TAUNET 25:8 - BUKUIT NE TILIIL Sireet ne Dutero Kanon

⁸ Ki ilil Abraham ko kagoosit miising', ko poiyot ne kiga konyi peetuusyekyik, ak ki kiyum kobooto piikyik.

Bukuit Ne Tilil

⁸ Ki ilil Abraham ko kagoosit miising', ko poiyot ne kiga konyi peetuusyekyik, ak ki kiyum kobooto piikyik.

BUKUIT NE TILIL

⁸ Kiilil anyun Abraham koga koosit mising’, boiyot ne kiga konyi betusiekyik; ak kigiyum koboto bikyik.

TAUNET 25:8 Iomraidhean Croise

TAUNET 15:15

Ago iwendi inyee eng' kaalyeet ole mi kwanisyeguk, ak ketubin eng' kalilot ne myee.

TAUNET 25:17

Kenyiisyegap Ishmael che ki tar kosabei, ko pogol ak sosom ak tisap. Kingo lil ineendet, ko ki kigonor kobooto piikyik.

TAUNET 25:7

Kenyiisyek che ki tar Abraham kosabei, ko pogol ak tamanwogik tisap ak muut.

TAUNET 35:18

Ye kingo machei kome Rael, koguuree lakwanooto kainennyi Ben-Oni, ago kiguure `kwandanyi lakwanooto Benjamin.

TAUNET 37:35

Ki ng'eetyo weeriikyik tugul ak tiibiikyik tugul kole kogaigai ineendet, ago kiesyo ineendet kigaigai, ak ki le, “Eng' nooto anyun, ariirchini weeriinnyu agoi ait ye mi che ki kobek.” Ki riirchi anyun kwandanyi ineendet.

TAUNET 49:29

Kingo pata anyun, kong'at icheek koleenji, “Neegit kiyuma awo ole mi piikyuk. Otuba kobooto kwanisyekyuk eng' kebeneet ne miitei mbareetap Epron Hitindet,

TAUNET 49:33

Ye kingo kagogees Jakobo ng'atuutik che king'ate weeriikyik, kogetita keelyekyik koba itook, ki ilil anyun ak ki kiyum kobooto piikyik.

TAUNET 50:13

Kisut poortannyi weeriikyik kwo emetap Kanaan, ak kitupchi kebeneet ne mi mbareetap Makpela, ne ki al Abraham kobooto mbareet eng' Epron Hitindet ne tokyingei Mamre, kobunji ineendet, si koek ye mi kereeriisyek.

1 ATEPTAP PEETUUSYEK 23:1

Ye kiga koosit Daudi ak kiga kochang'a peetuusyekyik, ko ki yai Solomon weeriinnyi koek laitoryat koboi Israel.

1 ATEPTAP PEETUUSYEK 29:28

Ki ilil, ko kagoyam peetuusyekyik, mogornatosyek ak teegisto. Ki laitoran Solomon weeriinnyi kogeer ineendet.

2 ATEPTAP PEETUUSYEK 24:15

Ago ki oosit Jehoiada ko uu ye kiga kochang'a peetuusyekyik, ak ki ilil; kiga kotar ineendet kenyiisyek pogol ak sosom ye kingo meei.

Kitabuutap JOB 41:32

Leelitu ole kabunei. Meen chiito kaek rireet kalwalek.

Kitabuutap JOB 42:17

Ki ilil anyun Job, kotinyei kenyiisyek che chaang'.

Kitabuutap JOB 5:26

Iwendi kerering'ung' eng' kalilet ko uu peek che ki kiyum kotononso eng' peetuusyegap kesisyet.

KALEWANAIK 20:29

Toroornatetap murenik ko kimnateennywa, ak karaaranindap poisyek kalwalek.

JEREMIA 6:11

Kanyiia anyun nereegek che ng'woneen che po Kamuktaindet ne Toroor; kaang'et araanye. Ak ki leenjo Kamuktaindet ne Toroor, roong'ji nereegechooto lagok che mi ooreet, kobooto tuiyetap murenik; Amu kimuti manong'otyot ak osotyot ne ki koosit kobooto ne neegit koolil.

KAITOSYEK 20:24

“Tuun kiyumi Aron kobooto piikyik; ma itei emet ne ki agoochi piigap Israel amu ki obistoe ng'olyoondennyu eng' peegap Meribah.

KAITOSYEK 27:13

Ak ye kaigeer, kiyumin aginye iwe ole mi piiguk, ko uu ye ki kiyum ng'eetap kamenng'ung' Aron.

POISYONIGAP CHE KIYOKTOI 12:23

Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime.

POISYONIGAP CHE KIYOKTOI 13:36

Amu ye kingo kagoboisyechi Daudi kirwoogutigap Kamuktaindet ne Toroor eng' ibindanyi, konuuch, ak ki kitup kobooto kwanisyekyik, ak kogeer nunet.

POISYONIGAP CHE KIYOKTOI 5:10

Ak ki ibutyi keelyekyik sainooto ak kome. Ye kingo pwa ko anyun murenik konyoor ko kagome, ak kisut kwo saang' ak kotupchi ye neegitee manong'otyondennyi.

POISYONIGAP CHE KIYOKTOI 5:5

Kingo kas Anania ng'aleechu, kobut ak kome. Ak ki nyoonji kaiyweisyet ne oo tugul che ki kas.

NG'ATUTIK 32:50

Si imechi tulweet ole itogosyini ak kiyumin kobooto piiguk, ko uu ye ki mechi Aron ng'eetap kamenng'ung' tulweetap Hor ak ki kiyum kobooto piikyik.

KIRUOGIK 2:10

Ki pek ak icheek tugul che po ibinato ak ki kiyumji kapkwanisyekwak. Ki piit ibinda age eng' let ne ki ma kongen Kamuktaindet ne Toroor, anan ko poisyet ne kiga koyai ineendet agobo Israel.

KIRUOGIK 8:32

Ki ilil Gideon weeriitap Joash, ak ki kitupchi kereritap Joash kwandanyi eng' Ophrah ne po Abiesrik.