1 ಯೋಹಾನ 1:3 - ಕೊಡವ ಬೈಬಲ್

³ ಅಪ್ಪಂಡ ಪಿಂಞ ಮೋಂವೊನಾನ ಯೇಸು ಕ್ರಿಸ್ತಂಡಲ್ಲಿ ನಂಗಕ್ ಉಳ್ಳ ಐಕ್ಯತ್‍ಲ್ ನಿಂಗಳು ಕೂಡಂಡೂಂದ್ ನಂಗ ಕಂಡಾನ ಕ್‍ೕಟಾನ ನಿಂಗಕ್ ಎಣ್ಣಿ ತಪ್ಪ.

1 ಯೋಹಾನ 1:3 Iomraidhean Croise

ಯೋಹಾನ 17:11

ಇಂಞು ನಾನ್ ಈ ಲೋಕತ್‍ಲ್ ಇಪ್ಪುಲೆ, ಆಚೇಂಗಿ, ಈಂಗ ಲೋಕತ್‍ಲ್ ಇಪ್ಪ; ನಾನ್ ನೀಡ ಪಕ್ಕ ಬಂದಂಡುಂಡ್, ಪವಿತ್ರವಾಯಿತುಳ್ಳ ಅಪ್ಪನೇ, ನಾನು ನೀನು ಬೋರೆ ಬೋರೆಯಾಯಿತ್ ಅಲ್ಲತೆ, ಒಂದಾಯಿತ್ ಉಳ್ಳನೆಕೆ ಈಂಗಳು ಒಂದಾಯಿತ್ ಇಪ್ಪನೆಕೆ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ಲ್ ಅಯಿಂಗಳ ಕಾಪಾಡಂಡು.

ಯೋಹಾನ 17:21

ಅಯಿಂಗೆಲ್ಲಾರು ಒಂದಾಯಿತ್ ಇಪ್ಪನೆಕೆ ನಾನ್ ಪ್ರಾರ್ಥನೆ ಮಾಡ್‌ವಿ. ಅಪ್ಪಾ! ನಾನ್ ನೀಡಲ್ಲಿ ನೀನ್ ನಾಡಲ್ಲಿ ಇಪ್ಪನೆಕೆ ಅಯಿಂಗಳು ನಂಗಡಲ್ಲಿ ಒಂದಾಯಿತ್ ಇಕ್ಕಡ್. ನೀನ್ ನನ್ನ ಲೋಕತ್‍ಲ್ ಅಯಿಚದ್‍ನ ಲೋಕತ್‍ರ ಜನ ನಂಬುವನೆಕೆ ಅಯಿಂಗ ಎಲ್ಲಾರು ಒಂದಾಯಿತ್ ಇಕ್ಕಡ್‍ೕಂದ್ ಬೋಡುವಿ.

ಯೋಹಾನ 17:25

ನೀತಿವಂತ ಅಪ್ಪನೇ! ಈ ಲೋಕತ್‍ರ ಜನಕ್ ನೀನ್ ದಾರ್‍ೕಂದ್ ಗೊತ್ತ್‌ಲ್ಲೆ, ಆಚೇಂಗಿ ನಾಕ್ ನಿನ್ನ ಗೊತ್ತುಂಡ್; ನೀನ್ ನನ್ನ ಅಯಿಚದ್ ಈಂಗಕೂ ಗೊತ್ತುಂಡ್.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ಯೋಹಾನ 19:35

ಇದ್‍ನೆಲ್ಲಾ ಕಂಡ ಒಬ್ಬ ಇದ್ಂಡ ವಿಷಯತ್ ಸಾಕ್ಷಿ ಎಣ್ಣಿಯಂಡುಂಡ್; ಅಂವೊಂಡ ಸಾಕ್ಷಿ ಸತ್ಯ. ನಿಂಗಳು ನಂಬುವಕಾಯಿತ್ ಅಂವೊ ಎಣ್ಣ್‌ವದ್ ಸತ್ಯಾಂದ್ ಅಂವೊಂಗ್ ಗೊತ್ತುಂಡ್.

ಅಪೊಸ್ತಲ 13:32

ನಂಗಡ ಅಜ್ಜಂಗಕ್ ದೇವ ವಾಗ್ದಾನ ಮಾಡ್‍ನ ನಲ್ಲ ಸುದ್ದಿನ ನಂಗ ನಿಂಗಕ್ ಪ್ರಚಾರ ಮಾಡಿಯಂಡುಂಡ್.

ಅಪೊಸ್ತಲ 13:41

ತಿರಸ್ಕಾರ ಮಾಡ್‍ವಯಿಂಗಳೇ, ನೋಟಿ, ಆಶ್ಚರ್ಯ ಪಡಿರಿ, ನಾಶವಾಯಿತ್ ಪೋಯಿರಿ. ನಿಂಗಡ ಕಾಲತ್‍ಲ್ ನಾನ್ ಒರ್ ಕಾರ್ಯತ್‍ನ ಮಾಡ್‌ವಿ; ಆ ಕಾರ್ಯತ್‍ನ ಒಬ್ಬ ನಿಂಗಕ್ ವಿವರಿಚಿಟ್ಟತೇಂಗಿಯು ನಿಂಗ ನಂಬುಲೇಂದ್ ಎಣ್ಣ್‌ವದೇ.

ಅಪೊಸ್ತಲ 2:42

ಈಂಗ ಅಪೊಸ್ತಲಂಗಡ ಬೋದನೆನ ಕ್‍ೕಪಕ್ ಅರ್ಪಿಚಿಟ್ಟಯಿಂಗಳಾಯಿತ್, ಐಕ್ಯತ್‍ಲ್, ಒಟ್ಟಿ ಪೊಳಿಪದ್‍ಲ್, ಪಿಂಞ ಪ್ರಾರ್ಥನೆಲ್, ದೃಡ ಉಳ್ಳಯಿಂಗಳಾಯಿತ್ ಇಂಜತ್.

ಅಪೊಸ್ತಲ 20:27

ನಾನ್ ಒರ್ ವಿಷಯತ್‍ನ ಸಹ ಮುಚ್ಚಿತ್ ಬೆಕ್ಕತೆ ದೇವಡ ಚಿತ್ತತ್‍ನ ಪೂರ್ತಿಯಾಯಿತ್ ನಿಂಗಕ್ ಅರಿಚಿಟ್ಟೆಯೆ.

ಅಪೊಸ್ತಲ 4:20

ನಂಗ ಕಂಡಾನ, ಕ್‍ೕಟಾನ, ಎಣ್ಣತೆ ಇಪ್ಪಕ್ಕಾಗಾಂದ್ ಉತ್ತರ ಕೊಡ್‍ತತ್.

ರೋಮ್ 15:27

ಇನ್ನನೆ ಮಾಡ್‍ವದ್ ನಲ್ಲದ್‍ೕಂದ್ ಅಯಿಂಗ ಗೇನಮಡ್‍ಚಿ; ಇನ್ನನೆ ಮಾಡ್‌ವಕ್ ಅಯಿಂಗಕ್ ಜವಾಬ್ದಾರಿಯು ಉಂಡ್. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯ ಅಲ್ಲತಯಿಂಗ ಯೆಹೂದ್ಯಂಗಡ ಆತ್ಮೀಯ ಆಶೀರ್ವಾದತ್‍ಲ್ ಪಾಲ್‍ದಾರಂಗಳಾಯಿತ್‌ಪ್ಪಕ, ಲೋಕತ್‍ರ ಆಶೀರ್ವಾದತ್‍ಲ್ ಅಯಿಂಗಕ್ ಪಾಲ್ ಮಾಡ್‌ವಕ್ ಜವಾಬ್ದಾರಿ ಉಂಡಲ್ಲ?

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 1:9

ನಂಗಡ ಒಡೆಯನಾಯಿತುಳ್ಳ ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಪ್ಪಕ್ ನಿಂಗಳ ಕಾಕ್‍ನ ದೇವ ಸತ್ಯವುಳ್ಳಂವೊನಾಯಿತುಂಡ್.

1 ಕೊರಿಂಥ 15:1

ಅಕ್ಕ, ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಮಿಂಞಲೇ ಪ್ರಚಾರ ಮಾಡ್‍ನ ದೇವಡ ನಲ್ಲ ಸುದ್ದಿನ ಪುನಃ ನಿಂಗಡ ನೆನಪ್‌ಕ್ ಕೊಂಡ್ ಬಪ್ಪಿ. ಅಕ್ಕ ನಿಂಗಕ್ ಕ್‍ಟ್ಟ್‌ನ ಈ ಬೋದನೆಲ್ ಬೊಳ್ಂದಂಡ್, ನಂಬಿಕೇಲ್ ದೃಡವಾಯಿತುಳ್ಳಿರ.

2 ಕೊರಿಂಥ 13:14

ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು, ದೇವಡ ಪ್ರೀತಿಯು, ಪವಿತ್ರಾತ್ಮಂಡ ಐಕ್ಯವು ನಿಂಗ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಫಿಲಿಪ್ಪಿ 2:1

ಕ್ರಿಸ್ತನ ನಂಬಿತ್ ಅಂವೊಂಡ ಕೂಟ್‌ಲ್ ಕೂಡ್‍ನಗುಂಡ್ ನಿಂಗಕ್ ಎಂತೇಂಗಿ ಒತ್ತಾಸೆ ಉಂಡಾ? ಅಂವೊಂಡ ಪ್ರೀತಿಲ್ ನಿಂಗಕ್ ಎಂತೇಂಗಿ ಸುಕ ಉಂಡಾ? ಪವಿತ್ರಾತ್ಮತ್‍ರ ಶಕ್ತಿ ಕ್‍ಟ್ಟಿತ್ ನಿಂಗಕ್ ಎಂತೇಂಗಿ ಐಕ್ಯ ಉಂಡಾ? ನಿಂಗಡ ಮನಸ್ಸ್‌ಲ್ ಎಂತೇಂಗಿ ಕನಿಕರ, ದಯೆ ಉಂಡಾ?

ಫಿಲಿಪ್ಪಿ 3:10

ನಾಡ ಬಲ್ಯ ಆಸೆ ಎಂತ ಎಣ್ಣ್‌ಚೇಂಗಿ ಕ್ರಿಸ್ತನ ಇಂಞು ಚಾಯಿ ನಾಕ್ ಗೊತ್ತಾಂಡು. ಅಂವೊ ಚಾವ್‍ಯಿಂಜ ಜೀವತ್‍ಲ್ ಪುನಃ ಬಪ್ಪಕ್ ಮಾಡ್‍ನ ಆ ಜೀವತ್‍ರ ಶಕ್ತಿನ ನಾನ್ ಎಕ್ಕಾಲು ನಾಡ ಬದ್‍ಕ್‍ಲ್ ಅನುಬವಿಚಿಟ್ಟಿತ್, ಕ್ರಿಸ್ತ, ದೇವಡ ಚಿತ್ತ ಮಾಡ್‌ವಕ್ ಎಚ್ಚಕ್ ನೊಂಬಲತ್‍ನ ಎಡ್‍ತತೋ, ಅದೇ ತರ ನಾನ್ ಸಹ ನೊಂಬಲತ್‍ನ ಎಡ್‌ಕಂಡು, ಅಂವೊ ಕಷ್ಟಪಟ್ಟಿತ್ ಚತ್ತನೆಕೆ ನಾನ್ ಸಹ ಕಷ್ಟಪಟ್ಟಿತ್ ಚಾವಂಡು.

ಕೊಲೊಸ್ಸೆ 1:13

ಪಿಂಞ ಇರ್‌ಟ್‌ರ ಅದಿಕಾರತ್ಂಜ ನಂಗಳ ಬುಡುಗಡೆ ಮಾಡಿತ್, ತಾಂಡ ಪ್ರೀತಿರ ಮೋಂವೊಂಡ ರಾಜ್ಯಕ್ ಕೊಂಡ್ ಬಂದ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

1 ಥೆಸಲೊನೀಕ 1:10

ಇದ್‍ಲ್ಲತೆ, ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಪುನಃ ಎಪ್ಪ್‌ಚಿಟ್ಟಂವೊನು, ಮನುಷ್ಯಂಗಕ್ ದೇವ ತಪ್ಪ ಶಿಕ್ಷೆಯಿಂಜ ನಂಗಳ ಕಾಪಾಡ್‌ವಂವೊನು ಆಯಿತುಳ್ಳ ದೇವಡ ಮೋಂವೊನಾನ ಯೇಸು ಪರಲೋಕತ್ಂಜ ಪುನಃ ಬಪ್ಪಾನ ನೋಟಿಯಂಡ್ ಪಾರಕಾತಂಡ್ ಉಳ್ಳಿರಾಂದ್ ಸಹ ಅಯಿಂಗ ನಂಗಕ್ ಎಣ್ಣಿಯಂಡುಂಡ್.

1 ತಿಮೊಥೆಯ 6:2

ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಎಜಮಾನಂಗ ಇಂಜತೇಂಗಿ, ಅಯಿಂಗಕ್ ನಿಂಗ ಕಮ್ಮಿ ಮರ್ಯಾದೆ ಕೊಡ್‍ಪಕ್ಕಾಗ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗಳು ನಿಂಗಳು ದೇವಡ ಮಿಂಞತ್‍ಲ್ ಅಣ್ಣತಮ್ಮಣಂಗಳಾಯಿತುಳ್ಳಿರ. ಅಡಿಯಾಳನಾನ ನಿಂಗ ನಿಂಗಡ ಎಜಮಾನಂಗ ಇಂಞು ದುಂಬ ಕಷ್ಟಪಟ್ಟಿತ್ ನಯಿಕಂಡು. ಎನ್ನಂಗೆಣ್ಣ್‌ಚೇಂಗಿ ದೇವಡ ಪ್ರೀತಿ ನಿಂಗ ದಂಡಾಳ್‍ಕು ಕ್‍ಟ್ಟಿತುಂಡ್. ತಿಮೊಥೆಯ, ಇದ್‍ನೆಲ್ಲ ಎಲ್ಲಾರ್‌ಕು ಎಣ್ಣಿ ಕೊಡ್‌ತಿತ್ ಅನ್ನನೆ ನಡ್‍ಪಕ್ ಪುರ್‌ಡ್ ಕೊಡ್.

ಇಬ್ರಿಯ 2:12

ನೀಡ ಪೆದತ್‍ನ ನಾಡ ಅಣ್ಣತಮ್ಮಣಂಗಕ್ ಅರಿಚಿಟ್ಟಿತ್, ಸಬೆರ ಮದ್ಯತ್‍ಲ್ ನೀಕ್ ವಂದನೆ ಎಣ್ಣ್‌ವೀಂದು,

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ಪೇತ್ರ 1:16

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಶಕ್ತಿನ ಪಿಂಞ ಅಂವೊ ಪುನಃ ಬಪ್ಪದ್‍ನ ನಂಗ ನಿಂಗಕ್ ಎಣ್ಣುವಕ, ತಂತ್ರವಾನ ಕಥೇನ ಕಂಡ್‍ಪುಡ್‌ಚಿತ್ ನಿಂಗಕ್ ಎಣ್ಣಿತ್‌ಲ್ಲೆ. ಆಚೇಂಗಿ ಅಂವೊಂಡ ಮಹತ್ವತ್‌ನ ನಂಗಳೇ ಕಂಡಿತುಳ್ಳಯಿಂಗಳಾಯಿತ್ ಎಣ್ಣಿಯೆ.

1 ಯೋಹಾನ 1:1

ನಂಗ ನಿಂಗಕ್ ಒಳ್‍ದ್‍ವ ಜೀವತ್‍ರ ತಕ್ಕ್‌ರ ವಿಷಯ ಆದಿಯಿಂಜಲೆ ಬಂದದ್. ಅದ್‍ನ ನಂಗ ನಂಗಡ ಕೆಮಿಲ್ ಕ್‍ೕಟಿತ್ ಕಣ್ಣಾರೆ ಕಂಡಿತುಂಡ್; ಅಕ್ಕು, ನಂಗ ಅದ್‍ನ ನೋಟಿತ್, ನಂಗಡ ಕೈಯಿಂಜ ಮುಟ್ಟಿತುಂಡ್.

1 ಯೋಹಾನ 1:5

ದೇವ ಬೊಳಿಯಾಯಿತುಂಡ್. ಅಂವೊಂಡಲ್ಲಿ ಇರ್‌ಟ್‌ಂದ್ ಎಣ್ಣ್‌ವದೇ ಇಲ್ಲೆ; ಇದ್ ನಂಗ ಯೇಸು ಕ್ರಿಸ್ತಯಿಂಜ ಕ್‍ೕಟಗುಂಡ್, ನಿಂಗಕ್ ಅರಿಚಿಟ್ಟಡುಂಡ್.

1 ಯೋಹಾನ 1:7

ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.