NG'ATUTIK 4:23 - BUKUIT NE TILIIL Sireet ne Dutero Kanon

²³ Oriipkei anyun si moutye kayomisetap Kamuktaindet ne Toroor Kamuktaindeng'wong', ne ki yai kobootok, oyai kanamwet eng' kergeindap kiy age tugul ne kietenen Kamuktaindet ne Toroor Kamuktaindeng'ung'.

Bukuit Ne Tilil

²³ Oriipkei anyun si moutye kayomisetap Kamuktaindet ne Toroor Kamuktaindeng'wong', ne ki yai kobootok, oyai kanamwet eng' kergeindap kiy age tugul ne kietenen Kamuktaindet ne Toroor Kamuktaindeng'ung'.

BUKUIT NE TILIL

²³ Oripge anyun, si meutie kayomisetab Jehovah Kamuktaindeng’ung’, ne kiyai kobotok, ak oyai kanamwet eng’ kergeindab kiy age tugul ne kietenen Jehovah Kamuktaindeng’ung’.

NG'ATUTIK 4:23 Iomraidhean Croise

2 LAITORINIK 17:38

Amat outye kayomiset ne ki kiyomiske kobootok, anan oiywei kanamonik.

1 ATEPTAP PEETUUSYEK 16:15

Ibwaate kayomisennyi koigeny, ng'olyoot ne king'atyi ibinwek eliphuut.

KOMONG'U 23:13

Riip tuguuk tugul che kaamwaun. Amat imwa kainaigap kamuktaik, amat kegasyi kutinng'ung'.

ISAIAH 24:5

Ki kimurwon ng'wony amu piik che menyei; amu ki kobistoe ng'atuutik, ki kowal kirwoogutik, ki kobut kayomiset ne po koigeny.

JEREMIA 31:22

Iombenoti kot kotyanit, ee inyee chepto ne iweechigei let? Amu ki kotoi Kamuktaindet ne Toroor koyai kiit ne leel eng' ng'wony; yiemei kwondo muren.

EZEKIEL 16:59

Amu mwaei Kiptaiyat Kamuktaindet ne Toroor kole: Ayaun ko uu ye koiyai, ne koisas kayasyoet ibut kayomiset.

EZEKIEL 8:10

Ki awe anyun oriit, ak ageer, ak ogeero, kimi itoondap age tugul ne po tyong'ik che ichuutegei, ak tyong'ik che kiwechei, ak kanamonik tugul che po kootap Israel, che ki kisirchi itoonwekwak tooteet komoswekwak tugul.

MALAKI 4:4

“Obwaat Ng'atuutyetap otwogindennyu Musa ne ki ang'at eng' Horeb, agoochi ng'atuutik ak kirwoogutik agobo Israel komugul.

KAITOSYEK 15:39

Egu anyun sawoiyot eng' okweek ne ogeere ak obwaat ng'atuutik tugul che po Kamuktaindet ne Toroor ak oyai, si mosup kiit ne machei mugulelwekwok ak konyekwok, che ki cham osubi oibegei.

MATAYO 24:4

Kowolji Jeso koleenji, “Oriipkei si ma ibeetook chii.

LUKA 12:15

Ak ki leenji icheek, Ogeer, ak oriipkei eng' kasetap myat tugul: amu ma tebyei saboondap chii eng' chaang'indap tuguuk che tinyei.

LUKA 21:8

Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.

NG'ATUTIK 16:22

Amat iteech toloiwagap kanamonik, amu wechei `Kamuktaindet ne Toroor Kamuktaindeng'ung'.

NG'ATUTIK 27:15

“Chuboot ne yaei kanamwet ne wechei Kamuktaindet ne Toroor nooto ne kiwaei anan kiy ne kitaanyi eng' musoknateet ak kelumda eng' ung'oot.” Ak kowol piik tugul kole, Amen!

NG'ATUTIK 27:9

Yeityo komwachi `Musa ak tisiik che Lawiik Yahudik tugul koleenji, “Siis ep iit, ee Israel, kaoegu rani chiitap Kamuktaindet ne Toroor Kamuktaindeng'ung'.

NG'ATUTIK 29:25

Kole anyun piik, ‘Amu ki pagaakta kayomisetap Kamuktaindet ne Toroor, Kamuktaindetap kwanisyekwak ne ki yai kobooto icheek ye ki imutu komong' eng' emetap Misiri.

NG'ATUTIK 31:20

Amu ye kaamut koit emet ne ki ayosyechi kwanisyekwak, nooto nyiitaat cheego ak komi kumyat eng' chaang'indo ak ye kagoamis kobiyong'so ak koneryo, koweektagei anyun ole mi kanamonik koba koot, kosasa ak kobut kayomisennyu.

NG'ATUTIK 4:25

Ye tuun kaomeng'iisye eng' emet ak osich lagok ak mochogoronik, ak ngo namgei ak oyai kanamwet eng' kergeindap kiy age tugul, ak oyai ne ya eng' taitap Kamuktaindet ne Toroor Kamuktaindeng'ung' otach ineendet,

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

NG'ATUTIK 5:2

Ki yai `Kamuktaindet ne Toroor, Kamuktaindennyo kayomiset kobootech eng' Horeb.

NG'ATUTIK 6:12

iriipkei anyun si meutye Kamuktaindet ne Toroor ne ki imutun imang'une emetap Misiri eng' kootap otwoknateet.

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

JOSHUA 23:11

Oriipkei anyun miising' si ocham Kamuktaindet ne Toroor Kamuktaindeng'wong'.

JOSHUA 23:16

“Ngo ngelelji kayomisetap Kamuktaindet ne Toroor Kamuktaindeng'wong', ne king'ataak ak obe oot kanamonik ak ogutung'ji, kolaldos anyun nereegegap Kamuktaindet ne Toroor agobo okweek ak ochakte obegu, owong'ugei eng' emoni karaaran kigogoonok ineendet.”