NG'ATUTIK 9:29 - BUKUIT NE TILIIL Sireet ne Dutero Kanon

²⁹ Icheeget ko piiguk ak ko poroteng'ung' che ki imoong'u eng' kimnateng'ung' ne oo, ak eng' eung'ung' ne chuulaat.’

Bukuit Ne Tilil

²⁹ Icheeget ko piiguk ak ko poroteng'ung' che ki imoong'u eng' kimnateng'ung' ne oo, ak eng' eung'ung' ne chuulaat.’

BUKUIT NE TILIL

²⁹ Ago icheget ko biguk ak ko boroteng’ung’, che kiimoong’u eng’ kimnateng’ung’ ne o ak eng’ eung’ung’ ne chuulat.

NG'ATUTIK 9:29 Iomraidhean Croise

1 LAITORINIK 8:15

Ak ki le, “Iberuurot Kamuktaindet ne Toroor, Kamuktaindetap Israel, ne ki ng'alaalji eng' kutinnyi Daudi abba, ak kagosulda eng' eunekyik kole,

1 LAITORINIK 8:51

amu icheek ko piiguk, poroteng'ung', che ki imutu komong' eng' Misiri, eng' kwenutap maatap karnet.

NEEMIA 1:10

Ara anyun chuuto ko otwogiguk ak ko piiguk, che ki ityaach eng' kamuktaeng'ung' ne oo ak eng' eung'ung' ne kiim.

TIENWOGIKAL 100:3

Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.

TIENWOGIKAL 106:40

Ki nereekyi kot anyun `Kamuktaindet ne Toroor piikyik. ak ki wech porotennyi.

TIENWOGIKAL 136:12

eng' euut ne kiim ak eng' euut ne chuulaat, amu tebyei rireenennyi koigeny;

TIENWOGIKAL 28:9

Saru piiguk, ak iberuur poroteng'ung'; pai icheek, ak imutate agoi koigeny.

TIENWOGIKAL 77:15

Ki ityaach piiguk eng' eung'ung', Weeriigap Jakobo ak Joseph.

TIENWOGIKAL 95:7

Amu ineendet Kamuktaindennyo, Ak ki piik che po akweennyi, keechiiregap eunnyi, Ee, kata myee ngo kas okweek kutinnyi rani!

KOMONG'U 19:5

Eng' nooto anyun, ngot ogas iit kutinnyu iman ak oriip kayomisennyu, oegu anyun iman eng' anee chamanikyuk che itabaanatiin eng' piik tugul, amu nenyu ng'wony komugul.

KOMONG'U 33:13

Ara anyun asoomin ale, ngo kaanyooru chameet eng' taing'ung' iman, iboorwo nguno ortinweguk si kobiit anain ak anyooru chameet eng' taing'ung' ak ibwaat inyee ile pororyoni ko piiguk.”

KOMONG'U 34:9

Yeityo komwa kole, “Ngo kaanyooru nguno chameet eng' taing'ung', Ee Kiptaiyat, asaain ale ingocham Kiptaiyat keebe tugul amu uueen kaat pichu. Nyoiywech kaat tengekwogikyok ak chalwogikyok ak inamech keegu poroteng'ung'.”

KOMONG'U 6:6

Ileenji anyun piigap Israel, ‘Aa Kamuktaindet ne Toroor, ak among'wok omang'une otetap Misiriik. Asarwok eng' otwoknateet ne oote icheek ak atyachak eng' euut ne chuulaat ak eng' kwang'utik che eecheen che po kirwooget.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 63:19

Kageige piik che kitom ibou; ko uu icheeget che ma kimwaitae kaineng'ung'.

ISAIAH 64:8

Nganda uu nooto, ee Kamuktaindet ne Toroor, inyee ko ii kwandanyo. Ki meneet ak inyee ko ii mimiindennyo; ki poisyonigap euneguk acheek tugul.

JEREMIA 27:5

Ki ayai ng'wonyuni, chii ak tyony che miitei ng'wony, eng' kamuktaennyu ne oo ak eunnyu ne chuulaat; ak agoochi emoniito ineendet ne ageere ale nyolu agoochi.

NG'ATUTIK 32:9

Amu piikyik kebebertap Kamuktaindet ne Toroor; porotennyi Jakobo.

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

NG'ATUTIK 4:34

Anan kityem Kamuktaindet au komutyigei pororyet eng' pororyet age, eng' tyemuutik, eng' kaboorunoik, eng' kwang'utik, eng' pooryeet ak eng' euut ne kiim ne chuulaat eng' kamuisosyek che eecheen ko uu tugul che kiyaiywok Kamuktaindet ne Toroor Kamuktaindeng'wong' eng' Misiri eng' taitap konyekwok?

NG'ATUTIK 9:12

“Ki leenjo Kamuktaindet ne Toroor, Ng'eet choortegei ak ichakte, amu kagongelelso piiguk che ki imutuu eng' Misiri. Ko matyanit, ko kagomasta eng' ooreet ne ki ang'at ak koyachigei kanamwet ne kitaanyi.”

NG'ATUTIK 9:26

Ki asaa Kamuktaindet ne Toroor aleenji, ‘Ee Kiptaiyat Kamuktaindet ne Toroor, amewong'u piiguk che poroteng'ung', che ki itaach eng' etunateng'ung', che ki imong'u eng' Misiri eng' euut ne kiim.