TAUNET 29:4 - BUKUIT NE TILIIL Sireet ne Dutero Kanon

⁴ ki teebee anyun Jakobo koleenji, “Obunu ano, tupchosyekyuk?” Ak ki leenji, “Ki po Haran.”

Bukuit Ne Tilil

⁴ ki teebee anyun Jakobo koleenji, “Obunu ano, tupchosyekyuk?” Ak ki leenji, “Ki po Haran.”

BUKUIT NE TILIL

⁴ Kiteebe anyun Jakobo kolenji, Obunu ano, tupchosiekyuk? Ak kilenji, Ki bo Haran.

TAUNET 29:4 Iomraidhean Croise

TAUNET 11:31

Ki imut `Tera weeriinnyi Abram, ak Lot weeriitap weeriinnyi Haran, ak Sarai kwondap weeriinnyi Abram. Ki pa tugul emetap Ur ne po Kaldeik, koba agoi emetap Kanaan, ak ye kingo it Haran, komeny olooto.

TAUNET 24:10

Ki kwei anyun otwogindonooto tambeesik taman che po kiptaiyandennyi ak kwo, koibei tuguuk tugul che myachen che po kiptaiyandennyi. Ki ng'eet ak kwo agoi Mesopotamia, agoi nganaseetap Nahor.

TAUNET 27:43

Eng' nooto anyun weeriinnyu, kas ng'olyoondennyu; ng'eet, mwechi kap Laban weeriit ne kitupche ne menyei Haran,

TAUNET 28:10

Ki wo Jakobo anyun eng' Beer-sheba, kotokyigei Haran.

TAUNET 29:3

ak ki kituiyechin yooto akwotisyek tugul che po keechiirek, ak kimildoi mestoweek koita ne ki kigeree keriinget, si konaga peek keechiirek, ak yeityo koweech koita kwo ole kami kogeree keriinget.

POISYONIGAP CHE KIYOKTOI 7:2

Kowol Stepano kole, “Che kitupche ak kwanisyekyok, ogaso! Ki mong'ji Kamuktaindet ne po toroornatet kwandanyo Abraham, ye ki mi Mesopotamia, kotomo komeny Haran.

POISYONIGAP CHE KIYOKTOI 7:4

Komong' anyun eng' emetap Kaldeik ak komeny Haran. Kingo kagome kwandanyi, ko uu `Kamuktaindet ineendet, konyo emoniito omenye rani.