TAUNET 2:1 - BUKUIT NE TILIIL Sireet ne Dutero Kanon

¹ Ki kigees anyun yaetap kipsengwet ak ng'wony ak chaang'indonywa tugul.

Bukuit Ne Tilil

¹ Ki kigees anyun yaetap kipsengwet ak ng'wony ak chaang'indonywa tugul.

BUKUIT NE TILIL

¹ Kigiges anyun yaetab kipsengwetisiek ak ng’ony ak chang’indanywa tugul.

TAUNET 2:1 Iomraidhean Croise

TAUNET 1:1

Eng' taunet, ko ki toi Kamuktaindet koyai kipsengwet ak ng'wony.

TAUNET 1:10

Koguure Kamuktaindet emet ne ma mi pei, Ng'wony, ak koguure peek che kagoyumgei, Nyanjosyek. Ki keer anyun Kamuktaindet kole myee.

TAUNET 2:4

Uu ni anyun ole ki kiyaita kipsengwet ak ng'wony eng' peetuunooto, ne ki yai Kamuktaindet ne po Toroornatet kipsengwet ak ng'wony.

2 LAITORINIK 19:15

Ak ki sa Hezekiah eng' taitap Kamuktaindet ne Toroor kole, “Ee Kamuktaindet ne Toroor, Kamuktaindetap Israel, ne tebee kerubisyek, ii Kamuktaindet ne Toroor inyee inyegei, ne po laitornatosyek tugul che po ng'wony. Ki iyai kipsengwet ak ng'wony.

2 ATEPTAP PEETUUSYEK 2:12

Iberuurot Kamuktaindet ne Toroor, Kamuktaindetap Israel, ne ki yai kipsengwet ak ng'wony! Ne Ki kogoochi Laitoryat Daudi weeriit ne ng'oom, ne ki kigoochi kaguiyet ak naet, si kobiit koteekyi koot Kamuktaindet ne Toroor ak koot ne po pounatennyi.

NEEMIA 9:6

Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.

Kitabuutap JOB 12:9

Ng'oo ne ma naei eng' chuuto tugul, kole eutap Kamuktaindet ne Toroor ne ki yai niito?

TIENWOGIKAL 104:2

Inyee ne itugegei lapkeiyet ko uu ngoryeet; iitoi kipsengwet ko uu ngoryeet,

TIENWOGIKAL 146:6

ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;

TIENWOGIKAL 33:6

Ki kiyai kipsengwet eng' ng'olyootap Kamuktaindet ne Toroor, ak chaang'indonywa tugul eng' kabuusetap kutinnyi.

TIENWOGIKAL 33:9

Amu ki mwa, ak ki yaak; ki ng'at, ak ki tonon.

KOMONG'U 20:11

Amu ki yai Kamuktaindet ne Toroor kipsengwet ak ng'wony, nyanjet ak tuguuk tugul che mi oriitinnywa eng' peetuusyek lo ak komuuny eng' peetuutap tisap. Ki iberuur anyun Kamuktaindet ne Toroor peetuutap sabato amu nooto ak kotabaan.

KOMONG'U 31:17

Kaboorunet niito eng' kwenunnyu ak piigap Israel ne po agoi, amu ki yai Kamuktaindet ne Toroor kipsengwet ak ng'wony eng' peetuusyek lo ak eng' peetuut ne po tisap ko ki imuuny kotalbis.

ISAIAH 34:4

Ak kochoot lugeet tugul ne po kipsengwet, ak kemaman kipsengwet ko uu kartasit. Ak kowandagei lugeennywa tugul, ko uu sogoot ne ibuti eng' keetitap sabibuk, ak ko uu sogoot ne ibuti eng' mogoywet.

ISAIAH 42:5

Mwaei ko uu nooto Kamuktaindet, Kamuktaindet ne Toroor, ne ki toi koyai kipsengwet ak koiito; ineendet ne kiito ng'wonyuni, ak che mang'une olooto; ineendet ne igoochin kabuuset piik che menyei ng'wony, ak kogoochi `kabuuset icheek che pendote.

ISAIAH 45:12

Ki ayae ng'wony, ak ki atau ayai chiito kotebee olooto: anee, ee, eunekyuk, che kiito kipsengwet, ak ki ang'at lugosyekwak tugul.

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 48:13

Ee, kilum eunnyu lumeiywotap ng'wony, ak kiito eunnyu ne po tai kipsengwet: ye aguur icheek, kotononso kibagenge.

ISAIAH 55:9

Amu ko uu ye toroor kipsengwet kosiir ng'wony, ko uu nooto torooreen ortinwekyuk kosiir ortinwekwok, ak ko torooreen kabwaatutikyuk kosiir kabwaatutikwok.

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

JEREMIA 10:12

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi.

JEREMIA 10:16

Ma uu chuuto kebebertap Jakobo; amu po tai ineendet eng' tuguuk tugul. Israel ko pororyetap porotennyi: kainennyi ko Kamuktaindet ne Toroor ne po lugoosyek.”

JEREMIA 8:2

Kimaae eng' asiista ak eng' arawet ak eng' taitap tuguuk tugul che po kipsengwet, che kiga kocham, che kiga koot, che kiga kosubot, che kiga kocheeng'at ak che kiga kolas. Ma kiyumi anan ketup, ago egu keturek eng' emet.

SEKARIA 12:1

Nyigiisindap ng'olyootap Kamuktaindet ne Toroor agobo Israel.

LUKA 2:13

Ak ki mi eng' sainooto kobooto malaikaiyandanooto chaang'indap lugosyegap kipsengwet che ki ilasu Kamuktaindet koleen,

POISYONIGAP CHE KIYOKTOI 4:24

Kingo kas icheek komwachi Kamuktaindet eng' kutit ne oo eng' kabwaatet agenge, koleenji, “Ee Kiptaiyat, inyee ne ki iyai kipsengwet ak ng'wony ak araraita, ak tugul che mi olooto,

POISYONIGAP CHE KIYOKTOI 7:42

Ago ki ituktoochi patai Kamuktaindet icheek, ak kogoito icheek koot lugeetap kipsengwet; ko uu ye siraat eng' bukuitap maotik, keele: ‘Tos ki ogoono che kiyagi che kageeny ak tiseiywek eng' kenyiisyek artam eng' surkwen, Ee kootap Israel?

NG'ATUTIK 17:3

ak kwo koot kanamonik kogutung'ji anan asiista anan arawet anan age tugul ne po chaang'indap kipsengwet ne ma ang'at,

NG'ATUTIK 4:19

Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

HEBRANIK 4:3

Amu acheek che ki kiyan keite kamuung'onooto; ko uu ye ki komwa ineendet kole, Ko uu ye ki ayosye eng' nereegekyuk ale, Maitei icheek kamuung'ennyu: agot nganda kiga kogeskei poisyonichooto kobooch ngap kelumda ng'wony.