NG'ATUTIK 14:29 - BUKUIT NE TILIIL Sireet ne Dutero Kanon

²⁹ si konyo Lawindet amu ma tinyei kebeberta anan poroteet kobooten. Nyoonei kora toondet ak ne ma tinyei sigiik, ak mosogichooto mi kurgotiguk nyoo koamis ak kobiyong'so, si koberuurin Kamuktaindet ne Toroor Kamuktaindeng'ung' eng' poisyet tugul ne po euneguk.

Bukuit Ne Tilil

²⁹ si konyo Lawindet amu ma tinyei kebeberta anan poroteet kobooten. Nyoonei kora toondet ak ne ma tinyei sigiik, ak mosogichooto mi kurgotiguk nyoo koamis ak kobiyong'so, si koberuurin Kamuktaindet ne Toroor Kamuktaindeng'ung' eng' poisyet tugul ne po euneguk.

BUKUIT NE TILIL

²⁹ si konyo Lawindet amu matinyei kebeberta anan borotet koboten, ak toondet, ak ne matinyei kwanda, ak mosok, choto mi kurgotiguk nyo koamis ak kobiyong’so; si koberurin Jehovah Kamuktaindeng’ung’ eng’ boisiet tugul ne bo euneguk.

NG'ATUTIK 14:29 Iomraidhean Croise

TIENWOGIKAL 41:1

Paibai miising' ineendet ne ibwaati che nyerootiin; saru `Kamuktaindet ne Toroor ineendet eng' peetuutap nyalilda.

TIENWOGIKAL 41:2

Riibei `Kamuktaindet ne Toroor ineendet ak kogoochin kosap, ak kobaibait eng' emet; Ak amegoochi puunikyik koboi ineendet.

TIENWOGIKAL 94:6

Parei mosoget ak toondet, Ak rumei che ma tinyei sigiik.

KALEWANAIK 11:24

Mi ne igoitoi, ago tesoksei kosiir; ak komi ne etei miising' kosiir ne nyolu, ago ibu nooto pananda.

KALEWANAIK 19:17

Ineendet ne riiree kibananiat ko kabesendochi Kamuktaindet ne Toroor, ak kiyaakyin ineendet kogeny eng' poisyennyi ne myee.

ISAIAH 1:17

oneetkei oyai ne myee! Ocheeng' kirwooget, otoret che kisastoe, obesyechi ng'aleek ne ma tinyei sigiik, ong'alaaldochi mosoget.

ATEPTAP LAWIK 19:34

Igeitu toondet ne meng'iisyei kobootok ak ne kisikyin kaa, cham ineendet ko uu ye ichamegei; amu ki oo toek eng' emetap Misiri. Aa Kamuktaindet ne Toroor Kamuktaindeng'wong'.

KAITOSYEK 18:20

Ki leenji anyun `Kamuktaindet ne Toroor Aron, “Menyooru poroteet eng' emennywa, amenyooru kebeberta age tugul eng' kwenunnywa. Anee kebebertang'ung' ak poroteng'ung' eng' kwenutap piigap Israel.”

LUKA 11:41

Ogoite kagoochinoik che po tuguuk che mi oriit; ak ogeero, tiliiliitu tuguuk tugul eng' okweek.

LUKA 6:35

Ago ocham puunikwok, ak oyai ne myee, ak obesende, amongen onyooru kogeny; si koeet melektang'wong', ak oegu weeriitap Ineendet Ne Toroor Miising'; amu tala ineendet eng' icheeget che ma tinyei kongoi ak che yaacheen.

NG'ATUTIK 10:9

Ko uu nooto, koma nyooru Lawi anyun kebeberta anan poroteet kobooto tupchosyekyik. Porotennyi Kamuktaindet ne Toroor, ko uu ye ki mwachi ineendet Kamuktaindet ne Toroor Kamuktaindeng'ung'.

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

NG'ATUTIK 14:27

Amebagaakte Lawindet ne mi kurgotiguk; amu ma tinyei kebeberta anan poroteet kobooten.

NG'ATUTIK 15:10

Igoochi ineendet anyun iman, amat koyait muguleldang'ung' ye igoochini. Amu iberuurin Kamuktaindet ne Toroor Kamuktaindeng'ung' eng' ng'olyoondoni eng' poisyoniguk tugul ak eng' tuguuk tugul che iyae euneguk.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 16:14

Paibaitu eng' igoortang'ung', inyee ak weeriing'ung' ak cheptong'ung', otwogeng'ung' ne muren ak ne tye, Lawindet, toondet, ne ma tinyei sigiik ak mosoget che mi nganasooguk.

NG'ATUTIK 23:21

“Ye iarorchi Kamuktaindet ne Toroor Kamuktaindeng'ung' kaarorunet ko mat igaegei, amu magenen Kamuktaindet ne Toroor Kamuktaindeng'ung' kioto iman; si ma ek tengekto eng' inyee.

NG'ATUTIK 28:8

Ng'atei Kamuktaindet ne Toroor perurto konyonjin eng' chogeniguk ak eng' tugul che iyai eng' eung'ung' ak iberuurin eng' emet ne koonin Kamuktaindet ne Toroor Kamuktaindeng'ung'.

NG'ATUTIK 6:11

ak kooriik che nyiitootiin tuguuk tugul che myachen che ki ma inyiiti, keriingonik che po peek che ki ma ibale, mbareenigap sabibuk ak mseituni che ki ma imiine, ak ye iam ak ibiye,

HEBRANIK 13:2

Amoutye oboorchi toek chamyet: amu ki kotaach alak malaikaisyek eng' nooto amaingen.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.