SEPANIA 2:3 - BUKUIT NE TILIIL Sireet ne Dutero Kanon

³ Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

Bukuit Ne Tilil

³ Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

BUKUIT NE TILIL

³ Ocheng’ Jehovah, okwek tugul che o taloen che o bo ng’ony, che kigoyai kiruogutikyik; ocheng’ imanda, ocheng’ talasiet: abere tun kiunyok eng’ betutab neregekab Jehovah.

SEPANIA 2:3 Iomraidhean Croise

2 SAMUEL 12:22

Ki wol kole, “Ko ngo ta kosabei lakweet, ko koarugutigei ak ariire amu koaleen tamangap koriirena Kamuktaindet ne Toroor, si kosap lakweet?

TIENWOGIKAL 105:4

Ocheeng' Kamuktaindet ne Toroor ak kimnateennyi; ocheeng' togeennyi kotugul.

TIENWOGIKAL 149:4

Amu paibai Kamuktaindet ne Toroor eng' piikyik; igororoni eng' yetunet che iming'inegei.

TIENWOGIKAL 22:26

Amisyei che talaen ak kobiyong'so; ilasu Kamuktaindet ne Toroor che cheeng'ei ineendet. Ingosapcho mugulelwekwok koigeny!

TIENWOGIKAL 31:20

Iung'e icheek ole imi ole ung'aat si ma ityi chaamsetap piik. Iunye icheek eng' ung'oot eng' emait si ma nyoor polateet ne po ng'aleek.

TIENWOGIKAL 45:4

Eng' etunateng'ung' iwendote eng' katerteerisyet, agobo imanit ak iriip imanda. Ak ineetin eung'ung' ne po tai poisyosyek che imuisei.

TIENWOGIKAL 57:1

Rireena, ee Kamuktaindet, rireena; amu mwechinin saboondanyu. Amwechini urwetap kebebaiguk, agoi kosiirto nyalilwogichu.

TIENWOGIKAL 76:9

Ye kingo ng'eet Kamuktaindet korwooch, kosar tugul che talaen che po ng'wony.

TIENWOGIKAL 91:1

Ineendet ne menyei ole ung'aat ne po Ineendet Ne Toroor Miising' Kotebee nooto urwetap Ineendet Ne po Kamuktaet.

KOMONG'U 12:27

Oleenji anyun icheek, ‘Tiseiywot ni ne po paska ne kigonyite Kamuktaindet ne Toroor ne kisiirtoe kooriigap piigap Israel ak kosar eng' Misiri ye kingo parei Misiriik.’ ” Ak ki ing'uruukso piik kolas Kamuktaindet ne Toroor.

KALEWANAIK 18:10

Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

ISAIAH 1:17

oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

JEREMIA 39:18

Amu asaruun iman, ama kibarin eng' rotwetap chok, ago iluule sabeeng'ung' kobunjiin: amu ki imang'wa, mwaei Kamuktaindet ne Toroor.

JEREMIA 45:5

Ko tos, icheeng'jinigei inyee tuguuk che eecheen? Amecheeng': amu, keero, aipchini yaityet piik tugul, mwaei Kamuktaindet ne Toroor: ago agoonin saboondang'ung' koek luuleneng'ung' eng' komoswek tugul ole iwendi.

EZEKIEL 13:5

Ma otogoste obe ole ki kobutok, ama ong'ot kootap Israel, si kobiit kotonon eng' pooryeet eng' peetuutap Kamuktaindet ne Toroor.

HOSEA 10:12

Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

HOSEA 7:10

Ak paoryani menoteetap Israel eng' tainnyi: agot ngo uu nooto koma weekyigei Kamuktaindet ne Toroor Kamuktaindennywa, anan kocheeng' ineendet eng' chuuto tugul.

JONAH 3:9

Ng'oo ne ingen? Imuuch koweek Kamuktaindet ak kowal kabwaatutikyik, ak kometo nereegekyik che koroomen, si koma kibegu.”

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

MATAYO 5:5

Poiboen che talaen, amu tuun punjin ng'wony.

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 THESSALONIKEK 4:10

amu oyae ko uu nooto iman eng' tupchosyek tugul che miitei Makedonia komugul. Ago kiteeiywok, tupchosyechu, keele obaraitu kosiir;

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.