TAUNET 21:6 - BUKUIT NE TILIIL Sireet ne Dutero Kanon

⁶ Ki le Sarah, “Kagoono Kamuktaindet aroori; ak age tugul ne kasei ng'olyoondoni kororyei kobooto.”

Bukuit Ne Tilil

⁶ Ki le Sarah, “Kagoono Kamuktaindet aroori; ak age tugul ne kasei ng'olyoondoni kororyei kobooto.”

BUKUIT NE TILIL

⁶ Ak kile Sara, Kagona Kamuktaindet arori; ak age tugul ne kasei ng’olyondoni kororiei kobota.

TAUNET 21:6 Iomraidhean Croise

TAUNET 17:17

Ki ibut kogutuny anyun Abraham, ak korori eng' muguleldanyi ak koteebegei kole, “Tos kisikyi lakwa chii ne tinyei kenyiisyek pogol? Ak tos ta kosich lakwa Sarah agine ne tinyei kenyiisyek tamanwogik sogool?”

TIENWOGIKAL 113:9

Igoochin ne soon koriip koot, ak koek kamet ne paibai ne po lagok. Olasu Kamuktaindet ne Toroor!

TIENWOGIKAL 126:2

Konyi anyun roryot kutusweekyok, ak ki nyi ng'elyebwekyok tyenwogik; komwa anyun pororyosyek kole, kogoyachi Kamuktaindet ne Toroor tuguuk che eecheen.

ISAIAH 49:15

Tos imuuchi kwondo koutye lakweennyi ne chuchuni, kot koma riiree weeriit ne kisichei? Ee, imuuchi chuuto koutye, ago mautyenen.

ISAIAH 49:21

Yeityo imwa eng' muguleldang'ung' ileen, Kisikwa ng'oo chuuto, amu ki kobegunena lagokyuk, ak ami aneege, ak kigeluula, ak aombenoti? Ak ng'oo ne ki igu chuuto? Keero, ki kibagaakta aneege; kimi ano chuuto?

ISAIAH 54:1

Tyen, ee inyee ne ii soon, ne ma ii; tyen, ak iwaach, inyee ne ma inyooru ng'wanindo agobo sigisyet: amu chaang' lagogap ne mi ineegei kosiir lagogap osotyot, mwaei Kamuktaindet ne Toroor.

JEREMIA 20:15

Ingochubok chiito ne ki ipchin logoiywek che myach kwandanyu, koleenjin, Kagesigun weeriit; ne ki ibaibai ineendet kot.

LUKA 1:14

Inyooru poiboiyet ak kagasetapkei; ak poiboitu piik che chaang' eng' sigennyi.

LUKA 1:58

Ak kogas piigap kokwennyi ak piigap ooreennyi kole kagoboorchi Kiptaiyat rireenennyi kwonyooto; ak kiboiboitu tugul.

ROMANIK 12:15

Oboiboitu kobooto che poiboi; oriirye kobooto che riirtos.

HEBRANIK 11:11

Ki sich agot Sara agine kimnateet eng' kayaneet komanach ko kagosiirto kenyiisyekyik, amu kiit kole po iman ineendet ne ki iarorchi ineendet:

1 SAMUEL 1:26

Ak ki mwa kwonyooto kole, “Ee kiptaiyandennyu, ko uu ye isabe, ko aa kwonyo kitononi eng' yu kimi, asaae Kamuktaindet ne Toroor.