NG'ATUTIK 32:22 - BUKUIT NE TILIIL Sireet ne Dutero Kanon

²² Amu kalal maat ne po nereegekyuk, ak lalei agoi keriinget ne loo miising', si kobeel ng'wony kobooto ruratennyi, ak kobeel ole tonone tuloonook.

Bukuit Ne Tilil

²² Amu kalal maat ne po nereegekyuk, ak lalei agoi keriinget ne loo miising', si kobeel ng'wony kobooto ruratennyi, ak kobeel ole tonone tuloonook.

BUKUIT NE TILIL

²² Amu kalal mat ne bo neregekyuk, Ak lalei agoi keringet ne loo mising’, Ak kobeel ng’ony koboto ruratennyi, Ak kobeel ole tonone tulonok.

NG'ATUTIK 32:22 Iomraidhean Croise

TIENWOGIKAL 144:5

Ing'uruuch kipsengwetisyeguk, ee Kamuktaindet ne Toroor, ak ichooruge! Twa tuloonook, si koiyenso!

TIENWOGIKAL 21:9

Iwong'u icheek eng' maat ne ng'eteteni eng' peetuutap nereegeguk. Lugui `Kamuktaindet ne Toroor icheek eng' nyitatennyi, ak kobeel maat icheek kogees.

TIENWOGIKAL 46:2

Ma kiyweisyei anyun amu nooto, agot nda walak ng'wony, agot nda pendi tuloonook kwenutap nyanjosyek;

TIENWOGIKAL 83:14

Ko uu maat ne peelei timiin, Ak ko uu liplibenet ne peelei tuloonook;

TIENWOGIKAL 86:13

Amu oo rireeneng'ung' eng' anee; Ak ki isaru saboondanyu eng' keriinget ne loo miising'.

TIENWOGIKAL 97:3

Indoi maat eng' ineendet, Ak peelei puunikyik eng' komoswek tugul.

ISAIAH 24:6

Ki koam anyun chubisyet ng'wony, ak ki konam ng'oogisto che menyei. Ki kibeel piik che menyei ng'wony, ak ki ng'et che ng'ering'.

ISAIAH 30:33

Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.

ISAIAH 54:10

Amu istogei tuloonook ak kiutoi tuloonook che mengeechen; ago ma istoenengei talasyennyu, ama ki istoi kayomisennyu ne po kaalyeet, mwaei Kamuktaindet ne Toroor ne rireenen.

JEREMIA 15:14

Agoonok obe ak puunikwok emet ne mongen. Amu kagolal maat ne lalenen eng' nereegekyuk.

JEREMIA 17:4

Ak ibagaaktoi aginye poroteng'ung' ne ki agoonin; ak agoonin ioot puuniguk eng' emet ne mengen: amu ki olaal maat eng' nereegekyuk, ne lalei koigeny.

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

RIREKAB JEREMIA 2:2

Kigong'em Kiptaiyat meng'otosyek tugul che po Jakobo ama riiree. Ki kobut eng' nereegekyik irimoigap cheptap Judah. Ki koturuur icheek kobwa ng'wony eng' kalilanet pounateet ak pounikyik.

RIREKAB JEREMIA 2:3

Ki kotil kimnateetap Israel eng' nereegekyik che ng'woneen. Ki koweech eunnyi ne po tai konyo eng' taitap puunik. Ki kolal ineendet ko uu maat ne liplibeni eng' Jakobo, ne peelei komoswek tugul.

RIREKAB JEREMIA 2:4

Ki koriich kwangennyi ko uu puunyoot, ki tonon kochuul eunnyi ne po tai ko uu puunyoot, ki kobar tugul che iboiboi koonyek; eng' emaitap cheptap Zion; ko ki koroong'ji nereegekyik che koroomen ko uu maat.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

EZEKIEL 19:12

Ago ki kitut eng' nereegek che ng'woneen, ki kiwiirta kwo ng'wony, ki yaamyo logoekyik eng' usoonetap kong'asiis: ki kiiri keetiikyik che kiimeen ak koresyo; kilalyo kogeskei eng' ma.

EZEKIEL 22:21

Ee, ayumok tugul, ak aguutak eng' maatap nereegekyuk, ak ochootye eng' maata.

EZEKIEL 36:5

mwaei anyun Kiptaiyat Kamuktaindet ne Toroor kole: Ki amwa iman eng' maatap ng'etkondanyu agobo pororyosyek che ng'etunotiin, ak agobo Edom tugul, che kiityigei emennyu kole kobunji eng' poiboiyetap mugulelwekwak tugul, eng' koroomnatetap saboondo, si kogoito keluul:

EZEKIEL 38:19

Amu kaamwa eng' ng'etkondanyu ak eng' maatap nereegekyuk, ale, Piitu iman potanet ne oo eng' peetuunooto eng' emetap Israel;

ATEPTAP LAWIK 26:20

Oboisyee puch kimnateeng'wong', amu ma koonu emeng'wong' rurateet, ak ma iitos keetiigap emet logoekwak.

AMOS 5:6

Ocheeng' Kamuktaindet ne Toroor si osapche, si ma lal ko uu maat eng' kootap Joseph, ak kobeel Bethel kogees, ama piitu chii ne imisi.

AMOS 7:4

Ki iboorwo Kiptaiyat Kamuktaindet ne Toroor ko uu ni: kiguur Kiptaiyat Kamuktaindet ne Toroor maat kobeelisye; ak ki peel rireet ne oo ak konam kobeel emet.

MIKAH 1:4

Ak kochootyo tuloonook eng' keelyekyik, ak kobetogis atebwosyek, ko uu ye chotei temeniet ko kauchi maat, ko uu peek che kirandoi eng' ole keigei.

HABAKUK 3:10

Ki iyweis tuloonook ye kigeerin; Kisiirto usoonetap nyanjet; Kitul rireet, ak konamji parak eunekyik.

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

KAITOSYEK 16:33

Ki pa keriinget kosaptos pichooto ak icheeget che ki mi tugul. Ki tuch `ng'wony icheek ak ki lusyo anyun eng' tuiyet.

KAITOSYEK 16:35

Ki mong' maat anyun eng' Kamuktaindet ne Toroor ak ki peel pichooto pogol aeng' ak konom che ki igoitoi nyamdutik che kibeelei.

MATAYO 10:28

Amoiywei icheek che parei poorto ago ma imuuchi kobar saboondo; ago kaigai oiywei ineendet ne imuuchi kong'em saboondo kobooto poorto eng' Gehenna.

MATAYO 18:9

Ak ngo nachin kondang'ung', ibalu ak iwiirte. Kaigai eng' inyee imong'ji saboondo ii po kong'ak kosiir itinye koonyek aeng' ak kewiirchin Gehenna, ye mi maat.

MATAYO 23:33

Erenochu, oo lagogap erenook che ng'woneen, ochilildoi ano eng' kirwoogetap Gehenna!

NG'ATUTIK 29:20

Ma metoi Kamuktaindet ne Toroor chiichooto ago iyenjin chiichooto nereegek ak ng'etkonda che po Kamuktaindet ne Toroor ak kotebee chiichooto chubisyoni tugul ne ki kisirchi kitabuuni ak kobukto Kamuktaindet ne Toroor kainennyi eng' kurereetap kipsengwet.

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

HEBRANIK 12:29

amu Kamuktaindet nenyo ko maat ne igeesu.