SEKARIA 9:16 - BUKUIT NE TILIIL Sireet ne Dutero Kanon

¹⁶ Eng' peetuunooto, kosaru `Kamuktaindet ne Toroor Kamuktaindennywa icheek, ko uu akweetap keechiiregap piikyik; amu tuun kergeitu ak koik che po chepkulet, iluu icheek miising' eng' emennyi.

Bukuit Ne Tilil

¹⁶ Eng' peetuunooto, kosaru `Kamuktaindet ne Toroor Kamuktaindennywa icheek, ko uu akweetap keechiiregap piikyik; amu tuun kergeitu ak koik che po chepkulet, iluu icheek miising' eng' emennyi.

BUKUIT NE TILIL

¹⁶ Ak kosor Jehovah Kamuktaindenywa ichek eng’ betunoto ko u akwetab kechirekab bikyik: amu tun kergeitu ak koik che bo chepkulet, ne kinamjin barak mising’ eng’ emennyi.

SEKARIA 9:16 Iomraidhean Croise

TIENWOGIKAL 100:3

Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.

KOMONG'U 28:21

Egu koichooto taman ak aeng' ko uu kainaigap piigap Israel. Pendi ko uu kainaikwak ko uu ye kiwaei ng'ookset, tinyei koita age tugul kainennyi ak ko pee ortinwek taman ak aeng'.

KOMONG'U 28:9

“Nam koik aeng' che kiguure soam ak iwachi eng' sireet kainaigap piigap Israel ko uu ortinwekwak;

ISAIAH 40:10

Ogeero, nyoonei Kiptaiyat Kamuktaindet ne Toroor ko uu ineendet ne kiim, ak kobounisyei eunnyi agobo ineendet; mi melektanyi kobooto ineendet, ak mi yaaktaennyi tainnyi.

ISAIAH 54:12

Ak ateege irimoiguk koik che piriireen, ak ayae ormariichoguk koik che kiguure bareqet, ak ayae tabanweguk tugul koik che korooron.

ISAIAH 60:14

Ak kobwonjin weeriigap icheeget che ki inyaliilin kong'uruugonu; ak kogutung'so eng' keldebesaigap keelyeguk icheek tugul che kisasin; ak koguurenen, Nganaseetap Kamuktaindet ne Toroor, Zion ne po Ineendet ne Tiliil ne po Israel.

ISAIAH 60:3

Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

ISAIAH 62:3

Iegu kogeny naaryeetap korooronindo eng' eutap Kamuktaindet ne Toroor, ak iegu naaryeetap laitornatet eng' eutap Kamuktaindeng'ung'.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 31:10

Ogas ng'olyootap Kamuktaindet ne Toroor, ee okweek pororyosyek, ak omwaite niito eng' ngeguusyek che looen, ole, ineendet ne ki iyeesta Israel, koyumi ak koriip, ko uu ye riibei mestowot akweennyi.

JEREMIA 31:11

Amu ki ityaach `Kamuktaindet ne Toroor Jakobo, ak kiweech eng' eutap ineendet ne kiim kosiir ineendet.

EZEKIEL 34:11

Amu mwaei Kiptaiyat Kamuktaindet ne Toroor kole: Ogeero, anee, aneendet ne acheeng'oti keechiirekyuk, ak asuboti icheek.

EZEKIEL 34:12

Ko uu ye cheeng'ei mestowot akweennyi eng' peetuut ne mi kwenutap keechiirekyik che ki kiiyesta, acheeng'e ko uu nooto keechiirekyuk; ak asaru icheek komong' eng' komoswek tugul ole kiga kiyestoochi eng' peetuutap poolik ak tulugenet ne imen.

EZEKIEL 34:31

Ak okweek, keechiirekyuk, che oo keechiiregap akweennyu, ko oo piik, ak aa Kamuktaindeng'wong', mwaei Kiptaiyat Kamuktaindet ne Toroor.

MIKAH 5:4

Ak kotonon kobai akweennyi eng' kimnateetap Kamuktaindet ne Toroor, eng' telunatetap kainetap Kamuktaindet ne Toroor Kamuktaindennyi: ak kotebi; amu eetu kobooch nguno agoi ole poochin ng'wony.

MIKAH 7:14

Iyage piiguk eng' kiroktong'ung', akweetap poroteng'ung', che meng'iisyei icheegei, eng' timiin ne mi kwenutap Karmel: ingoagetyo eng' Bashan ak Gilead, ko uu peetuusyek che po keny.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.

HAGGAI 2:23

‘Eng' peetuunooto, anamin ee Zerubabel otwogindennyu, weeriitap Shealtiel, ak ayain iige ng'ookset, amu ki alewenin,’ ” mwaei Kamuktaindet ne Toroor ne po lugoosyek.

SEKARIA 10:6

Ak agimiit kootap Judah, ak asaru kootap Joseph, ak amutu icheek kogeny, amu ariiree icheek; ak koigei ye ki ma amete icheek: amu aa Kamuktaindet ne Toroor kamuktaindennywa, ak agas icheek.

SEKARIA 8:23

Mwaei Kamuktaindet ne Toroor ne po lugoosyek kole: Tuun namei piik tamanu eng' peetuusyechooto, che punu kutusweek tugul che po pororyosyek, ngoryeetap Yahudyot ak koleenji, ‘Kibendi tugul kobooten, amu kigegas keele mi Kamuktaindet kobootok.’ ”

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

JOHANA 10:27

Kasei kutinnyu keechiirekyuk, ak angen icheek, ak kosuba.