PILIPIK 2:13 - BUKUIT NE TILIIL Sireet ne Dutero Kanon

¹³ amu Kamuktaindet ne poisyei eng' okweek si omach, ak oboisyee agine, agobo magennyi ne myee.

Bukuit Ne Tilil

¹³ amu Kamuktaindet ne poisyei eng' okweek si omach, ak oboisyee agine, agobo magennyi ne myee.

BUKUIT NE TILIL

¹³ amu Jehovah ne boisiei eng’ okwek si omach, ak oboisie agine, agobo magennyi ne mie.

PILIPIK 2:13 Iomraidhean Croise

1 LAITORINIK 8:58

Ingoyai mugulelwekyok kotokyigei ineendet, kebendatee ortinwekyik tugul, keriip ng'atuutikyik, etanutikyik ak kirwoogutikyik, che ki ng'at kwanisyekyok.

2 ATEPTAP PEETUUSYEK 30:12

Ki mi kogeny eutap Kamuktaindet Judah si kogoochi icheek muguleldo agenge koyai ng'atuutyetap laitoryat ak pounik eng' ng'olyootap Kamuktaindet ne Toroor.

EZRAH 1:1

Eng' kenyiit ne po tai ne po Cyrus laitoryatap Persia, si kobiit kosulda ng'olyootap Kamuktaindet ne Toroor ne ki mwa eng' kutitap Jeremiah, ko ki ichirchir `Kamuktaindet ne Toroor Cyrus laitoryatap Persia komwaita eng' laitornatennyi tugul ak kosiir kole:

EZRAH 1:5

Ki ng'eetyo anyun che eecheen eng' kandoigap kooriigap kwanisyek che po Judah ak Benjamin ak tisiik, kobooto Lawiik, ak tugul che ki ing'eet Kamuktaindet saboonwekwak kotogosta koba koteech kootap Kamuktaindet ne Toroor ne mi Jerusalem.

EZRAH 7:27

Iberuurot Kamuktaindet ne Toroor, Kamuktaindetap kwanisyekyok, ne ki inde ng'olyoot ne uu ni muguleldap laitoryat, si kochop kogararanit kootap Kamuktaindet ne Toroor ne mi Jerusalem,

NEEMIA 2:4

Komwaiwo anyun laitoryat koleenjo, “Nee ne isoome?” Ki asaa anyun Kamuktaindetap kipsengwet,

Kitabuutap JOB 33:29

Yaei Kamuktaindet tuguuchuuto tugul, yaei konyil aeng' konyil somok koyachin chiito,

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

TIENWOGIKAL 119:36

Tokyi muguleldanyu paornatosyeguk, ametokyi mageet ne ya.

TIENWOGIKAL 141:4

Ametokyi muguleldanyu kiy age tugul ne ya, koyai poisyonigap tengekto kobooto piik che yaei tengekto; amechamwo aam tuguukwak che anyiny.

KALEWANAIK 21:1

Uu ainoosyek muguleldap laitoryat eng' eutap Kamuktaindet ne Toroor; imuti kotokyigei oldo tugul ole machei.

ISAIAH 26:12

Inyee Kamuktaindet ne Toroor ne ing'atwech kaalyeet amu inyee ne ki iyaiywech kogeny poisyonikyok tugul.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 32:38

Ak koek piikyuk, ak aegu Kamuktaindennywa:

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

JOHANA 3:27

Kowol Johana kole, “Ma koi imuuch chii kotaach kiy, ngo ma kigoochi eng' kipsengwet.

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

JOHANA 6:65

Ak ki le, “Nooto kamwaiwok, ale, ma koi imuuch chii konyoonjo kobatee ne igoochin Kwanda.”

POISYONIGAP CHE KIYOKTOI 11:21

Ki mi eutap Kiptaiyat kobooto icheek, ak ki iyan piik che chaang' konam ng'aleegap Kiptaiyat.

ROMANIK 12:3

Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet.

ROMANIK 9:11

amu ye ki tomo kesich lagok, koyai kiy age tugul ne myee anan ne ya, si kobiit kotonon mageetap Kamuktaindet ko uu lewenet, ama po poisyonik, ago po ineendet ne kuursei,

ROMANIK 9:16

Nooto anyun ma po ineendet ne machei, anan ineendet ne labati, ago po Kamuktaindet ne tinyei rireenetapkei.

1 KORINTOEK 12:6

Ak miitei poisyonik che pesyotin, ago agenge Kamuktaindet, ne yaei tuguuk tugul eng' tugul.

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

2 KORINTOEK 3:5

ma keele ki tinyei kiy acheegei ne yamegei ak kiy, kiit kiy age tugul keele punwech acheeget; ago punu Kamuktaindet che yamech;

EPESOEK 1:11

ne kiyaech eng' ineendet keegu porotennyi, ko kasip kolewenech, ko uu mageetap ineendet ne yaei tuguuk tugul ko uu kabwaatetap magennyi;

EPESOEK 1:5

ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,

EPESOEK 1:9

ko kagoboorwech ung'ootyet ne po magennyi, ko uu chamennyi ne myee ne ki chop eng' ineendet

EPESOEK 2:8

amu kigesorwok eng' myeeindo eng' kayaneet; ago ma punwok niito: konunetap Kamuktaindet;

2 THESSALONIKEK 1:11

Nooto anyun kisaiywok kotugul, si kobiit koiitok Kamuktaindet nenyo kole onyolu eng' kuurseng'wong', ak kosulda mageet age tugul ne po myeeindo ak poisyet age tugul ne po kayaneet, eng' kamuktaet;

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

HEBRANIK 13:21

oegu che ochobootiin eng' poisyet age tugul ne myee si oyai magennyi, koyai eng' icheek che chamaksei miising' eng' tainnyi, eng' Jeso Kristo; ne nenyi toroornatet koigeny ak koigeny. Amen.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,