SEKARIA 11:6 - BUKUIT NE TILIIL Sireet ne Dutero Kanon

⁶ Amu ma ariiree kogeny piik che menyei emoni, mwaei Kamuktaindet ne Toroor. Agoitoi chii tugul kwo eutap chiitap kokwennyi ak agoite kwo eutap laitoryannyi: ak kobar emet, amasaru icheek eng' eunnywa.”

Bukuit Ne Tilil

⁶ Amu ma ariiree kogeny piik che menyei emoni, mwaei Kamuktaindet ne Toroor. Agoitoi chii tugul kwo eutap chiitap kokwennyi ak agoite kwo eutap laitoryannyi: ak kobar emet, amasaru icheek eng' eunnywa.”

BUKUIT NE TILIL

⁶ Amu ma arire kogeny bik che menyei emoni, mwaei Jehovah: ago keero, agoitoi chi tugul kwo eutab chitab kokwennyi, ak agoite kwo eutab laitoriandennyi: ak kobar emet, amasoru ichek eng’ eunywa.

SEKARIA 11:6 Iomraidhean Croise

TIENWOGIKAL 50:22

“Ara anyun obwaat chuuto, okweek che outye Kamuktaindet, si ma tonak, ama piitu chii ne sarwok.

ISAIAH 27:11

Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

ISAIAH 3:5

Ak tuun kiusei piik, usei `age age, ak kous age tugul chiitap kokwennyi. Sasei `lakwa poiyo, ak kosas `chiito ne nyeraat chiito ne konyitot.

JEREMIA 13:14

Ak atue chii age age, kwanisyek ak weeriik, mwaei Kamuktaindet ne Toroor. Ma riiree anan abagaakte anan koriira moo, kot ko magesu icheek.

RIREKAB JEREMIA 2:21

Ruitos ng'wony murenik ak poisyek eng' ortinwek; kagebar pergeinikyuk ak neranikyuk eng' rotwetap chok; Ki ibar icheek eng' peetuutap nereegeguk, ki ibar ama iriiree.

RIREKAB JEREMIA 5:8

Poiywech otwogik; ma mi chii ne sarwech kemang'une eunekwak.

EZEKIEL 8:18

Ayae anyun agane eng' nereegek che ng'woneen: ma rireenen kondanyu, ama riira moo: agot nganda riircho eng' waagaat ne oo, koma kasyini.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

HOSEA 1:6

Ak ki manach kogeny ak kosich chepto. Ak ki leenji `Kamuktaindet ne Toroor ineendet, “Kuuree kainennyi Lo-ruhama amu ma ariiree kootap Israel anan anyochi kaat eng' kiy age tugul.

HOSEA 2:10

Ang'aanye teweernatennyi eng' taitap chamanikyik, ama piitu chii ne saru ineendet eng' eunnyu.

MIKAH 5:8

Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

MIKAH 6:14

Iamisyei, amebiyonyi; ak kotebenen kalilaneng'ung': ak iuu, ago mesaru ne imuti; ak abare rotwetap chok ineendet ne imuti.

HAGGAI 2:22

Agabui ng'echereetap laitornatet ne po pounatosyek, ak ang'eme kimnateetap pounatosyegap pororyosyek. Agabui kariisyek che po lugeet kobooto che laanyei; ak kobutyo paraisisyek kobooto che laanyei, ki parei age tugul eng' rotwetap chok ne po tupchennyi.

SEKARIA 11:14

Yeityo aep apcheune aeng' kiroktonyu age, nooto Ratuutik, si kobiit ang'etii tupchondit ne ting'egei Judah ak Israel.

SEKARIA 11:5

Icheek che alei ko enyei ak koba koma nyoor kergong'yet. Che aldoi komwaei koleen, ‘Iberuurot Kamuktaindet ne Toroor, amu ka aa egu mogoryo’; ak ma riiree mestowekwak icheek.

SEKARIA 11:9

Ki amwa anyun ale, maayagok: ingome ne meei; ak ingebar ne kibarei; ak ingoam age tugul eng' che kang'et panyeegap age.

SEKARIA 14:13

Punu Kamuktaindet ne Toroor eng' peetuunooto wasetapkei ne oo, ne nyoonei kwenunnywa; ak konam age tugul eng' icheek eutap chiitap kokwennyi, ak kobargei ineendet ak chiitap kokwennyi.

SEKARIA 8:10

Amu kingo tomo koit peetuusyechooto ko ki ma konyooru chii melekto, ak ki ma keyaaktoi kiy agobo tyony. Ki ma komi kaalyeet eng' ineendet ne mandoi ak eng' ineendet ne nyoonei amu puunyoot; amu ki agoochi koboryo chii age tugul ak chiitap kokwennyi.

MALAKI 4:6

Weechei `inee mugulelwegap kwanisyek kotokyigei lagokwak, ak koweech mugulelwegap lagok kotokyigei kwanisyekwak; si ma nyo abire ng'wonyuni chubisyet.”

MATAYO 10:21

“Ak kong'wekta chiito ng'eetap kamet kong'wekyi meet, ak kong'wekta kwanda lakweennyi, ak kong'eetyi lagok sigiikwak, ak kogoito kebar.

MATAYO 22:7

Ki nereech anyun laitoryat. Ki iyookto lugosyekyik kobar rumichooto ak kobeel nganasennywa.

MATAYO 24:10

Tuun ibutyin tengek che chaang', tuun ng'wektogei ak kosuryo icheegei eng' icheegei.

JOHANA 19:15

Kobolyo pichooto kole, “Iste ineendet! Iste ineendet! Igartaat ineendet!” Koleenji Pilato anyun icheek, agartaat laitoryandeng'wong'? Kowol tisiik che eecheen, kole, ma kitinye laitorya kobatee Caesarea.

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

JAKOBO 2:13

Amu ma tinyei kirwooget rireenetapkei eng' ineendet ne ma iboor rireenetapkei: itorooregei rireenetapkei kogirindoi kirwooget.