ROMANIK 3:9 - BUKUIT NE TILIIL Sireet ne Dutero Kanon

⁹ Nee anyun? Tos ki myachen kesiir icheek? Achicha, agot kitigin: amu kiga kisip kiityi Yahudik ak Yunanik keele mi icheek tugul eng' pounatetap tengekto;

Bukuit Ne Tilil

⁹ Nee anyun? Tos ki myachen kesiir icheek? Achicha, agot kitigin: amu kiga kisip kiityi Yahudik ak Yunanik keele mi icheek tugul eng' pounatetap tengekto;

BUKUIT NE TILIL

⁹ Nee anyun? Tos ki miachen kesiir ichek? Achicha, agot kitigin: amu kiga kisib kiityi Yahudik ak Yunanik kele mi ichek tugul eng’ bounatetab tengekto;

ROMANIK 3:9 Iomraidhean Croise

KALEWANAIK 20:9

Ng'oo ne imuuchi komwa kole, “Kaatiliil muguleldanyu, aa tiliil, ma atinye tengek?”

ISAIAH 65:5

Che mwaei kole, tonon inyegei, ameriikyo, amu aa tiliil asiirin: chuuto ko iyeto eng' serunnyu, maat ne lalei peetuut komugul.

LUKA 7:39

Ak ye kingo keer nooto Pharisaindonooto ne kiguurei ineendet, komwa eng' oriitinnyi, kole, “Nda ka maotyo chiichi, ta kagonai kole ng'oo kobogoryondoni katwa ineendet ak chii ne uu nee, kole kiptengekyot.”

ROMANIK 1:18

Ki keng'aany nereegegap Kamuktaindet kobun kipsengwet agobo pistoet tugul ak yaityet tugul ne po piik, che kirindoi imanit eng' yaityet;

ROMANIK 11:32

Amu ki koratyi Kamuktaindet tugul eng' pistoet, si kobiit koriiree tugul.

ROMANIK 11:7

Nee anyun? Ki ma nyoor Israel nooto ki cheeng'ei; ago kinyoor lewenik, ak ki kiuuiit chuun alak:

ROMANIK 2:1

Nooto anyun, metinye lotania, ee, inyee chii age tugul ne irwoochi: amu nooto irwookyine age, irwookyinegei inyeendet; amu inyee ne irwoochi, iyae aginye tuguuchooto.

ROMANIK 3:1

Tinyei porot nee anyun Yahudyot? Anan nee toreteet ne po kamuratanet?

ROMANIK 3:19

Ak kingen keele tuguuk alak tugul che mwaei Ng'atuutyet, komwachin icheek che miitei eng' pounatetap Ng'atuutyet; si kobiit keger kutit age tugul, ak si ki mutyi ng'wony komugul kirwoogetap Kamuktaindet:

ROMANIK 3:5

Ago ngot kogonyiti atebeennyo ne ma po imanda, imandap Kamuktaindet, kota kemwae nee anyun? Tos ma po imanda Kamuktaindet ne nyoonei eng' nereegek? (Ang'alaali ko uu piik.)

ROMANIK 6:15

Nee anyun, ki yai tengek, amu ma kemi eng' Ng'atuutik, ago eng' myeeindo? Achicha, ma uu nooto.

ROMANIK 7:14

Amu kingen keele po Ng'atuutyet saboondo; ago aa chiitap poorto, ne kigealdochi tengek.

1 KORINTOEK 10:19

Amwae nee anyun? Amwa ale kiy kiit ne kieng'jin kanamonik, anan tos kiy kanamwet?

1 KORINTOEK 14:15

Nee anyun? Asaae eng' Kabuuset ne Tiliil, ak asaae eng' ng'omnateet agine; atyeni eng' Kabuuset ne Tiliil, ak atyeni eng' ng'omnateet agine.

1 KORINTOEK 4:7

Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

GALATYEK 3:10

Amu tugul che mi eng' poisyonigap Ng'atuutyet, komiitei eng' chubeet: amu ki kisir keele, Chuboot chii age tugul ne ma tebyei eng' tuguuk tugul che ki kisir eng' bukuitap Ng'atuutyet, keele koyai chooto.

GALATYEK 3:22

Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

PILIPIK 1:18

Nee anyun? Kobatee kityo eng' ooreet age tugul, ngo eng' keniisyet anan ngo eng' imanit, keamdoi Kristo; ak abaibai eng' nooto, ee, ak ta abaibaitu.