SEKARIA 9:14 - BUKUIT NE TILIIL Sireet ne Dutero Kanon

¹⁴ Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

Bukuit Ne Tilil

¹⁴ Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

BUKUIT NE TILIL

¹⁴ Ak kotook Jehovah eng’ baragunywa, ak kwo ne kipchabennyi ko u kalyelet: ak koguut Kiptaiyat Jehovah iriaget, ak kwo koboto kipchurjurinik che bo murot ne bo tai.

SEKARIA 9:14 Iomraidhean Croise

Kitabuutap JOB 37:9

Punu usoonet ne oo kooriigap murot tai: Kobun kaitityet murot kaataam.

TIENWOGIKAL 18:14

Ki iyookto kipchabonikyik, ak koiyesta; ki ilyelyo kalyelosyek ng'iisyat, ak konyaliil icheek.

TIENWOGIKAL 18:15

Ki took anyun kereruusyegap peek, ak king'ang'agis lumeiywegap ng'wony, ye ki iger kong' inyee, ee Kamuktaindet ne Toroor, eng' cheetap kabuusetap seruneguk.

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 21:1

Maonateet agobo ong'ateet ne po nyanjet. Ko uu ye ibuksei kipchurchuryet ne punu murot tai, kobunu kapookyinindet ko uu nooto surkwen, punu emetap kamuiset.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 31:5

Ko uu ye tirirendos toriitik, ko uu nooto riibei Kamuktaindet ne Toroor ne po lugoosyek Jerusalem; riibei ak kosaru, siirtoi kowendi koriibei.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

HABAKUK 3:11

Kitononso asiista ak arawet eng' meng'ootennywa, eng' lapkeiyetap kipchaboniguk kobendi, eng' kaluunetap ng'oting'ung' ne ilyeli.

HABAKUK 3:14

Ki toore `kiplitokyik kandoindetap piikyik che po lugeet: Ki pwa ko uu kipchurchuryet kole koseera: Ki uu poiboindanywa che amei kibananook eng' ung'oot.

SEKARIA 12:8

Riibei Kamuktaindet ne Toroor eng' peetuunooto piik che menyei Jerusalem; ak koigei ne nyalulat eng' icheek Daudi eng' peetuunooto; ak koigei kootap Daudi Kamuktaindet, ko uu malaikaiyatap Kamuktaindet ne Toroor ne mi tainnywa.

SEKARIA 14:3

Yeityo kwo Kamuktaindet ne Toroor, kwo kobargei ak pororyosyechooto, ko uu ye kiyaei pooryeet eng' peetuutap lugeet.

SEKARIA 2:5

Amu mwaei Kamuktaindet ne Toroor kole, Aegu irimeet ne po maat eng' komoswek tugul, ak aegu toroornatet eng' kwenunnyi.”

MATAYO 24:31

Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

ROMANIK 15:19

eng' kamuget ne po kaboorunoik ak kwang'utik, eng' kamuktaetap Kabuuset ne Tiliil; nooto anyun, kong'etee Jerusalem, ak komoswekyik agoi Iluriko, ko ki aamdaate komyee logoiywek che myach che po Kristo;

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.

JOSHUA 10:42

Ki nam `Joshua laitorinichooto tugul ak emotinwekwak eng' peetuusyechooto, amu ki yai Kamuktaindet ne Toroor, Kamuktaindetap Israel lugeet agobo Israel.

NG'ANG'UTYET 6:2

Ki ageer, ak ki mi paraisiit ne leel. Ki tinyei kwanget ineendet ne kitebee, ak ki kigoochi ineendet kuutweet, ak ki wo eng' katerteeret ak koterteeris.