1 ಯೋಹಾನ 1:9 - ಕೊಡವ ಬೈಬಲ್

⁹ ನಂಗ ನಂಗಡ ಪಾಪತ್‍ನ ನೇರಾಯಿತ್ ಅಂವೊಂಡ ಪಕ್ಕ ಒತ್ತಂಡತೇಂಗಿ, ದೇವ ಅಂವೊಂಡ ತಕ್ಕ್‌ನ ಮೀರತೆ, ನಂಗಡ ಪಾಪತ್‍ನ ಮನ್ನಿಚಿಟ್ಟಿತ್ ನಂಗಡಲ್ಲಿ ಉಳ್ಳ ಸಕಲ ಕೆಟ್ಟ ಗುಣತ್‍ನ ಶುದ್ದ ಮಾಡ್‌ವಕ್ ಅಂವೊ ನೀತಿವಂತಂವೊನಾಯಿತ್ ಉಂಡ್.

1 ಯೋಹಾನ 1:9 Iomraidhean Croise

ಜ್ಞಾನತ್‌ರ ಪಡಿಮ 28:13

ತಾಂಡ ಪಾಪತ್‌ನ ಮುಚ್ಚ್‌ವಂವೊ ಚಾಯಾಪುಲೆ. ಆಚೇಂಗಿ ತಾಂಡ ಪಾಪತ್‌ನ ಅರಿಕೆ ಮಾಡಿತ್‌ ಅದ್‌ನ ಬುಡುವಂವೊಂಗ್‌ ಕರುಣೆ ಕ್‌ಟ್ಟುವ.

ಮತ್ತಾಯ 3:6

ಅಯಿಂಗ ಅಯಿಂಗಡ ಪಾಪತ್‍ನ ಎಣ್ಣ್‌ಚಿ. ದೀಕ್ಷಾಸ್ನಾನ ತಪ್ಪ ಯೋಹಾನ ಅಯಿಂಗಕ್ ಯೊರ್ದನ್ ಎಣ್ಣುವ ಪೊಳೆಲ್ ದೀಕ್ಷಾಸ್ನಾನ ಕೊಡ್‍ತತ್.

ಮಾರ್ಕ 1:5

ಅಕ್ಕ ದುಂಬ ಜನ ಯೂದಾಯ ಎಣ್ಣುವ ನಾಡಿಂಜ, ಯೆರೂಸಲೇಮ್ಂಜ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಪಕ್ಕ ಪೋಯಿತ್ ಅಯಿಂಗ ಅಯಿಂಗಡ ಪಾಪತ್‍ನ ಎಣ್ಣ್‌ಚಿ. ಯೋಹಾನ ಅಯಿಂಗಕ್ ಯೊರ್ದನ್ ಎಣ್ಣುವ ಪೊಳೆಲ್ ದೀಕ್ಷಾಸ್ನಾನ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:57

ಅದ್ಂಗ್ ಪೇತ್ರ: ಮೂಡಿ, ನಾಕ್ ಅಂವೊನ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 17:25

ನೀತಿವಂತ ಅಪ್ಪನೇ! ಈ ಲೋಕತ್‍ರ ಜನಕ್ ನೀನ್ ದಾರ್‍ೕಂದ್ ಗೊತ್ತ್‌ಲ್ಲೆ, ಆಚೇಂಗಿ ನಾಕ್ ನಿನ್ನ ಗೊತ್ತುಂಡ್; ನೀನ್ ನನ್ನ ಅಯಿಚದ್ ಈಂಗಕೂ ಗೊತ್ತುಂಡ್.

ಅಪೊಸ್ತಲ 19:18

ಇಕ್ಕ ಯೇಸುನ ನಂಬ್‍ನ ದುಂಬ ಜನ, ಅಯಿಂಗ ಮಾಡ್‍ನ ಕೆಟ್ಟ ಕೆಲಸತ್‍ನ ಎಲ್ಲಾಡ ಮಿಂಞತ್ ಒತ್ತಂಡ್ ಅರಿಕೆ ಮಾಡ್‍ಚಿ.

ರೋಮ್ 3:26

ಆಚೇಂಗಿ, ಇಕ್ಕ, ಅನ್ನನೆ ಮಾಡಿತ್, ಅಂವೊಂಡ ನೀತಿನ ಕಾಂಬ್‍ಚಿಟ್ಟಂಡುಂಡ್. ಇನ್ನನೆ ಮಾಡ್‍ನಗುಂಡ್, ದೇವ ಒಬ್ಬನೇ ನೀತಿವಂತಂವೋಂದು, ಯೇಸುನ ನಂಬುವಯಿಂಗಳ ದೇವಡ ಮಿಂಞತ್ ನೀತಿವಂತಯಿಂಗಳಾಯಿತ್ ಮಾಡಿಯಂಡ್ ಉಂಡ್‍ೕಂದು ಗೊತ್ತಾಚಿ.

1 ಕೊರಿಂಥ 1:9

ನಂಗಡ ಒಡೆಯನಾಯಿತುಳ್ಳ ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಪ್ಪಕ್ ನಿಂಗಳ ಕಾಕ್‍ನ ದೇವ ಸತ್ಯವುಳ್ಳಂವೊನಾಯಿತುಂಡ್.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 10:23

ನಂಗಡ ನಂಬಿಕೇನ ಅರಿಕೆ ಮಾಡ್‌ವದ್‍ಲ್ ದೈರ್ಯತ್‍ಲ್ ಸ್ತಿರವಾಯಿತ್ ನಿಕ್ಕಂಡು, ಎನ್ನಂಗೆಣ್ಣ್‌ಚೇಂಗಿ ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೊನಾಯತುಂಡ್.

ಇಬ್ರಿಯ 11:11

ನಂಬಿಕೇರ ಮೂಲಕ, ಸಾರಳ ಸಹ, ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೋಂದ್ ನಂಬಿತ್, ಕುಂಞಿ ಪೆರುವಕುಳ್ಳ ವಯಸ್ ಆಯಿಪೋಯಿತ್ಂಜತೇಂಗಿಯು, ಕೆಲಕರ್ತಿ ಆಪಕುಳ್ಳ ಶಕ್ತಿನ ಪಡ್ಂದಿತ್ ಕುಂಞಿನ ಪೆತ್ತತ್.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

1 ಯೋಹಾನ 1:7

ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.

ಪ್ರಕಟನೆ 15:3

ಅಯಿಂಗ ದೇವಡ ಸೇವಕನಾನ ಮೋಶೇರ ಪಾಟ್ ಪಿಂಞ ಕೊರಿಕುಟ್ಟಿರ ಪಾಟ್‍ನ ಪಾಡಿಯಂಡ್ ಇಂಜತ್. ಸರ್ವ ಶಕ್ತಿವಂತ ದೇವಾದಿ ದೇವನೇ, ನೀಡ ಕ್ರಿಯೆ ಎಲ್ಲಾ ಮಹತ್ವ ದುಂಬ್‍ನದಾಯಿತು, ಆಶ್ಚರ್ಯವಾಯಿತು ಉಂಡ್. ಎಲ್ಲಾ ಜಾತಿಯಡ ರಾಜನೇ, ನೀಡ ಬಟ್ಟೆ ನೀತಿಯಾನದು ಸತ್ಯ ದುಂಬ್‍ನದಾಯಿತು ಉಂಡ್.