SEKARIA 10:9 - BUKUIT NE TILIIL Sireet ne Dutero Kanon

⁹ Ak agool icheek eng' kwenutap pororyosyek; ak kobwaata komi emotinwek che looen: ak komeng'iis kobooto lagokwak, ak koweigei.

Bukuit Ne Tilil

⁹ Ak agool icheek eng' kwenutap pororyosyek; ak kobwaata komi emotinwek che looen: ak komeng'iis kobooto lagokwak, ak koweigei.

BUKUIT NE TILIL

⁹ Ak agol ichek eng’ kwenutab bororiosiek; ak kobwata komi emotinwek che looen: ak komeng’is koboto lagokwak, ak koweeigei.

SEKARIA 10:9 Iomraidhean Croise

NEEMIA 1:9

ago ngot oweekyage, oriip ng'atuutikyuk ak oyai, ko agot ngo ki kiyestochok tabandap kipsengwet, ayumi kobwa eng' olooto ak amutu kobwa ole ki alewen ande kainennyu kotebee.’

ISAIAH 44:21

Ibwaat tuguuchuuto, ee Jakobo, ak Israel; amu ii otwogindennyu: ki ayain; ii otwogindennyu: ee Israel, mautyenen.

ISAIAH 64:4

Amu tomo kogas piik kobooch keny, anan koguiyo eng' itiik, anan kogeer eng' konyekwak Kamuktaindet age ne ma inyee, ne yaei poisyet agobo chiito ne igeni ineendet.

ISAIAH 65:23

Ma poisyei puch, ama ichin nyalil, amu icheeget ko iyoteetap che iberuurotin che po Kamuktaindet ne Toroor, kobooto lagokwak.

ISAIAH 65:9

Ak amutu ne ki kiii eng' Jakobo, ak amutu eng' Judah nyabanindetap tuloonookyuk, ak kobunji yooto chechuuk che ki kilewen, ak komenyei yooto otwogikyuk.

JEREMIA 31:27

Ogeero, pwoonei peetuusyek, mwaei Kamuktaindet ne Toroor, che agooljini kootap Israel ak kootap Judah iyoteetap chii ak iyoteetap tyony.

JEREMIA 51:50

Oba okweek, che ki ochilile rotwetap chok, amotonon; obwaat Kamuktaindet ne Toroor omi ole loo, ak obwaat Jerusalem.

EZEKIEL 6:9

Ak kobwaata icheek che chilildos eng' okweek eng' pororyosyek ole tuun kimutyin koek luulenik, ko uu ye ki komea mugulel agobo kugoinatetap mugulelwekwak, che ki koistoenagei, ak agobo konyekwak, che ibotegei ak kanamonikwak: ak wechegei icheegei agobo yaitwogik che ki koyai eng' tuguukwak tugul che kiwechei.

HOSEA 2:23

Ak agoole ineendet eng' emet; ak ariiree ineendet ne ki ma ki riiree; ak aleenji icheek che ki ma ko piikyuk, “Oo piikyuk;” ak kole “Ii Kamuktaindennyu.”

AMOS 9:9

Amu, ogeero, ang'ate, ak aseisei kootap Israel eng' pororyosyek tugul, ko uu ye kiseisei peek eng' kiit ne kiseiseisye, ago ma ibutyin ng'wony paiywat agot ne ming'in.

MIKAH 5:7

Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

POISYONIGAP CHE KIYOKTOI 8:1

Ak ki iyan Saulo agine agobo pareetap Stepano. Ki ng'eet peetuunooto usiisyet ne oo agobo kaniset ne ki mi Jerusalem, ak kiyesta icheek tugul koyom emotinwegap Judea ak Samaria, kobatee che kiyooktoi.

POISYONIGAP CHE KIYOKTOI 8:4

Ki pa anyun icheek che kiga koyesta, koamdaat ng'olyoot.

ROMANIK 11:24

Amu ngo kigetilin eng' mseituni ne po timiin eng' piteennyi, ak ki kinamnyenen mseituni ne myee ne ki ma ko po timiin eng' piteennyi: ko siirei anyun ne tya kinamnye mooriik che ki po ye kinye emdinnywa!