NG'ATUTIK 32:4 - BUKUIT NE TILIIL Sireet ne Dutero Kanon

⁴ Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

Bukuit Ne Tilil

⁴ Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

BUKUIT NE TILIL

⁴ Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.

NG'ATUTIK 32:4 Iomraidhean Croise

TAUNET 1:31

Ki keer anyun Kamuktaindet tuguuk tugul che kiga koyai kole myachen miising'. Koimen ak koeech, peetuut ne po lo.

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

2 SAMUEL 22:47

Sabei Kamuktaindet ne Toroor, ak ilasunoot rwandennyu, ak ingotororit Kiptaiyat Kamuktaindetap rwandetap yetunennyu,

2 SAMUEL 23:3

Ki ng'alaal Kamuktaindetap Israel, ki ng'alaalwo Rwandetap Israel kole: “Ineendet ne pou piik eng' imanda, ko ingoboi eng' kaiyweisyetap Kamuktaindet,

2 ATEPTAP PEETUUSYEK 19:7

Ingotebenok anyun kaiyweisyet ne oiywei Kamuktaindet ne Toroor, oriip ak oyai, amu ma mi tengekto eng' Kamuktaindet ne Toroor, Kamuktaindennyo anan ko tiytiyetap piik, ama taachei konunoik che kigoigoisye.”

NEEMIA 9:8

Ki igeer ile po iman muguleldanyi eng' taing'ung', ak oyomiskei ak ineendet igoochi ineendet emetap kanaanindet, Hitindet, Amorindet, Perisindet, Jebusindet ak Girgasindet, igoochi emonooto iyotennyi ak kaiyai ng'aleeguk kosulda, amu ii po iman.

Kitabuutap JOB 34:10

Ogas anyun amu nooto, pichu otinye naet, ingolooit eng' Kamuktaindet keele imuuchi koyai yaityet. Ak ingolooit eng' Ineendet Ne po Kamuktaet, keele koyai tengekto.

Kitabuutap JOB 35:14

Kotam nee ye imwae ileen ma keere ineendet, mi ng'aleek tainnyi ak igeni.

Kitabuutap JOB 36:23

Ng'oo ne kigong'at ooreennyi? Anan ng'oo ne imuuchi komwa kole, ‘Keyai ne ma po iman?’

Kitabuutap JOB 8:3

Tos igunuuri `Kamuktaindet kirwooget? Anan imaasi Ineendet Ne po Kamuktaet imanda?

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 138:8

Isuldaiwo Kamuktaindet ne Toroor tuguuk che nyoljino; tebyei rireeneng'ung' koigeny, ee Kamuktaindet ne Toroor; amebagaakte poisyonigap euneguk.

TIENWOGIKAL 145:17

Po iman Kamuktaindet ne Toroor eng' ortinwekyik tugul, ak tala eng' poisyonikyik tugul.

TIENWOGIKAL 146:6

ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 18:46

Sabei Kamuktaindet ne Toroor! Iberuurot rwandennyu, ingotororit Kamuktaindet ne po yetunennyu.

TIENWOGIKAL 19:7

Ititaat ng'atuutyetap Kamuktaindet ne Toroor, ak koweechi saboondo. Po iman paornateetap Kamuktaindet ne Toroor, igoochin utaatyet chii ne yetyet.

TIENWOGIKAL 31:5

Kande saboondanyu eung'ung'. Ki ityaacha, ee Kamuktaindet ne Toroor, inyee Kamuktaindet ne po imanit.

TIENWOGIKAL 33:4

Amu po iman ng'olyootap Kamuktaindet ne Toroor; ak yaei poisyonikyik tugul eng' imanda.

TIENWOGIKAL 78:35

Ki ibwaat icheek kole Kamuktaindet ko rwandennywa, ak kole katyagindennywa Kamuktaindet Ne Toroor Miising'.

TIENWOGIKAL 9:16

Kigoboorgei Kamuktaindet ne Toroor, ki korwooch inee; ki konam kiptengekyot poisyetap eunekyik. [Higgaion. Selah]

TIENWOGIKAL 90:16

Ingotook poisyoniguk eng' kiboitiniguk, Ak telunateng'ung' eng' lagokwak.

TIENWOGIKAL 92:15

Si kobiit kobarta kole po iman Kamuktaindet ne Toroor; Ineendet rwandennyu, ama mi kiy ne ma po iman eng' ineendet.

TIENWOGIKAL 97:2

Yiemei ineendet poolik ak mesundeito: Ole tebee ng'echerennyi ne po pounateet ko imanda ak kirwooget.

TIENWOGIKAL 98:3

Kigobwaat rireenennyi ak imandanyi eng' kootap Israel: Ki kogeer tabanwek tugul che po ng'wony yetunetap Kamuktaindennyo.

TIENWOGIKAL 99:4

Chamei kimnateetap laitoryat kirwooget; Igimiiti imanda, Iyae kirwooget ak imanda eng' Jakobo.

KOMONG'U 34:6

Ki pun Kamuktaindet ne Toroor tainnyi ak komwaita kole, “Kamuktaindet ne Toroor, Kamuktaindet ne Toroor, Kamuktaindet ne nyiitaat rireenet ak myeeindo, ma sip konereechi ak nyiitaat talasyet ak imanit,

AMDOINDET 3:14

Angen ale, punjin koigeny kiy age tugul ne yaei Kamuktaindet. Ma kimuuchi ketesyi kiy anan keistoe kiy. Ki koyai Kamuktaindet, si koywei `piik ineendet.

ISAIAH 17:10

Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

ISAIAH 25:1

Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

ISAIAH 26:4

Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 9:24

Ago ingoloskei eng' ng'olyoondoni ineendet ne ilasugei, kole, ingeno ak konaa kole aa Kamuktaindet ne Toroor ne poisyee chamyet ne tala, kirwooget ak imanda eng' ng'wony. Amu aboiboitune tuguuchuuto. Mmwaei Kamuktaindet ne Toroor.

HABAKUK 1:12

Tos, me po koigeny, inyee, ee Kamuktaindet ne Toroor Kamuktaindennyu, Ineendet ne Tiliil ne nenyu? Ma kibegu. Ee Kamuktaindet ne Toroor, ki ichopchi ineendet kirwooget; ak ee inyee rwandet, ki igimit ineendet si kobiit kitigon.

HABAKUK 1:13

Inyee ne itinye koonyek che tiliileen kot ko mechame igeer yaityet, amechame igeer kamaaset, amu nee anyun si igeere che yaei kaberberisyet, ak isise ye igeere kiptengekyot kolugui chiito ne po iman kosiir ineendet;

SEPANIA 3:5

Po iman Kamuktaindet ne Toroor ne mi kwenunnyi; ma yaei tengekto; iboortoi kirwoogennyi karonet age tugul, yaei kosulda; ago ma ililandos piik che ma po iman.

MATAYO 5:48

Nooto anyun, oegu okweek che igesunotkei ko uu ye igesunotkei Kwandang'wong' ne po kipsengwet.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 5:22

Amu ma irwookyin Kwanda chii age tugul, ago Ki kogoochi Weeriit kirwooget tugul;

ROMANIK 1:32

che nganda ingen ng'atuutyetap Kamuktaindet ne leen, nyoljin meet icheeget che yaei tuguuk che uu chuuto, koma yaei kityo che uu chuuto, ago chamyechin kobooto icheeget che yaei tuguuchuuto.

ROMANIK 2:2

Ak kingen keele namegei kirwoogetap Kamuktaindet ak imanit agobo icheek che yaei tuguuk che uu chooto.

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

ROMANIK 3:5

Ago ngot kogonyiti atebeennyo ne ma po imanda, imandap Kamuktaindet, kota kemwae nee anyun? Tos ma po imanda Kamuktaindet ne nyoonei eng' nereegek? (Ang'alaali ko uu piik.)

1 KORINTOEK 10:4

ak kiee tugul eet agenge ne po saboon: amu kiee tugul eng' rwandet ne po saboon ne ki isubi icheek: ak rwandanooto ko ki Kristo.

NG'ATUTIK 10:18

Ineendet ne yachin imanda ne ma tinyei sigiik ak kwony age tugul ne kagosiirtoe manong'otyonnyi, ak kochamei toondet, igoochin amitwogik ak ngoroik.

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

NG'ATUTIK 32:18

Mebwaati Rwandet ne kwandang'ung', Ki iutye Kamuktaindet ne kisichin.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

JAKOBO 4:12

Ne koonu Ng'atuutyet ak korwoochi ko agenge, ineendet ne imuuchi kosar ak komuuchi kong'em: ago ii ng'oo inyee si irwookyi chiitap kokweng'ung'?

1 PETERO 2:6

Amu mi eng' sireet kole, Ogeero, kande Zion koita, koita ne po luuita ne lewenot ak ne chamat miising': Ak ineendet ne iyani, koma ililani.

1 SAMUEL 2:2

Ma mi ne tiliil ko uu Kamuktaindet ne Toroor, ma mi age kobatenen; ama mi rwandet ne uu Kamuktaindennyo.