NG'ATUTIK 29:26 - BUKUIT NE TILIIL Sireet ne Dutero Kanon

²⁶ Ki pa koot kanamonik ak kogutung'ji che ki ma kongen ak che ki ma chamji ineendet.

Bukuit Ne Tilil

²⁶ Ki pa koot kanamonik ak kogutung'ji che ki ma kongen ak che ki ma chamji ineendet.

BUKUIT NE TILIL

²⁶ ak kiba koot kanamonik, ak kogutung’ji, kanamonik che kima kongen, ak che kima chamji inendet:

NG'ATUTIK 29:26 Iomraidhean Croise

2 LAITORINIK 22:17

Amu kimetaa icheek ak kobeelji nyamdutik kamuktaik ak kotacha anereech eng' poisyonikwak tugul che po eunekwak, eng' nooto anyun, kolaldos nereegekyuk agobo koroni, ama kimisi.’

JEREMIA 16:11

Ileenji anyun icheek, Amu ki kometa kwanisyekwok, mwaei Kamuktaindet ne Toroor, ak kosubot kanamonik che teer, ak koot ak kolas, ak kometaa, ama riip ng'atuutikyuk;

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ATUTIK 29:25

Kole anyun piik, ‘Amu ki pagaakta kayomisetap Kamuktaindet ne Toroor, Kamuktaindetap kwanisyekwak ne ki yai kobooto icheek ye ki imutu komong' eng' emetap Misiri.

NG'ATUTIK 29:27

Ki lal anyun nereeknatetap `Kamuktaindet ne Toroor amu nooto agobo emoni ak koipchi chubisyosyek tugul che ki kisirchi bukuini.

KIRUOGIK 5:8

Ki lewen kamuktaik alak, kobiit lugeet eng' kurgotik. Tos kige keerei long'eet anan ko ng'otit eng' piik eliphuusyek artam eng' Israel?