NG'ATUTIK 33:27 - BUKUIT NE TILIIL Sireet ne Dutero Kanon

²⁷ Meng'ateng'ung' Kamuktaindet ne po koigeny, ak kanabin eunek che po koigeny. Toortoi puunik eng' taing'ung'. Ineendet ne leen, ‘Ng'em icheeget.’

Bukuit Ne Tilil

²⁷ Meng'ateng'ung' Kamuktaindet ne po koigeny, ak kanabin eunek che po koigeny. Toortoi puunik eng' taing'ung'. Ineendet ne leen, ‘Ng'em icheeget.’

BUKUIT NE TILIL

²⁷ Meng’ateng’ung’ Kamuktaindet ne bo koigeny, Ak kanabin eunek che bo koigeny: Ak toortoi bunik eng’ taing’ung’ Ak kole, Ng’em.

NG'ATUTIK 33:27 Iomraidhean Croise

TAUNET 49:24

Ago tebye kwangennyi eng' kimnateet, ak ki kimegitu eunekyik, eng' eunegap Ineendet ne Kiim ne po Jakobo, eng' kainetap Mestowot, Koita ne po Israel,

TIENWOGIKAL 102:24

Ki ale, “Ee Kamuktaindennyu, amemuta eng' kwenutap peetuusyekyuk. Tebyei kenyisyeguk agoi ibinwek tugul.”

TIENWOGIKAL 139:5

Ki iyiema tai ak let, ak ki igonoora eung'ung'.

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 27:5

Amu ung'ena koonnyi eng' peetuutap nyalilda; ee, ung'ena emainnyi eng' ole ung'aat, ak ko kanapchino rwandet parak.

TIENWOGIKAL 36:7

Karaaran ne tya chamyeng'ung' ne tala, ee Kamuktaindet! Mwechin anyun weeriigap piik urwetap kebebaiguk.

TIENWOGIKAL 46:1

Kamuktaindet ole kemwechini ak kimnateennyo, toretindet ne neegit ye mi nyalilda.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 48:3

Eng' kooriik che eecheen che po nganasanooto ko kigoboorgei Kamuktaindet koek ole kimwechin.

TIENWOGIKAL 55:19

Kamuktaindet, ineendet ne ki laitorani kobooch keny, ko kasei, ak kowolji icheek, piik che ma walaksei, ama konyiti Kamuktaindet.

TIENWOGIKAL 68:34

Ingobunji kimnateet Kamuktaindet: Mi telunatennyi Israel, Ak mi kimnateennyi paragusyek.

TIENWOGIKAL 71:3

Egu eng' anee rwandet ne amenye, ole awendi kotugul: Ki igoonu ng'atuutyet kosarwo; Amu ii rwandennyu, ak ko ii irimennyu.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

TIENWOGIKAL 91:9

Amu inyee Kamuktaindet ne Toroor, ko ii ole amwechini! Ki iyai Ineendet Ne Toroor Miising' koek meng'ooteng'ung';

KOMONG'U 23:28

Ayooktoi kaaraamyet kondoenen kwo koon Hibik, Kanaanik ak Hitik, koba eng' taing'ung'.

KOMONG'U 34:11

Riip anyun chuuto kang'atiin rani. Keero, aoone komanda eng' taing'ung' Amorik, Kanaanik, Hitik, Perisik, Hibik ak Jebusik.”

KALEWANAIK 10:25

Ye siirto kipchurchuryet koma komi kiptengekyot, ago lumeiywot ne po koigeny chiito ne po iman.

KALEWANAIK 18:10

Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

TYENDO NE SIIREI TUGUL 2:6

Oiye, nda tiye metinnyu eunnyi ne po kaataam, ak komuureno eunnyi ne po tai!

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

ISAIAH 26:4

Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 50:21

Togoste emetap Merataim, obargei, obargei ak nganasanooto, ak piik che menyei Pekod: par ak ing'em igeesu iyotennywa, mwaei Kamuktaindet ne Toroor, ak iyai ko uu tugul che kaang'atiin.

HOSEA 11:3

Ago ki anee ne ki aneet Ephraim kowendot; ki aganabate eng' eunekyuk; ago ki ma nai kole ki asoobi icheek.

MIKAH 5:1

Iyumge anyun, obee kweanaigap lugeet, ee cheptap kweanaigap lugeet; kogoyiemech: kwere kirokto matandap kirwoogindetap Israel.

MIKAH 5:2

Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

HABAKUK 1:12

Tos, me po koigeny, inyee, ee Kamuktaindet ne Toroor Kamuktaindennyu, Ineendet ne Tiliil ne nenyu? Ma kibegu. Ee Kamuktaindet ne Toroor, ki ichopchi ineendet kirwooget; ak ee inyee rwandet, ki igimit ineendet si kobiit kitigon.

LUKA 13:34

“Ee, Jerusalem, Jerusalem, inyee ne ibare maotik, ak ilage koik che kiyogun! Ki amach konyil ata ayum lagoguk, ko uu ngokyet ne iyumjin aarekyik kebebaikyik, ago ki ma ocham!

ROMANIK 16:20

Ak tuun tuei Kamuktaindet ne po kaalyeet Setani eng' keelyekwok ko neegit. Ingotep kobootok myeeindap Kiptaiyandennyo Jeso Kristo.

ROMANIK 8:2

Amu kagotyacha ng'atuutyetap Kabuusetap saboon eng' Kristo Jeso amang'une ng'atuutyetap tengek ak meet.

NG'ATUTIK 7:2

ak ye kagoonin Kamuktaindet ne Toroor Kamuktaindeng'ung' inam icheek, ko nyolu ibar iwong'u. Amoarorchigei kiy kobooto icheek anan iriiree.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

JOSHUA 24:18

Ki oon `Kamuktaindet ne Toroor piik tugul koba eng' tainnyo, chooto Amorik che ki menyei emoniito. Nooto anyun kiboisyechini Kamuktaindet ne Toroor agacheek, amu ineendet ko Kamuktaindennyo.”

1 PETERO 1:5

okweek che ki riibei eng' kimnateetap Kamuktaindet eng' kayaneet si onyooru yetunet ne choboot keng'aany eng' peetuutap let.

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.

1 SAMUEL 15:29

Ma mwaei lembech Kimnateetap Israel ama sigu; amu ineendet koma chiito si kowalak.”