕೊಂಬ್. ಒಬ್ಬ ನಾಡಲ್ಲಿ, ನಾನ್ ಅಂವೊಂಡಲ್ಲಿ ಸ್ತಿರವಾಯಿತ್ ಇಂಜತೇಂಗಿ ದುಂಬ ಫಲ ತಪ್ಪ; ನಿಂಗಕ್ ನನ್ನ ಬುಟ್ಟಿತ್ ಒಂದು ಮಾಡ್‌ವಕ್ ಕಯ್ಯುಲೆ.

ಯೋಹಾನ 6:56

ನಾಡ ತಡೀನ ತಿಂದಿತ್, ನಾಡ ಚೋರೆನ ಕುಡಿಪಯಿಂಗ ನಾಡಲ್ಲಿ ವಾಸ ಮಾಡ್‌ವ; ನಾನ್ ಅಯಿಂಗಡಲ್ಲಿ ವಾಸ ಮಾಡ್‌ವಿ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

2 ಕೊರಿಂಥ 5:17

ಇನ್ನನೆ ಇಪ್ಪಕ, ಒಬ್ಬ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಂಜತೇಂಗಿ ಅಂವೊ ಪುದಿಯ ಸೃಷ್ಟಿಯಾಯಿತುಂಡ್. ಪಳೆಯದೆಲ್ಲ ಕಾಂಗತೆ ಆಯಿಪೋಚಿ, ಎಲ್ಲಾ ಪುದಿಯದಾಚಿ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಯಾಕೋಬ 2:22

ನಂಬಿಕೆ ಪಿಂಞ ಕ್ರಿಯೆ ದಂಡು ಒಕ್ಕಚೆ ಕ್ರಿಯೆ ಮಾಡ್‌ನಗುಂಡ್‌ ಅಂವೊಂಡ ನಂಬಿಕೆ ಪೂರ್ತಿ ಆಚೀಂದ್ ನೋಟ್‌ವಿರಲ್ಲ?

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

1 ಯೋಹಾನ 4:17

ನ್ಯಾಯತೀರ್ಪ್ ದಿವಸತ್‍ಲ್ ನಂಗ ಅಂವೊಂಡ ಮಿಂಞ ದೈರ್ಯತ್‍ಲ್ ನಿಪ್ಪಕ್ ದೇವಡ ಪ್ರೀತಿ ನಂಗಕ್ ದೈರ್ಯ ತಪ್ಪಗುಂಡ್, ಈ ಪ್ರೀತಿ ನಂಗಡೊಳ್‌ಲ್ ಇನ್ನನೆ ಪೂರ್ತಿ ಆಯಡುಂಡ್. ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ಲ್ ಕ್ರಿಸ್ತ ಎನ್ನನೆ ಇಂಜತೋ ಅದೇ ತರ ನಂಗಡ ಬದ್‌ಕು ಈ ಲೋಕತ್‍ಲ್ ಉಂಡ್.

1 ಯೋಹಾನ 4:18

ಪ್ರೀತಿ ಉಳ್ಳ ಜಾಗತ್‍ಲ್ ಪೋಡಿ ಇಲ್ಲೆ. ಪೂರ್ತಿಯಾನ ಪ್ರೀತಿ ಎಲ್ಲಾ ಪೋಡಿನ ದೌತ್‍ವ. ಪೋಡಿಯುಳ್ಳಂವೊ ದಂಡನೆ ಕ್‍ಟ್ಟ್‌ವಾಂದ್ ಎಕ್ಕಾಲು ಗೇನ ಮಾಡಿಯಂಡುಂಡ್. ದಾರ್‌ಕೇಂಗಿಯು ಪೋಡಿಯಿಂಜತೇಂಗಿ ಅಯಿಂಗಡ ಒಳ್‍ಲ್ ದೇವಡ ಪ್ರೀತಿ ಪೂರ್ತಿ ಆಯಿತ್‌ಲ್ಲೆ.

1 ಯೋಹಾನ 5:2

ದೇವನ ಪ್ರೀತಿ ಮಾಡಿತ್ ಅಂವೊ ಕೊಡ್‍ತ ಆಜ್ಞೆರ ಪ್ರಕಾರ ನಡ್ಂದತೇಂಗಿ ನಂಗ ದೇವಡ ಮಕ್ಕಳ ಪ್ರೀತಿ ಮಾಡ್‌ವಾಂದ್ ಗೊತ್ತಾಪ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

2 ಯೋಹಾನ 1:6

ನಂಗ ಅಂವೊಂಡ ಆಜ್ಞೆಕ್ ಬಗ್ಗಿತ್ ನಡ್‍ಪದೇ ಪ್ರೀತಿ. ನಿಂಗ ಆದಿಯಿಂಜಲೆ ಕ್‍ೕಟನೆಕೆ, ಮಾಡ್‍ವಕುಳ್ಳ ಆಜ್ಞೆ ಎಂತ ಎಣ್ಣ್‌ಚೇಂಗಿ ನಿಂಗ ಎಲ್ಲಾರು ಪ್ರೀತಿಲ್ ಬದ್‍ಕಂಡೂಂದ್ ಉಳ್ಳದೇ.

ಪ್ರಕಟನೆ 12:17

ಅಕ್ಕ, ಆ ಘಟಸರ್ಪಕ್ ಆ ಪೊಣ್ಣಾಳ್‍ರ ಮೇಲೆ ಬಾರಿ ಚೆಡಿ ಬಂದಿತ್, ದೇವಡ ಆಜ್ಞೆಕ್ ತಗ್ಗಿತ್ ನಡ್‍ಪಯಿಂಗಳು, ಯೇಸು ಕ್ರಿಸ್ತಂಡ ಸಾಕ್ಷಿ ಉಳ್ಳಯಿಂಗಳು ಆನ ಅವಡ ಸಂತಾನಕಾರಂಗಳಾನ ಬೋರೆಯಿಂಗಡ ಕೂಡೆ ಯುದ್ದ ಮಾಡ್‌ವಕ್ ಪೋಚಿ.

ಪ್ರಕಟನೆ 14:12

ದೇವಡ ಆಜ್ಞೆನ ಪಿಂಞ ಯೇಸುರ ಮೇಲೆ ಉಳ್ಳ ನಂಬಿಕೇನ ಕಾತಂಡ್ ಉಳ್ಳ ದೇವಡ ಮಕ್ಕಡ ಪೊರುಮೆ ಇದ್‍ಲ್ ಗೊತ್ತಾಪಾಂದ್ ಎಣ್ಣ್‌ಚಿ.