1 ಕೊರಿಂಥ 1:2 - ಕೊಡವ ಬೈಬಲ್

² ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಲ್ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಮಿಂಞಲೇ ದೇವಡ ಮಕ್ಕಳಾಯಿತ್ ಆನಯಿಂಗಕ್ ಪಿಂಞ ಅಯಿಂಗಕು ನಂಗಕು ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್, ಎಲ್ಲಾ ಜಾಗತ್‍ಲ್ ಆರಾದನೆ ಮಾಡ್‌ವ ಜನತ್‍ರಕೂಡೆ, ಪವಿತ್ರವಾಯಿತ್ ಇಪ್ಪಕ್ ಕಾಕ್‍ಚಿಟ್ಟ ನಿಂಗಕ್, ಒಳ್‍ದ್‍ವ ಕಾಗದ ಇದ್.

1 ಕೊರಿಂಥ 1:2 Iomraidhean Croise

ಆದ್ಯತ್‌ರ ಪುಸ್ತಕ 12:8

ಅಲ್ಲಿಂಜ ಅಂವೊ ಪೊರ್‌ಟಿತ್‌ ಬೇತೇಲ್‌ರ ಕ್‍ೕಕ್‌ ದಿಕ್ಕ್‌ಲ್‌ ಉಳ್ಳ ಕುಂದ್ರ ಪಕ್ಕ ಬಂದಿತ್‌ ಗುಡಾರ ಇಟ್ಟತ್. ಅದ್‌ಂಡ ಪಡ್‌ಞಾರ್‌ ದಿಕ್ಕಲ್‌ ಬೇತೇಲು ಕ್‍ೕಕ್‌ ದಿಕ್ಕ್‌ಲ್‌ ಆಯಿ ಎಣ್ಣುವ ಊರು ಇಂಜತ್. ಅಲ್ಲಿ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಯೆಹೋವಂಡ ಪೆದ ಎಣ್ಣಿತ್‌ ಆರಾದನೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 4:26

ಅಲ್ಲಿಂಜ ಸೇತಂಗ್‌ ಸಹ ಒರ್‌ ಕ್‌ಣ್ಣ ಕುಂಞಿ ಪುಟ್ಟ್‌ಚಿ. ಅಂವೊಂಗ್‌ ಎನೋಷಾಂದ್‌ ಪೆದ ಬೆಚ್ಚತ್. ಆ ಕಾಲತ್‌ಲ್‌ ಯೆಹೋವಂಡ ಪೆದ ಎಣ್ಣಿತ್‌ ಆರಾದನೆ ಮಾಡ್‌ವಕ್‌ ಜನ ಸುರ್ ಮಾಡ್‌ಚಿ.

ಅಪೊಸ್ತಲ 10:36

ಎಲ್ಲಾ ಜನಕು ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ದೇವಡ ಕೂಡೆ ಸಮಾದಾನ ಉಂಡ್‍ೕಂದ್ ಉಳ್ಳ ಸುದ್ದಿನ ಇಸ್ರಾಯೇಲ್ ಜನಕ್ ದೇವ ಅರಿಚಿಟ್ಟ ನಲ್ಲ ಸುದ್ದಿ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 15:9

ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ಅಪೊಸ್ತಲ 18:1

ಇದಾನ ಪಿಂಞ ಪೌಲ ಅಥೇನೆ ಪಟ್ಟಣತ್‍ನ ಬುಟ್ಟಿತ್ ಕೊರಿಂಥ ಪಟ್ಟಣಕ್ ಪೋಚಿ.

ಅಪೊಸ್ತಲ 22:16

ಇಕ್ಕ ಎನ್ನಂಗ್ ನೀನ್ ತಡೆ ಮಾಡ್‌ವಿಯ? ಅಂವೊಂಡ ಪೆದತ್‍ನ ನೀನ್ ಕಾಕಿಯಂಡಿಪ್ಪಕಲೇ, ಎದ್ದಿತ್ ದೀಕ್ಷಾಸ್ನಾನ ಮಾಡ್‍ಚಿಟ್ಟಂಡ್, ನೀಡ ಪಾಪತ್‍ನ ಕತ್ತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ಅಪೊಸ್ತಲ 9:13

ಅದ್ಂಗ್ ಅನನೀಯ: ಒಡೆಯನೇ, ಆ ಮನುಷ್ಯ ಯೆರೂಸಲೇಮ್‍ಲ್ ನಿನ್ನ ನಂಬುವ ದೇವಡ ಮಕ್ಕಕ್ ಎಚ್ಚಕೋ ಕೆಟ್ಟದ್‍ನ ಮಾಡಿತುಂಡ್‍ೕಂದ್ ಅಂವೊಂಡ ವಿಷಯತ್ ದುಂಬ ಜನ ಎಣ್ಣ್‌ವಾನ ಕ್‍ೕಟಿಯೆ.

ಅಪೊಸ್ತಲ 9:14

ಪಿಂಞ ಇಲ್ಲಿಯು ನೀಡ ಪೆದತ್‍ಲ್ ಆರಾದನೆ ಮಾಡ್‌ವಯಿಂಗಳ ಬಂದನೆ ಮಾಡ್‌ವ ಅದಿಕಾರತ್‍ನ ಮುಕ್ಯ ಯಾಜಕಯಿಂಜ ಪಡ್ಂದಿತುಂಡ್.

ಅಪೊಸ್ತಲ 9:21

ಕ್‍ೕಟಯಿಂಗ ಎಲ್ಲಾರು ಆಶ್ಚರ್ಯಪಟ್ಟಿತ್: ಯೆರೂಸಲೇಮ್‍ಲ್ ಈ ಪೆದತ್‍ನ ಎಣ್ಣ್‌ವಯಿಂಗಳ ಪಾಳ್ ಮಾಡಿತ್, ಇಲ್ಲಿಯು ಅನ್ನನೆ ಉಳ್ಳ ಜನಳ ಬಂದಿಚಿಟ್ಟಿತ್, ಮುಕ್ಯ ಯಾಜಕಂಗಡ ಪಕ್ಕ ಕಾಕಿಯಂಡ್ ಪೋಪಕಾಯಿತ್ ಬಂದಂವೊ ಇಂವೊ ತಾನೇಂದ್ ಕ್‍ೕಟತ್.

ರೋಮ್ 1:7

ದೇವ ನಿಂಗಳ ಪ್ರೀತಿ ಮಾಡಿತ್, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ಕಾಕ್‍ಚಿ. ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

ರೋಮ್ 10:12

ಯೆಹೂದ್ಯಂಗಾಂದು, ಯೆಹೂದ್ಯ ಅಲ್ಲತಯಿಂಗಾಂದು ವೆತ್ಯಾಸ ಇಲ್ಲೆ, ಎಲ್ಲಾರ್‌ಕು ಒಡೆಯನಾಯಿತ್ ಉಳ್ಳ ಅಂವೊ, ಅಂವೊನ ಆರಾದನೆ ಮಾಡ್‌ವಯಿಂಗಕೆಲ್ಲಾ ದಾರಾಳವಾಯಿತ್ ಆಶೀರ್ವಾದ ಮಾಡ್‌ವಂವೊನಾಯಿತುಂಡ್.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 8:28

ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 10:32

ನಾನ್ ನಾಕ್ ಪ್ರಯೋಜನ ಉಳ್ಳದ್‍ನ ಮಾಡತೆ, ಎಲ್ಲಾಡ ಪ್ರಯೋಜನತ್‍ನ ತ್‍ೕಡಿತ್, ಎನ್ನನೆ ಆಚೇಂಗಿಯು ದುಂಬ ಜನತ್‍ನ ಕುಶಿಪಡುತ್‌ವಕಾಯಿತ್ ನಾನ್ ಮಾಡ್‌ವನೆಕೆ,

1 ಕೊರಿಂಥ 12:27

ಇಕ್ಕ, ನಿಂಗಳೇ ಕ್ರಿಸ್ತಂಡ ತಡಿಯು ಪಿಂಞ ಆ ತಡೀರ ಓರೋರ್ ಬಾಗವು ಆಯಿತುಳ್ಳಿರ.

1 ಕೊರಿಂಥ 8:6

ಆಚೇಂಗಿ, ಎಲ್ಲಾನ ಸೃಷ್ಟಿ ಮಾಡ್‍ನ ಅಪ್ಪನಾನ ದೇವ ಒಬ್ಬನೇ; ನಂಗ ಅಂವೊಂಗಾಯಿತ್ ಬದ್‍ಕಿಯಂಡುಂಡ್. ಯೇಸು ಕ್ರಿಸ್ತ ಎಣ್ಣುವ ಒರೇ ಒರ್ ಒಡೆಯ ನಂಗಕ್ ಉಂಡ್; ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಅಂವೊನಗುಂಡ್ ನಂಗ ಬದ್‍ಕಿಯಂಡುಂಡ್.

2 ಕೊರಿಂಥ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್, ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಕ್ ಪಿಂಞ ಅಖಾಯ ಪ್ರಾಂತ್ಯತ್‍ರ ಎಲ್ಲಾ ಜಾಗತ್‍ಲ್ ಉಳ್ಳ ಯೇಸುನ ನಂಬ್‍ನ ಎಲ್ಲಾ ಜನಕ್ ಒಳ್‍ದ್‍ವ ಕಾಗದ ಇದ್.

2 ಕೊರಿಂಥ 4:5

ನಂಗ ನಂಗಡ ವಿಷಯತ್‍ನ ಬೋದನೆ ಮಾಡಿಯಂಡಿಲ್ಲೆ. ಯೇಸು ಕ್ರಿಸ್ತ ಒಡೆಯಾಂದೂ, ಆಚೇಂಗಿ ನಂಗಳ ಯೇಸುರಗುಂಡ್ ನಿಂಗಡ ಸೇವಕಂಗಾಂದೂ ಪ್ರಚಾರ ಮಾಡಿಯಂಡುಂಡ್.

ಗಲಾತ್ಯ 1:2

ಪಿಂಞ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಉಳ್ಳ ಅಣ್ಣತಮ್ಮಣಂಗ, ಗಲಾತ್ಯ ನಾಡ್‌ಲುಳ್ಳ ಸಬೇಕ್ ಒಳ್‍ದ್‍ವ ಕಾಗದ ಇದ್.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

1 ಥೆಸಲೊನೀಕ 1:1

ಪೌಲನಾನ ನಾನ್, ಸಿಲ್ವಾನ ಪಿಂಞ ತಿಮೊಥೆಯಂಡ ಕೂಡೆ, ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಥೆಸಲೊನೀಕ ಪಟ್ಟಣತ್‍ರ ದೇವಡ ಸಬೇಲ್ ಉಳ್ಳ ಮಕ್ಕಕ್ ಒಳ್‍ದ್‍ವ ಕಾಗದ ಇದ್. ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

1 ಥೆಸಲೊನೀಕ 4:7

ಈ ತರ ಪವಿತ್ರ ಇಲ್ಲತ ಕೆಲಸ ಮಾಡ್‌ವಕ್ ದೇವ ನಂಗಳ ಕಾಕಿತ್‌ಲ್ಲೆ, ದೇವ ನಂಗಳ ಪವಿತ್ರವಾಯಿತ್ ಪಾಪ ಇಲ್ಲತೆ ಬದ್‍ಕಂಡೂಂದ್ ಕಾಕಿತುಂಡ್.

2 ಥೆಸಲೊನೀಕ 1:1

ನಂಗಡ ಅಪ್ಪನಾನ ದೇವಕ್ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಗ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ಲ್ ಉಳ್ಳ ದೇವಡ ಸಬೆರ ಮಕ್ಕಕ್ ಪೌಲನಾನ ನಾನ್, ಸಿಲ್ವಾನ ಪಿಂಞ ತಿಮೊಥೆಯ ಕೂಡಿತ್ ಒಳ್‍ದ್‍ವ ಕಾಗದ ಇದ್.

1 ತಿಮೊಥೆಯ 2:8

ಅದಲ್ಲತೆ, ಎಲ್ಲಾ ಆಣಾಳ್‍ವ ಚೆಡಿ ಇಲ್ಲತೆ, ತರ್ಕ ಇಲ್ಲತೆ, ಪವಿತ್ರವಾನ ಕೈಯಿನ ನೇತಿತ್, ಎಲ್ಲಾ ಜಾಗತ್‍ಲು ಪ್ರಾರ್ಥನೆ ಮಾಡಂಡೂಂದ್ ನಾಕ್ ಆಸೆ ಉಂಡ್.

1 ತಿಮೊಥೆಯ 3:15

ನಾನ್ ಬಪ್ಪದ್ ತಡೆ ಆಚೇಂಗಿ, ಸತ್ಯಕ್ ಕಂಬವಾಯಿತ್, ಅಡಿಪಾಯವಾಯಿತ್, ಜೀವವುಳ್ಳ ದೇವಡ ಸಬೇಯಾಯಿತ್ ಉಳ್ಳ ಆ ದೇವಡ ಮನೆಲ್ ಜನ ಎನ್ನನೆ ನಡ್‍ಕಂಡೂಂದ್ ನೀಕ್ ಗೊತ್ತಾಂಡು;

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

2 ತಿಮೊಥೆಯ 2:19

ಆಚೇಂಗಿಯು ದೇವಡ ವಾಕ್ಯತ್‍ರ ಅಡಿಪಾಯ ಗಟ್ಟಿಯಾಯಿತ್ ನಿಂದಿತುಂಡ್. ಅದ್‍ಲ್: ಒಡೆಯಂಗ್ ಅಂವೊಂಡ ಜನ ದಾರ್‍ೕಂದ್ ಗೊತ್ತುಂಡ್‍ೕಂದ್ ಪಿಂಞ ದೇವಡ ಪೆದತ್‍ನ ಎಣ್ಣುವ ಎಲ್ಲಾ ಜನಳು ಕೆಟ್ಟ ಕೆಲಸತ್‍ನ ಬುಟ್ಟಿತ್ ದೂರ ಆಂಡೂಂದ್ ದೇವಡ ವಾಕ್ಯತ್‍ಲ್ ಎಣ್ಣಿತುಂಡ್.

2 ತಿಮೊಥೆಯ 2:22

ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.

ಇಬ್ರಿಯ 10:10

ಯೇಸು ಕ್ರಿಸ್ತಂಡ ತಡಿ ಒರೇ ಕುರಿ ಬಲಿಯಾನಗುಂಡ್, ದೇವಡ ಚಿತ್ತತ್‍ರನೆಕೆ ಅದ್ಂಡ ಮೂಲಕ ನಂಗಳ ಪವಿತ್ರವಾನಯಿಂಗಳಾಯಿತ್ ಮಾಡ್‍ಚಿ.

ಇಬ್ರಿಯ 13:12

ಅನ್ನನೆ ಯೇಸು ಸಹ, ತಾಂಡ ಸ್ವಂತ ಚೋರೆರಗುಂಡ್, ಜನತ್‍ನ ಪವಿತ್ರವಾಯಿತ್ ಮಾಡ್‌ವಕ್, ಊರ್‌ರ ಪಡಿರ ಪೊರಮೆ ಕಷ್ಟಪಟ್ಟತ್.

ಇಬ್ರಿಯ 2:11

ಎನ್ನನೆ ಎಣ್ಣ್‌ಚೇಂಗಿ, ಪವಿತ್ರ ಮಾಡ್‌ವಂವೊನು, ಪವಿತ್ರ ಆಪಯಿಂಗ ಎಲ್ಲಾರ್‌ಕು ಒರೇ ಅಪ್ಪ ಉಂಡ್; ಇದ್‍ನಗುಂಡ್ ಪವಿತ್ರ ಆಪಯಿಂಗಳ ತಾಂಡ ಅಣ್ಣತಮ್ಮಣಂಗಾಂದ್ ಕಾಕುವಕ್ ಯೇಸುಕ್ ಞಾಣ ಆಪುಲೆ.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಪ್ರಕಟನೆ 19:16

ಅಂವೊಂಡ ತೊಡೇರ ಮೇಲೆ ಪಿಂಞ ಬಟ್ಟೇರ ಮೇಲೆ ರಾಜಾದಿ ರಾಜ ದೇವಾದಿ ದೇವಾಂದ್ ಒಳ್‍ದಿತ್ಂಜತ್.