NG'ATUTIK 16:19 - BUKUIT NE TILIIL Sireet ne Dutero Kanon

¹⁹ Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

Bukuit Ne Tilil

¹⁹ Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

BUKUIT NE TILIL

¹⁹ Amemaas kiruoget: ametiytii bik: anan itaach che bo kagaigaet; amu kerei konyekab che ng’omen tuguk che bo kagaigaet, ak kogunuri ng’alekab che bo imanda.

NG'ATUTIK 16:19 Iomraidhean Croise

TIENWOGIKAL 15:5

ne ma pesendoi fedhaisyekyik si kosige che siirtoot, ama taachei tuguugap kagoigoisyet agobo ne ma tinyei tengek. Ineendet ne yaei tuguuchuuto, koma ki istoi agoi.

KOMONG'U 18:21

Nyolu kogeny ilewenote eng' piik tugul piik che kiimeen, che iywei Kamuktaindet, piigap imanit che wechei tuguugap asoya. Inde icheek koboi piik koek pounigap eliphuusyek, che po pogolwogik, che po konomusyek ak che po tamanusyek.

KOMONG'U 23:2

Amesup tuiyet iwe iyai kiy ne ya. Ye ibaoryan eng' kapkirwook ko matonamgei ak tuiyet ibaoryan lembech, imaas kirwooget.

KOMONG'U 23:3

Ametiytiy kibanania eng' ng'aleekyik.

KALEWANAIK 15:27

Inyalili koonnyi `ineendet ne kipkeiyat agobo kelunaik, ago sabei ineendet ne wechei asoya.

KALEWANAIK 17:23

Eng' ung'oot kotaachei kiptengekyot kitap asoya, si komaas ortinwegap kirwooget.

KALEWANAIK 18:5

Ma myee ketiytiy kiptengekyot, anan kimaas ne po iman eng' kirwooget.

KALEWANAIK 24:23

Chuuto ak icheek ko ng'aleegap che utaatiin. ma myee ketiytiy piik eng' kirwooget.

KALEWANAIK 24:28

Amat iegu paoryat igirinde chiitap kokweng'ung' puch, amat ing'aalse eng' kuting'ung'.

KALEWANAIK 31:5

si ye kagoee, koutye ng'atuutik, ak komaas kirwoogetap age tugul ne kinyaliili.

AMDOINDET 7:7

Igoochin iman sastaet chiito ne utaat koberberit; ak ng'emei `kiit ne kigoigoisye naet.

ISAIAH 1:17

oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 33:15

Ineendet ne wendote imanda ak kong'alaali che lititen, ineendet ne sasei kelunetap sastaet, ne ma namei asoya, ne timei itiikyik si ma kas agobo korotiik, ak ne tuchei konyekyik si ma keer yaityet,

JEREMIA 5:28

ki koneryo miising' ak iluu. Siirtootin icheek eng' poisyonigap sogornateet; ma irwoochi si kobesyechi eng' imanit ne ma tinyei sigiik, ama irwooksechin komyee che ponondos.

EZEKIEL 18:8

ineendet ne tomo kogoito tuguuk si konyoorunee kelunet ne siirtoot, ama ibei che tesatiin, ne kigoistoe eunnyi tengekto, ne ki koyai kirwooget ne po iman eng' kwenutap piik,

EZEKIEL 22:12

Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

ATEPTAP LAWIK 19:15

“Amat oyai ne ma po iman eng' kirwooget; ametiytiy kibananook anan igonyit che eecheen; ago irwookyi chiitap kokweng'ung' eng' imanda.

MIKAH 7:3

Igiilegei eng' eunekwak koyai kiit ne ya; soomsei pounindet ak kirwoogindet komachei kiit ne kigoigoisye; ak mwaei chiito ne oo mageet ne ya ne po saboondanyi; chobei icheek ko uu nooto.

HABAKUK 1:4

Ki kochoriren ng'atuutyet amu nooto; ama komi kirwooget ne kirwoochi. Yiemei kiptengekyot chiito ne po iman; kirwoochi anyun kirwooget kimaasi.

POISYONIGAP CHE KIYOKTOI 10:34

Ki ng'aany anyun Petero kutinnyi, kole, “Iman ageere ale ma chamei `Kamuktaindet piik alak kosiir alak:

POISYONIGAP CHE KIYOKTOI 16:37

Ago ki leenji Paulo icheek, “Kagobirech eng' taitap piik, ama kirwookwech, acheek piik che ki Romanik, ak kogotoorchech korgoreet; ak nguno komachei koonech eng' ung'oot? Achicha, ma uu nooto; ago ingobwa icheeget komutech kemande.”

POISYONIGAP CHE KIYOKTOI 23:3

Koleenji anyun Paulo ineendet, “Tuun pirin Kamuktaindet, inyee inaatut ne ki kisal koleelit. Itebye ak irwokwo ko uu ye mwaei Ng'atuutyet, ak ing'ate kebira ama chamdoi Ng'atuutyet?”

NG'ATUTIK 10:17

Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

NG'ATUTIK 16:18

“Inde kirwoogik ak pounik kurgotiguk tugul che koonin Kamuktaindet ne Toroor Kamuktaindeng'ung' ko uu ortinweguk si korwookyi piik eng' kirwooget ne po imanda.

NG'ATUTIK 24:17

Amemaas kirwoogetap toondet anan ne ma tinyei sigiik anan iname pesendo ngoryeetap mosoget.

NG'ATUTIK 27:19

“Chuboot chii ne imaasi kirwoogetap ne toondet ak ne ma tinyei sigiik ak mosoget.” Ak kole piik tugul, “Amen!”

NG'ATUTIK 27:25

“Chuboot chii ne taachei melekto si kobar chii ne ma tinyei tengek.” Ak kole piik tugul, “Amen!”

1 SAMUEL 12:3

Ang'ni anee! Obaoryanjo yaityo eng' taitap Kamuktaindet ne Toroor ak eng' taitap nenyi ne iilaat. Ki arebee ng'oo tennyi? Anan ki arebee ng'oo sigiryennyi? Anan ki aberber ng'oo? Ki aus ng'oo? Anan ki anam eng' eutap ng'oo tugun che po asoya si atuge konyekyuk? Ngo mi aweekwok.”

1 SAMUEL 8:1

Kingo osit Samuel, konde weeriikyik koek kirwoogik che pou Israel.

1 SAMUEL 8:3

Ma pendate weeriikyik ortinwekyik, ago kimasta kosup mogornateet eng' ooreet ne ya. Kitaach asoya ak komaas kirwooget.