TITO 3:2 - BUKUIT NE TILIIL Sireet ne Dutero Kanon

² amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

Bukuit Ne Tilil

² amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

BUKUIT NE TILIL

² amat komwa kiy ne ya agobo chi age tugul, amat koek bich che bo boriot, ingoek che taloen, koborjin bik tugul mutyonet tugul.

TITO 3:2 Iomraidhean Croise

2 SAMUEL 22:36

Ki igoono long'eetap yetuneng'ung' agine; ak ki koeeta talasyeng'ung'.

TIENWOGIKAL 140:11

Ma kigimiti chiito ne po ng'aleek che yaach eng' emet; cheeng'ei yaityet chiito ne koroom, si koterteer ineendet.

KALEWANAIK 19:19

Nyooru pireet chiito ne tinyei nereeknateet ne oo; amu ngot isaru ineendet, ko kanyooljin tuun isaru kogeny.

KALEWANAIK 25:24

Kaigai kemeny taban eng' koot parak, kosiir kemeny koot ne oo ak kwondo ne poliin.

KALEWANAIK 6:19

paoryat ne ma po iman ne mwaei lembech, ak ineendet ne koolei toiyet eng' kwenutap tupchosyek.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

POISYONIGAP CHE KIYOKTOI 23:5

Kole anyun Paulo, Kama anai, che kitupche, ale ineendet ko tisiindet ne oo: amu ki kisir keele, Amemwa ne ya agobo pounindetap piiguk.

1 KORINTOEK 6:10

anan chooriik, anan kipkeinik, anan kibogitinik, anan che chubisyei, anan rebiik, che nyooru laitornatetap Kamuktaindet.

1 KORINTOEK 9:19

Agot ngo ki atyagat eng' piik tugul, ko ki ayaige aek ne rataat agobo tugul, si kobiit anyoor che siirtoot.

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 12:20

Amu aiywei, ale si ye anyoo, koma nyoorwok eng' oor age tugul ko uu ye ma mache, ak onyoorwo ko uu ye momache; si ma piit eng' oor age tugul, pooryosyek, ng'etkonda, nereegek, suryosyek, ng'ooksosyek, chaamsosyek, menootosyek, polatosyek;

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

GALATYEK 6:1

Che kitupche, agot ngenyoorchi chii lelutyet, ko okweek che otinye Kabuuset ne Tiliil, oweegu chiito ne uu nooto eng' muguleldo ne po mutyonet; ak iriipkei, si ma kiyomin aginye.

GALATYEK 6:10

Nooto anyun, ko uu ye ki tinyei poroindo, ko ongeyachi piik tugul ne myee, ago ne siirei ko icheeget che po kootap kayaneet.

EPESOEK 4:2

eng' kaming'inetapkei tugul ak mutyonet, kobooto muitaet, omuitochinigei eng' chamyet;

EPESOEK 4:31

Ingoistogei eng' okweek ng'wanindo tugul, ak nyitatet, ak nereegek, ak polateet, ak chubisyet, kobooto yaityet tugul:

PILIPIK 4:5

Ingonaak mutyoneng'wong' eng' piik tugul. Kagoriik Kiptaiyat.

1 THESSALONIKEK 2:7

Ago ki kitalaen eng' kwenung'wong', ko uu paindet ne paei lagokyik:

1 TIMOTEO 3:11

Ko uu nooto kobogorisyek, kanyool kotebi eng' teegisto, ma kataamik, che riibegei, che kiyani eng' tuguuk tugul.

1 TIMOTEO 3:3

ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

JAKOBO 3:17

Ago utaatyet ne punu parak ko ne tai ko tiliil, yeityo ko po kaalyeet, ak komuitoi, ak kasei kiy ne kimwachin, ak ko nyiitaat rireenet ak logoek che myach, ama walaksei, ama tinyei chombilet.

JAKOBO 4:11

Amomwaitaegei ng'aleek che yaach okweegei, che kitupche. Ineendet ne mwaitae ng'olyoot ne ya ne tupcho, anan korwookyi tupchennyi, komwaitae ng'olyoot ne ya Ng'atuutyet, ak korwookyin Ng'atuutyet: ago ngot irwookyi Ng'atuutyet, koma ii chiito ne yaei Ng'atuutyet, ago ii ne irwookyin.

1 PETERO 2:1

Oiste anyun yaityet tugul, ak ng'aalseet tugul, ak chombilisyosyek, ak ng'etkonda, ak ng'alaalet age tugul ne ya,

1 PETERO 3:10

Amus, “Ineendet ne chamei saboondo, ak kogeer peetuusyek che myachen, ko ingoriip ng'elyeptanyi si ma mwa yaityo, ak kutinnyi si ma mwa ng'aalseet.

1 PETERO 3:8

Ne po let anyun, ko oegu tugul che po kabwaatet agenge, che rireegei, che chamdos ko uu che tupcho, che ng'arng'ar mugulelwek, che iming'inegei:

1 PETERO 4:4

tuguuk che keerei icheek kole kwong'eet amu morwochini osubi kimargatinooto kobooto icheek, si komwaitaenak yaityo:

2 PETERO 2:10

Ago eng' mageetap murwoonindo ak kosasei pounateet. Che koroomen, che isubi maguutikwak che ma potandos ye chubei che torooreen.

JUDA 1:10

Ago chubei pichu tuguuk alak tugul agot che ma ingen; ak tuguuk che kiguitos icheegei ko uu piteennywa, ko uu tyong'ik che ma tinyei ng'omnateet, king'emei eng' tuguuchuuto.

JUDA 1:8

Imurwoni ak icheek chuuto ko uu nooto poorwek eng' karwotitaosyekwak, ak kosasei kiptainateet, ak kochubei che torooreen.