NG'ATUTIK 7:21 - BUKUIT NE TILIIL Sireet ne Dutero Kanon

²¹ Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

Bukuit Ne Tilil

²¹ Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

BUKUIT NE TILIL

²¹ Amongomuok: amu mi Jehovah Kamuktaindeng’ung’ kwenung’ung’, Kamuktaindet ne o ne bo kamuiset.

NG'ATUTIK 7:21 Iomraidhean Croise

2 ATEPTAP PEETUUSYEK 32:8

Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

NEEMIA 1:5

Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

NEEMIA 4:14

Ak ye ki ageer ole uu, ang'eet ak aleenji piik che taagunotiin, pounik ak piik tugul, “Amoiywei icheek. Obwaat Kamuktaindet ne Toroor ne oo ak ko po kamuiset ak oyai lugeet agobo tupchosyekwok, weeriikwok, tiibiikwok, osotikwok ak kooriikwok.”

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:5

Mi Kamuktaindet kwenutap nganaseet, ama ki istoi; toreti Kamuktaindet yooto ye kaeech.

TIENWOGIKAL 46:6

Kibolyo pororyosyek, ak kiwaskei laitornatosyek; kitwek ineendet ak kichoot ng'wony.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 47:2

Amu po kwong'et Kamuktaindet ne Toroor, Inee Ne Toroor Miising'; Ineendet ko Laitoryat ne oo ne pou ng'wony komugul.

TIENWOGIKAL 68:35

Ee Kamuktaindet, kiywein eng' oldinweguk che tiliileen: Kamuktaindetap Israel, ne igoochin piikyik kimnateet ak kamuktaet. Iberuurot Kamuktaindet.

TIENWOGIKAL 89:8

Ee Kamuktaindet ne Toroor, Kamuktaindet ne po lugoosyek, Ng'oo ne po kamuktaet ko uu inyee, ee Kamuktaindet ne Toroor? Ak yiemin imandang'ung'.

TIENWOGIKAL 95:3

Amu Kamuktaindet ne oo Kamuktaindet ne Toroor, Ineendet laitoryat ne oo ne siirei kamuktaik tugul.

KOMONG'U 29:45

Amenye kwenutap piigap Israel ak aegu Kamuktaindennywa.

KAITOSYEK 13:9

Eng' ooreetap Benjamin, ko ki Palti weeriitap Rapu.

KAITOSYEK 14:14

komwachi piigap emoniito. Ki kogas icheek kole imi inyee Kamuktaindet ne Toroor kwenutap pichu. Amu itaagu inyee Kamuktaindet ne Toroor kimni, tonone poldeng'ung' paragunnywa ak indoe icheek eng' toloitap pooldet peet ak eng' toloitap maat kemoi.

KAITOSYEK 14:42

Amat otogoste amu ma mi Kamuktaindet ne Toroor kobootok, si ma parak koterteerak eng' puunikwok.

KAITOSYEK 14:9

Ago kaigai amongelelji Kamuktaindet ne Toroor anan oiywei piigap emet, amu uu amitwogik icheek eng' acheek. Kigeistoe icheek urwetap toreteet ak mi Kamuktaindet ne Toroor kobootech, amoiywei icheek.”

KAITOSYEK 16:3

Ki iyumgei icheegei si kobiit kotil let Musa ak Aron, ak koleenji icheek, “Otoroorigei kot kotyanit! Tuiyoni komugul ko tiliil, ak chii age tugul ko tiliil, ak mi Kamuktaindet ne Toroor kwenunnywa. Amu nee anyun si otoroorgei osiir tuiyetap Kamuktaindet ne Toroor?”

KAITOSYEK 21:34

Ki leenji `Kamuktaindet ne Toroor Musa, “Meiywei ineendet, amu kaande ineendet eung'ung' kobooto piikyik tugul, ak emennyi. Iyachini ineendet ko uu ye ki iyachi Sihon laitoryatap Amorik ne ki menyei Hesbon.”

KAITOSYEK 23:21

Tomo kogeerchi Jakobo tengekto, ama keerchi Israel kiy ne imaasat. Mi kobooto ineendet Kamuktaindet ne Toroor Kamuktaindennyi, ak mi cheetap laitoryat kwenunnywa.

KAITOSYEK 9:20

Ak ye katebee pooldet koyooto peetuusyek che ng'ering', komeng'iis anyun pichooto ko uu ng'atuutyetap Kamuktaindet ne Toroor ak ki pa ko uu ng'atuutyennyi.

1 KORINTOEK 14:25

ak king'aanyei ung'ootigap muguleldanyi; ak kobutyi ng'wony anyun kong'uruuk kolas Kamuktaindet, komwaei koleen mi Kamuktaindet kwenung'wong' iman.

NG'ATUTIK 1:21

ak kagonde Kamuktaindet ne Toroor Kamuktaindeng'ung' emet taing'ung'. Ara togoste anyun nam kobunjiin ko uu ye kimwaun Kamuktaindet ne Toroor, Kamuktaindetap kwanisyeguk, ameiywei anan iaragen.’ ”

NG'ATUTIK 10:17

Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

NG'ATUTIK 25:8

Yeityo koguur poisyegap nganasennyi chiichooto kong'alaalsechi. Ak ngo tonon kole, ‘Ma chame andi.’

NG'ATUTIK 31:17

Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’

JOSHUA 3:10

Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

JOSHUA 8:1

Ki mwachi `Kamuktaindet ne Toroor Joshua koleenji, “Meiywei anan komein mugulelel, ago imut piik tugul che po lugeet ak ong'eetyee otogoste Ai. Keero, kaande eung'ung' laitoryatap Ai kobooto piikyik, nganasennyi ak emennyi.

1 SAMUEL 4:8

Pwo acheek! Ng'oo ne sarwech eng' kamuktaichu kiimeen? Chu ko kamuktaik cho ki parei Misiriik koboree korotwo alak tugul eng' surkwen.