PILIPIK 4:6 - BUKUIT NE TILIIL Sireet ne Dutero Kanon

⁶ Amogereeri met eng' kiy age tugul; ago eng' kiy age tugul ko eng' saaet ak soomet kobooto kongoi, ingonaak soomutikwok eng' Kamuktaindet.

Bukuit Ne Tilil

⁶ Amogereeri met eng' kiy age tugul; ago eng' kiy age tugul ko eng' saaet ak soomet kobooto kongoi, ingonaak soomutikwok eng' Kamuktaindet.

BUKUIT NE TILIL

⁶ Amogereri met eng’ kiy age tugul; ago eng’ kiy age tugul ko eng’ saet ak somet koboto kongoi, ingonaak somutikwok eng’ Jehovah.

PILIPIK 4:6 Iomraidhean Croise

1 LAITORINIK 8:28

Ago konyit saaetap otwogindeng'ung' ak soomennyi, kas, ee Kamuktaindet ne Toroor, Kamuktaindennyu, riirek ak saaet ne saaei otwogindeng'ung' eng' taing'ung' rani.

2 ATEPTAP PEETUUSYEK 32:20

Ki sa Laitoryat Hezekiah ak maotyot Isaiah weeriitap Amos koriirchi kipsengwet agobo niito.

TIENWOGIKAL 51:15

Yaat kutinnyu, ee Kiptaiyat; ak komwaita kutinnyu kalasuneng'ung'.

TIENWOGIKAL 55:17

Atigeni ak ariire, koskoleny, ak karon, ak peet kween, si kogas ineendet kutinnyu.

TIENWOGIKAL 55:22

Ituuchi Kamuktaindet ne Toroor nyigiisindang'ung', si kotiin; ma koi cham ineendet keisto ne po imanda.

TIENWOGIKAL 62:8

Ee okweek pichu, omang'u ineendet kotugul; oroong'ji mugulelwekwok ineendet, Kamuktaindet ole kemwechini.

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 16:3

Igoochi Kamuktaindet ne Toroor `poisyoniguk kondochi, si kogimegitu kabwaatutiguk.

TYENDO NE SIIREI TUGUL 2:14

Ee cheptugennyu, imi ole kibetak eng' rwandet, eng' ole ung'aat eng' ye kitogostoe. Ingageer togeng'ung', ngagas tuugeeng'ung'; amu anyiny tuugeeng'ung' ak ko karaaran togeng'ung'.

JEREMIA 32:16

Kingo kaagoochi Baruk weeriitap Neriah parweetap kayanjinet ne po alyet, asaa Kamuktaindet ne Toroor aleenji,

JEREMIA 33:3

Kuura, si awolun, ak aboorun tuguuk che eecheen, ak ko uueen, che mengen.

MATAYO 10:19

Ago ye igoitook, ko mogereer met agobo ole ong'alaaldoi anan kiit ne omwae; amu ki koonok eng' sainooto ne omwae.

MATAYO 13:22

Nooto ne ki kilechi ole mi katook, ko ineendet ne kasei ng'olyoot ak kogiich kererwegap met che po ng'wony, ak kaberberisyet ne po mogornateet, si mai.

MATAYO 6:34

Nooto anyun amogereer met agobo mutai, amu kerere met mutaut agobo kei. Yamei peetuut yaityennyi.

MATAYO 6:8

Nooto anyun amoigei icheek; amu ingen Kwandang'wong' tuguuk che omache, kotom osoom.

LUKA 10:41

Ago ki wolji Kiptaiyat koleenji, “Marta, Marta, igereeri met ak iimige agobo tuguuk che chaang':

LUKA 12:22

Ki leenji anyun kasubikyik, Nooto anyun amwaiwok ale, Amogereer met agobo sabeeng'wong', eng' tuguuk che oame; anan agobo poorwekwok, eng' tuguuk che olaachi.

LUKA 12:29

Amocheeng' che oame, anan che oee, amosage.

LUKA 18:1

Ki mwachi anyun kalewenet kole, Kanyool kosa peetuusyek tugul, amat chorirenso;

LUKA 18:7

Tos ma yachin Kamuktaindet imanda che lewenotin, che riirchin ineendet peet ak kemoi, ak muitoi ineendet eng' icheek?

1 KORINTOEK 7:21

Tos ki kiguurin ko ii otwogin? Ko mat iimgei, ago ngimuuchi ityagage, ko myee iboisye.

1 KORINTOEK 7:32

Amu amache ale otyagage eng' kaimutik. Ineendet ne ma itunis kochirchirenjin tuguuk che po Kiptaiyat, ole imuuchi kobaibaita Kiptaiyat:

2 KORINTOEK 1:11

otoretech ak okweek kibagenge eng' soomeng'wong'; si kobiit kogoito kongoi piik che chaang' agobo acheek, amu konunet ne ki kigoonech eng' toretetap che chaang'.

EPESOEK 5:20

ogoitoi kongoi kotugul agobo tuguuk tugul eng' kainetap Kiptaiyandennyo Jeso Kristo, ogoochini Kamuktaindet, ineendet Kwanda;

EPESOEK 6:18

Osaa peetuusyek tugul eng' Kabuuset ne Tiliil kobooto saaet tugul ak kagaigaet, ak oriipsei eng' nooto eng' kagiiletapkei tugul ak kagaigaet, agobo tugul che tiliileen.

KOLOSAIK 3:15

Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

KOLOSAIK 4:2

Ogiiligei kotugul eng' saaet, oriipsei eng' nooto kobooto kongoi;

1 TIMOTEO 2:1

Ne po tai anyun abooru ale ingoyaak soomutik, ak saautik, ak saisaet, ak mwaet ne po kongoi agobo piik tugul;

1 TIMOTEO 5:5

Ak ineendet ne mosoget iman, ne tebyei ineegei, kotinyei kamang'unennyi eng' Kamuktaindet, ak kotepto soomutik ak saautik kemoi ak peet.

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet:

1 PETERO 5:7

otuuchi ineendet kaimutikwok tugul, amu ibwaatok miising'.

1 SAMUEL 1:15

Ago ki wol Hannah kole, “Achicha, kiptaiyandennyu, aa kwony ne iimat kot. Maee divaik anan ko maiyek, ago katyach saboondanyu eng' taitap Kamuktaindet ne Toroor.

1 SAMUEL 30:6

Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.

1 SAMUEL 7:12

Ki nam `Samuel koita konde kwenutap Mispa ak Sen, ak koguuree kainennyi Eben-haezer kole, “Agoi nguno ko ki kotoretech Kamuktaindet ne Toroor.”