1 ಯೋಹಾನ 1:7 - ಕೊಡವ ಬೈಬಲ್

⁷ ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.

1 ಯೋಹಾನ 1:7 Iomraidhean Croise

ಮತ್ತಾಯ 6:12

ನಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್;

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 12:35

ಯೇಸು ಅಯಿಂಗಕ್: ಈ ಬೊಳಿ ಇಂಞು ಚೆನ್ನ ನೇರ ಮಾತ್ರ ನಿಂಗಡ ಕೂಡೆ ಇಪ್ಪ, ಇರ್‌ಟ್‌ಲ್ ಚಿಕ್ಕತನೆಕೆ, ಈ ಬೊಳಿಲ್ ಎಕ್ಕಾಲು ನಿಂಗ ಇರಿ, ಇರ್‌ಟ್‌ಲ್ ಇಪ್ಪಂವೊ ಅಂವೊ ಎಲ್ಲಿಕ್ ಪೋಯಂಡುಂಡ್‍ೕಂದ್ ಅಂವೊಂಗ್ ಗೊತ್ತಾಪುಲೆ.

ಯೋಹಾನ 5:4

ಓರೊಮ್ಮ, ದೇವದೂತ ಒಬ್ಬ ಬಂದಿತ್, ಆ ಗುಂಡಿಲ್ ಇಳಿಂಜಿತ್, ನೀರ್‌ನ ಕಲಕುವ; ಅನ್ನನೆ ನೀರ್ ಕಲ್‌ಂಗ್‍ನ ಪಿಂಞ, ದಾರ್ ಆದ್ಯವಾಯಿತ್ ಇಳಿಯುವ, ಅಯಿಂಗಕ್ ಏದ್ ತರ ಕಾಯಿಲೆ ಇಂಜತೇಂಗಿಯು ಅದ್ ವಾಸಿ ಆಪಕಿಂಜತ್.

ರೋಮ್ 13:12

ಬೈಟ್ ದುಂಬ ಕಳೆಂದ್ ಪೋಚಿ, ಪೋಲ್ ಪಕ್ಕ ಬಾತ್; ಆನಗುಂಡ್ ಇರ್‌ಟ್‌ರ ಕ್ರಿಯೇನ ಬುಟ್ಟಿತ್, ಬೊಳಿರ ಆಯುದತ್‍ನ ಇಡೋನ.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

ಎಫೆಸ 1:7

ಅಂವೊಂಡ ಕೃಪೇರ ಐಶ್ವರ್ಯತ್‍ರಗುಂಡ್, ಅಂವೊಂಡ ಮೋಂವೊಂಡ ಚೋರೆರ ಮೂಲಕ ನಂಗಡ ಪಾಪಕ್ ಮನ್ನಿಪ್ ಕ್‍ಟ್ಟಿತ್, ವಿಮೋಚನ ಕ್‍ಟ್ಟ್‌ಚಿ.

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

1 ತಿಮೊಥೆಯ 6:16

ಚಾವೇ ಇಲ್ಲತ ಒಬ್ಬನಾಯಿತು, ದಾರೂ ಪಕ್ಕತ್‍ಲ್ ಪೋಪಕಯ್ಯತ ಬೊಳಿಲ್ ಇಪ್ಪಂವೊನಾಯಿತು, ದಾರೂ ಕಾಂಬಕ್ ಕಯ್ಯತ ಬೊಳಿಲ್ ಬದ್‍ಕ್‍ವಂವೊನಾಯಿತು, ಏದ್ ಮನುಷ್ಯನು ಇಲ್ಲಿಕತ್ತನೆ ಕಾಂಗತ, ಇಂಞು ಮಿಂಞಕು ಕಾಂಬಕ್ ಕಯ್ಯತಂವೊನಾಯಿತ್ತುಳ್ಳ ಅಂವೊಂಗೇ ಗನ, ನಿತ್ಯ ಶಕ್ತಿ ಎಕ್ಕಾಲು ಇರಡ್. ಆಮೆನ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

ಯಾಕೋಬ 1:17

ಎಲ್ಲಾ ನಲ್ಲದು ಪಿಂಞ ಪೂರ್ತಿಯಾಯಿತುಳ್ಳ ಏದ್ ಇನಾಮು ಬಾನತ್‌ರ ಬೊಳಿನ ಸೃಷ್ಟಿ ಮಾಡ್‌ನ, ಪರಲೋಕತ್‌ಲ್‌ ಉಳ್ಳ ಅಪ್ಪನಾನ ದೇವಡಯಿಂಜ ಇಳಿಂಜಿ ಬಂದಂಡುಂಡ್. ನಳ ಅಪ್ಪರ ಇಪ್ಪರ ಪೋಪನೆಕೆ ಅಂವೊ ಬದ್‍ಲಾಪುಲೆ.

1 ಪೇತ್ರ 1:19

ಆಚೇಂಗಿ, ದಾರ್‌ಕು ಕೊಡ್‍ಪಕ್ ಕಯ್ಯತ ಬೆಲೆಯುಳ್ಳ ಕ್ರಿಸ್ತಂಡ ಚೋರೆರಗುಂಡ್ ದೇವ ನಿಂಗಳ ಬೆಲೇಕ್ ಎಡ್‍ತಂಡದ್ ನಿಂಗಕ್ ಗೊತ್ತುಂಡಲ್ಲ? ಅಂವೊ ಒರ್ ಪವಿತ್ರವಾಯಿತುಳ್ಳ, ಏದ್ ಪಾಳು ಇಲ್ಲತ ಕೊರಿ ಕುಟ್ಟಿರನೆಕೆ ಉಂಡ್.

1 ಯೋಹಾನ 1:3

ಅಪ್ಪಂಡ ಪಿಂಞ ಮೋಂವೊನಾನ ಯೇಸು ಕ್ರಿಸ್ತಂಡಲ್ಲಿ ನಂಗಕ್ ಉಳ್ಳ ಐಕ್ಯತ್‍ಲ್ ನಿಂಗಳು ಕೂಡಂಡೂಂದ್ ನಂಗ ಕಂಡಾನ ಕ್‍ೕಟಾನ ನಿಂಗಕ್ ಎಣ್ಣಿ ತಪ್ಪ.

1 ಯೋಹಾನ 1:5

ದೇವ ಬೊಳಿಯಾಯಿತುಂಡ್. ಅಂವೊಂಡಲ್ಲಿ ಇರ್‌ಟ್‌ಂದ್ ಎಣ್ಣ್‌ವದೇ ಇಲ್ಲೆ; ಇದ್ ನಂಗ ಯೇಸು ಕ್ರಿಸ್ತಯಿಂಜ ಕ್‍ೕಟಗುಂಡ್, ನಿಂಗಕ್ ಅರಿಚಿಟ್ಟಡುಂಡ್.

1 ಯೋಹಾನ 5:6

ಯೇಸು ಕ್ರಿಸ್ತನಾನ ಇಂವೊನೇ ನೀರ್ಂಜಲು ಚೋರೆಯಿಂಜಲು ಬಂದಂವೊ. ನೀರ್ಂಜ ಮಾತ್ರವಲ್ಲ, ನೀರ್ಂಜಲು ಪಿಂಞ ಚೋರೆಯಿಂಜಲು ಬಂದಂವೊ. ಪವಿತ್ರಾತ್ಮನಾನಂವೊನೇ ಇದ್ ಸತ್ಯಾಂದ್ ಸಾಕ್ಷಿ ಕೊಡ್‍ತಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ದೇವಡ ಆತ್ಮ ಸತ್ಯವುಳ್ಳಂವೊ.

1 ಯೋಹಾನ 5:8

ಮೂಂದಾಳು ಒರೇ ತರತ್‍ಲ್ ಸಾಕ್ಷಿ ಕೊಡ್‍ಪ.

2 ಯೋಹಾನ 1:4

ಅಪ್ಪ ನಂಗಕ್ ಆಜ್ಞೆ ತಂದನೆಕೆ, ನೀಡ ಮಕ್ಕಡಲ್ಲಿ ಚೆನ್ನ ಮಕ್ಕ ಸತ್ಯತ್‍ಲ್ ಬದ್‍ಕಿಯಂಡುಂಡ್‍ೕಂದ್ ಗೊತ್ತಾನಗುಂಡ್ ನಾಕ್ ದುಂಬ ಕುಶಿ ಆಚಿ.

3 ಯೋಹಾನ 1:4

ನಾಡ ಮಕ್ಕ ಸತ್ಯತ್‍ಲ್ ನಡ್‍ದಂಡುಂಡ್‍ೕಂದ್ ಕ್‍ೕಪಕಿಂಜ ಬಲ್ಯ ಕುಶಿ ನಾಕ್ ಬೋರೆ ಏದು ಇಲ್ಲೆ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.