ROMANIK 1:1 - BUKUIT NE TILIIL Sireet ne Dutero Kanon

¹ Paulo, otwogindetap Jeso Kristo, ne ki kiguur koek kayooktoindet, ne ki kitabaanji logoiywek che myach che po Kamuktaindet,

Bukuit Ne Tilil

¹ Paulo, otwogindetap Jeso Kristo, ne ki kiguur koek kayooktoindet, ne ki kitabaanji logoiywek che myach che po Kamuktaindet,

BUKUIT NE TILIL

¹ Paulo, otwogindetab Jesu Kristo, ne kigiguur koek ne kiyoktoi, ne kigitabanji logoiywek che miach che bo Jehovah,

ROMANIK 1:1 Iomraidhean Croise

1 ATEPTAP PEETUUSYEK 23:13

Weeriigap Amram ko ki: Aron ak Musa. Ki kitabaan Aron, ineendet ak weeriikyik koigeny, si kotabaan ineendet tuguuk che tiliileen miising', si kobeelei nyamdutik eng' taitap Kamuktaindet ne Toroor, koboisyechi ineendet ak koberuuris eng' kainennyi koigeny.

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

JEREMIA 1:5

“Ye kitom amimiin eng' moet, ko ki angenin, kotom kesichin, ko ki atabaanin, ki andein iegu maotyot eng' pororyosyek.”

MARIKO 1:14

Kingo kagenam Johana, konyo Jeso Galilaya, koamdooti logoiywek che myach che po Kamuktaindet,

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 15:15

Ma aguurenok otwogik; amu ma naei otwogindet kiit ne yaei kiptaiyandennyi: ago kaaguurenok choronok; amu kaang'ang'wok tuguuk tugul che ki agase Abba.

JOHANA 15:20

Obwaat ng'olyoot ne ki amwaiwok, Ma siirei otwogindet kiptaiyandennyi. Ngot kogiusa anee, kousok ak okweek; ngot ko ki nam ng'olyoondennyu, konamei neng'wong' agine.

POISYONIGAP CHE KIYOKTOI 13:9

Ago ki nyi `Kabuuset ne Tiliil Saulo, ne kiguure Paulo, ak ki ichiilji kong' ineendet

POISYONIGAP CHE KIYOKTOI 20:24

Ago ma iiti saboondanyu ale kiy ne achame kot, si kobiit agees pandanyu, ak poisyet ne ki ataach eng' Kiptaiyat Jeso, abaoryanji logoiywek che myach che po myeeindap Kamuktaindet.

POISYONIGAP CHE KIYOKTOI 21:40

Ye kingo kagochamji, kotonone Paulo lang'eiywot, ak koboorchi piik eng' euut kosiisyo; ak ye kingo kagosiisyo inne, kong'alaalji icheek eng' kutitap Yahudik, kole,

POISYONIGAP CHE KIYOKTOI 22:21

Ak ki leenjo ineendet, ‘Ui, amu ayooktoin iwe ole loo agoi ye mi Pororyosyek.’ ”

POISYONIGAP CHE KIYOKTOI 22:7

Ak ki abutyi ng'wony, ak agas kutit koleenjo, ‘Saulo, Saulo, amu nee si iusa?’

POISYONIGAP CHE KIYOKTOI 26:1

Koleenji anyun Agripa Paulo, Kagichamun iwolu ng'aleeguk. Kochuul anyun Paulo eunnyi, ak komwa ng'aleek che saruunegei, kole:

POISYONIGAP CHE KIYOKTOI 26:14

Ak kingo kagibutyi ng'wony tugul, agas kutit ne leenjino eng' kutitap Yahudik, Saulo, Saulo, amu ne si iusoo? Pichiy eng' inyee ityar kiplitwet.

POISYONIGAP CHE KIYOKTOI 27:23

Amu kotonon malaikaiyatap Kamuktaindet eng' ye neegiteena kemouni, ne aa nenyi, ak ne aoote,

POISYONIGAP CHE KIYOKTOI 9:15

Ago ki leenji Kiptaiyat, “Ui inyee, amu kinnyu ineendet ne aboisyee ne ki alewen, si koip kainennyu taitap Pororyosyek ak laitorinik, ak piigap Israel:

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

ROMANIK 1:9

Amu Kamuktaindet paoryandennyu, ne aoote eng' saboondanyu eng' logoiywek che myach che po Weeriinnyi, ale masise amwa agobo okweek kotugul eng' saautikyuk,

ROMANIK 11:13

Ago ang'alaalwok okweek che oo po Pororyosyek. Ko uu ye aa kayooktoindet ne po Pororyosyek, atoroori poisyennyu:

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 15:29

Ak angen ale, ye Anyoonjok, anyoone eng' nyiietap kaberuretap Kristo.

ROMANIK 16:18

Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.

ROMANIK 16:25

Nguno eng' ineendet ne imuuchi kogimitok ko uu logoiywekyuk che myach ak amdaetap Jeso Kristo, ko uu ng'ang'utyet ne po ung'oot ne ki kagiuny kosiis kobooch peetuusyek che po koigeny,

1 KORINTOEK 1:1

Paulo, ne ki kiguur koek kayooktoindet ne po Kristo Jeso eng' mageetap Kamuktaindet, ak Sosten tupchennyo,

1 KORINTOEK 9:1

Tos ma atyagat? Ma aa kayooktoindet? Tos ki ma ageer Jeso Kiptaiyandennyo? Tos ma oo poisyennyu okweek eng' Kiptaiyat?

2 KORINTOEK 1:1

Paulo, kayooktoindet ne po Kristo Jeso eng' mageetap Kamuktaindet, ak Timoteo tupchennyo, kisirchini kanisetap Kamuktaindet ne miitei Korinto, kobooto che tiliileen tugul che miitei Akaia komugul:

2 KORINTOEK 11:5

Amu aiitige ale ma mi let eng' kiy age tugul eng' che eecheen miising' eng' che kiyooktoi.

2 KORINTOEK 11:7

Anan ki ayai tengek ye kinga ming'inge si kobiit kitoroorok okweek, amu ki aamwok logoiywek che myach che po Kamuktaindet ama melekto?

2 KORINTOEK 12:11

Kaaberberitu: ki obircha; amu kota nyolu oloswa okweek: amu ki ma aa po let eng' kiy age tugul eng' che koiyooktoi che eecheen kosiir, agot ngo ma aa kiy.

2 KORINTOEK 2:12

Ak ye kinga nyo Traos amu logoiywek che myach che po Kristo, ak ye ki ngeyatwa kurgeet eng' Kiptaiyat,

2 KORINTOEK 4:5

Amu ma ki amdoti agobo kei, ago Kristo Jeso ne Kiptaiyat, ak acheeget ko ki otwogikwok amu Jeso.

GALATYEK 1:1

Paulo, kayooktoindet, ama ne po piik, ama kiyok eng' chii, ago eng' Jeso Kristo, ak Kamuktaindet Kwanda, ne ki ing'eet ineendet komong' eng' che ki pek,

EPESOEK 1:1

Paulo, kayooktoindet ne po Kristo Jeso eng' mageetap Kamuktaindet, asirchini piik che tiliileen che mi Epheso, kobooto che po kayaneet eng' Kristo Jeso:

EPESOEK 1:13

Ki ogas ak okweek eng' ineendet ng'olyootap imanit, logoiywek che myach che po yetuneng'wong' - eng' ineendet, ne kingo kaoyan, ko ki king'oochak eng' Kabuuset ne Tiliil ne po arorutyet,

EPESOEK 4:11

Ak ki igoochi alak koek che kiyooktoi: ak alak, maotik; ak alak, che mwaitooti logoiywek che myach; ak alak, mestoweek ak ko kaneetik;

NG'ATUTIK 10:8

Eng' peetuusyechooto, ko ki itabaan Kamuktaindet ne Toroor ooreetap Lawi, koip moingetap arorutyetap Kamuktaindet ne Toroor, kotononso eng' tainnyi, koboisyechi ineendet ak koberuur piik eng' kainennyi agoi ra.

PILIPIK 1:1

Paulo ak Timoteo, otwogigap Kristo Jeso, kisirchini tugul che tiliileen eng' Kristo Jeso che miitei Philippi kobooto riibiigap kaniset ak kiboitiinik:

PILIPIK 2:11

si kong'aany ng'elyepta age tugul kole Jeso Kristo ko Kiptaiyat, agoi toroornatetap Kamuktaindet Kwanda.

KOLOSAIK 1:1

Paulo, kayooktoindet ne po Kristo Jeso eng' mageetap Kamuktaindet, ak Timoteo tupchennyo,

KOLOSAIK 1:25

ak, ki kiyaa agobo nooto aek kiboityot, eng' tononjinetap Kamuktaindet ne ki kigoono amu okweek, si ayai ng'olyootap Kamuktaindet kosulda,

1 THESSALONIKEK 2:2

ago kingo kaginyalilech eng' tai ak kiteweerech eng' Philippi, ko uu ye ongen, ko ki kinyiganitu eng' Kamuktaindet nenyo kemwaiwok logoiywek che myach che po Kamuktaindet eng' pooryeet ne oo.

1 THESSALONIKEK 2:8

ko uu nooto, ki kiting'enok emosto ne po chamyet ne oo, ki kimache miising' keele kegoonok, ma logoiywek che myach che po Kamuktaindet kityo, ago saboonwekyok ak icheek, amu ki oegu che chamaatiin miising' eng' acheek.

1 THESSALONIKEK 2:9

Amu obwaati, tupchosyechu, poisyennyo ne uui ak pichiindo, keboisye kemoi ak peet, si ma kigoochi mileet chii age tugul eng' okweek. Ki kiamwok logoiywek che myach che po Kamuktaindet.

1 TIMOTEO 1:1

Paulo, kayooktoindet ne po Kristo Jeso ko uu ng'atuutyetap Kamuktaindet Yetindennyo, ak Kristo Jeso ne kamang'unennyo;

1 TIMOTEO 2:7

ki kindea anyun agobo nooto aek amdoindet ak kayooktoindet (amwae imanit, ma mwaei lembech), kaneetindetap Pororyosyek eng' kayaneet ak imanit.

2 TIMOTEO 1:11

ki kindea agobo nooto aek amdoindet, ak kayooktoindet, ak kaneetindet.

TITO 1:1

Paulo, otwogindetap Kamuktaindet, ak kayooktoindet ne po Jeso Kristo, ko uu kayaneetap che ki kilewen che po Kamuktaindet, ak naetap imanit ne namegei ak kayweet ne kiywei Kamuktaindet,

HEBRANIK 5:4

Ama mi chii ne igoochingei ineegei teegisi, kobatee ye kaguur `Kamuktaindet ineendet, ko uu Aron.

HEBRANIK 7:26

Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

JAKOBO 1:1

Jakobo, otwogindetap Kamuktaindet ak ko po Kiptaiyat Jeso Kristo, asirchini ortinwek taman ak aeng' che po piik che ki koiyestat, agatok.

1 PETERO 4:17

Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

JUDA 1:1

Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo:

NG'ANG'UTYET 1:1

Ng'ang'utyet ne po Jeso Kristo, ne ki igoochi Kamuktaindet ineendet koboorchi otwogikyik tuguuk che piitu kochogu ne matiny. Ki iyook `ineendet malaikaiyandennyi kole koboorchi kiboityondennyi Johana,

NG'ANG'UTYET 22:6

Ak ki leenjo, “Ng'aleechu ko che kiyani ak ko po iman: ak ki iyook Kiptaiyat, ineendet ne Kamuktaindet ne po kabuusetap maotik, malaikaiyandennyi koboorchi otwogikyik tuguuk che sip kobiitu matiny.”

NG'ANG'UTYET 22:9

Ak koleenjo, “Amat iyai ko uu nooto; amu ki otwogik kobooto tupchosyeguk maotik, ak kobooto icheek che riibei ng'aleegap bukuini. Ilasu Kamuktaindet!”