1 ಯೋಹಾನ 1:6 - ಕೊಡವ ಬೈಬಲ್

⁶ ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ಚೇಂಗಿಯು, ಇರ್‌ಟ್‌ಲ್ ನಡ್‍ಪಯಿಂಗಳಾಯಿತುಂಡೇಂಗಿ ನಂಗ ಸತ್ಯತ್‍ಲ್ ನಡ್‍ಕತೆ ಪೊಟ್ಟ್ ಪರಿಯುವಂಗಳಾಯಿತುಂಡ್.

1 ಯೋಹಾನ 1:6 Iomraidhean Croise

ಜ್ಞಾನತ್‌ರ ಪಡಿಮ 2:13

ಆಚೇಂಗಿ ದುಷ್ಟಂಗ ಇರ್‌ಟ್‌ರ ಬಟ್ಟೆಲ್‌ ನಡ್‌ಕಂಡೂಂದ್‌ ನೀತಿರ ಬಟ್ಟೆನ ಬುಟ್ಟಿತ್‌ ಪೋಯಂಡುಂಡ್.

ಮತ್ತಾಯ 7:22

ನ್ಯಾಯತೀರ್ಪ್ ದಿವಸತ್‍ಲ್ ದುಂಬ ಜನ ನಾಡ ಪಕ್ಕ ಬಂದಿತ್, ಸ್ವಾಮೀ, ಸ್ವಾಮೀ, ನೀಡ ಪೆದತ್‍ಲ್ ನಂಗ ಪ್ರವಾದನೆ ಮಾಡ್‍ಚಲ್ಲಾ? ನೀಡ ಪೆದತ್‍ಲ್ ನಂಗ ಕೂಳಿ ಪುಡ್‌ಚಯಿಂಗಕ್, ಕೂಳಿನ ಬುಡ್‌ತಿತ್‌ಲ್ಲೆಯಾ? ನೀಡ ಪೆದತ್‍ಲ್ ದುಂಬ ಅದ್ಬುತ ಕಾರ್ಯ ಮಾಡಿತ್‌ಲ್ಲೆಯಾಂದ್ ಎಣ್ಣುವ.

ಯೋಹಾನ 11:10

ದಾರ್ ಒಬ್ಬ ಇರ್‌ಟ್‌ಲ್ ನಡ್‍ಪ, ಅಯಿಂಗಕ್ ಬೊಳಿ ಇಲ್ಲತಗುಂಡ್, ಅಯಿಂಗ ಬೂವಾಂದ್ ಎಣ್ಣ್‌ಚಿ.

ಯೋಹಾನ 12:35

ಯೇಸು ಅಯಿಂಗಕ್: ಈ ಬೊಳಿ ಇಂಞು ಚೆನ್ನ ನೇರ ಮಾತ್ರ ನಿಂಗಡ ಕೂಡೆ ಇಪ್ಪ, ಇರ್‌ಟ್‌ಲ್ ಚಿಕ್ಕತನೆಕೆ, ಈ ಬೊಳಿಲ್ ಎಕ್ಕಾಲು ನಿಂಗ ಇರಿ, ಇರ್‌ಟ್‌ಲ್ ಇಪ್ಪಂವೊ ಅಂವೊ ಎಲ್ಲಿಕ್ ಪೋಯಂಡುಂಡ್‍ೕಂದ್ ಅಂವೊಂಗ್ ಗೊತ್ತಾಪುಲೆ.

ಯೋಹಾನ 12:46

ನಾಡ ಮೇಲೆ ನಂಬಿಕೇಲ್ ಉಳ್ಳಯಿಂಗ ದಾರೂ ಇರ್‌ಟ್‌ಲ್ ಇಕ್ಕತನೆಕೆ, ನಾನ್ ಈ ಲೋಕಕ್ ಬೊಳಿಯಾಯಿತ್ ಬಂದಿಯೆ.

ಯೋಹಾನ 8:12

ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

ಯೋಹಾನ 8:55

ಆಚೇಂಗಿಯು ಅಂವೊನ ನಿಂಗಕ್ ಗೊತ್ತ್‌ಲ್ಲೆ, ನಾಕ್ ಅಂವೊನ ಗೊತ್ತುಂಡ್; ಅಂವೊನ ನಾಕ್ ಗೊತ್ತ್‌ಲ್ಲೇಂದ್ ನಾನ್ ಎಣ್ಣ್‌ಚೇಂಗಿ, ನಾನ್ ನಿಂಗಡನೆಕೆ ಪೊಟ್ಟ್‌ಮಾರಿಯಾಯಿತ್‌ಪ್ಪಿ. ನಾಕ್ ಅಂವೊನ ಗೊತ್ತುಂಡ್, ಅಂವೊಂಡ ತಕ್ಕ್‌ಕ್ ನಾನ್ ಬಗ್ಗಿತ್ ನಡ್‍ಂದಿಯೆ.

1 ತಿಮೊಥೆಯ 4:2

ಈಂಗ, ಕಪಟತನತ್‍ಲ್ ಪೊಟ್ಟ್ ಪರ್ಂದಂಡ್, ತಂಗಡ ಮನಸಾಕ್ಷಿ ತಿತ್ತ್‌ಲ್ ಬೆಂಜಿಪೋನನೆಕೆ,

ಯಾಕೋಬ 2:14

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ದೇವಡ ಮೇಲೆ ನಂಬಿಕೆ ಉಂಡ್‍ೕಂದ್ ಎಣ್ಣ್‌ಚೇಂಗಿಯು, ಆ ನಂಬಿಕೇರ ಪ್ರಕಾರ ಕ್ರಿಯೆ ಇಲ್ಲತೆ ಪೋನಕ ನಿಂಗಕ್ ಎಂತ ಪ್ರಯೋಜನ? ಆ ನಂಬಿಕೆ ನಿನ್ನ ರಕ್ಷಣೆ ಮಾಡ್‌ವಕ್ ಕಯ್ಯುವ?

ಯಾಕೋಬ 2:16

ನಿಂಗಡಲ್ಲಿ ಉಳ್ಳ ಒಬ್ಬ ಅಂವೊನ ನೋಟಿತ್: ನಿಂಗ ಶಾಂತಿಲ್ ಪೋಯಿರಿ, ತಿತ್ತ್ ಕಾಂಜಿತ್ ಕೆಲ ದುಂಬ್‌ಚಿಡೀಂದ್ ಎಣ್ಣಿತ್, ಅಂವೊಂಡ ತಡಿಕ್ ಬೋಂಡಿಯಾನದ್‍ನ ಒಂದು ಕೊಡ್‍ಕತೆ ಪೋನಕ ಪ್ರಯೋಜನ ಎಂತ?

ಯಾಕೋಬ 2:18

ದಾರೇಂಗಿಯು ಒಬ್ಬ: ನೀಕ್ ನಂಬಿಕೆ ಉಂಡ್, ನಾಕ್ ಕ್ರಿಯೆ ಉಂಡ್; ನೀಕ್ ನಂಬಿಕೆ ಉಂಡ್‍ೕಂದ್ ಎಣ್ಣುವಿಯಲ್ಲ ಅದ್‍ನ ನಾಕ್ ಕ್ರಿಯೆ ಇಲ್ಲತೆ ಕಾಟಿತಾ, ನಾನ್ ನಾಡ ನಂಬಿಕೇನ ನಾನ್ ಮಾಡ್‌ವ ಕ್ರಿಯೇಲ್ ಕಾಟಿತಪ್ಪೀಂದ್ ಎಣ್ಣುವಲ್ಲ.

1 ಯೋಹಾನ 1:10

ನಂಗ ಪಾಪ ಮಾಡಿತ್‌ಲ್ಲೇಂದ್ ಎಣ್ಣ್‌ಚೇಂಗಿ ದೇವನ ನಂಗ ಪೊಟ್ಟ್‌ಪರಿಯುಂವೊನಾಯಿತ್ ಮಾಡ್‌ವನೆಕೆ. ಅಂವೊಂಡ ವಾಕ್ಯ ನಂಗಡಲ್ಲಿ ಇಲ್ಲೆ.

1 ಯೋಹಾನ 1:3

ಅಪ್ಪಂಡ ಪಿಂಞ ಮೋಂವೊನಾನ ಯೇಸು ಕ್ರಿಸ್ತಂಡಲ್ಲಿ ನಂಗಕ್ ಉಳ್ಳ ಐಕ್ಯತ್‍ಲ್ ನಿಂಗಳು ಕೂಡಂಡೂಂದ್ ನಂಗ ಕಂಡಾನ ಕ್‍ೕಟಾನ ನಿಂಗಕ್ ಎಣ್ಣಿ ತಪ್ಪ.

1 ಯೋಹಾನ 1:8

ಆಚೇಂಗಿ ನಂಗ ನಂಗಡಲ್ಲಿ ಪಾಪ ಇಲ್ಲೇಂದ್ ಎಣ್ಣ್‌ಚೇಂಗಿ ನಂಗಳ ನಂಗಳೇ ಮೋಸ ಮಾಡ್‌ವನೆಕೆ. ಅಕ್ಕ ಸತ್ಯ ನಂಗಡ ಒಳ್‍ಲ್ ಇಲ್ಲೆ.

1 ಯೋಹಾನ 2:4

ಒಬ್ಬ, ನಾಕ್ ದೇವನ ಗೊತ್ತುಂಡ್‍ೕಂದ್ ಎಣ್ಣ್‌ಚೇಂಗಿಯು, ಅಂವೊಂಡ ಆಜ್ಞೆರ ಪ್ರಕಾರ ನಡ್‍ಕತೆ ಪೋಚೇಂಗಿ, ಅಂವೊ ಪೊಟ್ಟ್ ಪರಿಯುಂವೊನಾಯಿತುಂಡ್, ಅಂವೊಂಡ ಪಕ್ಕ ಸತ್ಯ ಇಲ್ಲೆ.

1 ಯೋಹಾನ 4:20

ದಾರೇಂಗಿ, ನಾನ್ ದೇವನ ಪ್ರೀತಿ ಮಾಡ್‌ವೀಂದ್ ಎಣ್ಣಿತ್ ತಾಂಡ ಅಣ್ಣತಮ್ಮಣಂಗಳ ದ್ವೇಶ ಮಾಡ್‍ಚೇಂಗಿ ಅಂವೊ ಒರ್ ಪೊಟ್ಟ್‌ಮಾರಿ. ನಂಗ ಎಕ್ಕಾಲು ಕಂಡಂಡ್ ಉಳ್ಳ ಅಣ್ಣತಮ್ಮಣಂಗಳ ಪ್ರೀತಿ ಮಾಡತೆ ಪೋನಕ ನಂಗ ಕಾಂಗತ ದೇವನ ಎನ್ನನೆ ಪ್ರೀತಿ ಮಾಡ್‌ವಕ್ ಕಯ್ಯು.